ట్విట్టర్ కొనుగోలు ప్రక్రియ ముందుకు సాగేది అప్పుడే.. ఎలాన్

     Written by : smtv Desk | Tue, May 17, 2022, 04:24 PM

ట్విట్టర్ కొనుగోలు ప్రక్రియ ముందుకు సాగేది అప్పుడే.. ఎలాన్

టెస్లా, స్పేస్ ఎక్స్ సంస్థల అధినేత ఎలాన్ మస్క్ ఇటీవల రూ.3.30 లక్షల కోట్లతో ట్విట్టర్ కొనుగోలు ప్రక్రియ ప్రారంభించి సంచలనం సృష్టించిన విషయం తెలిసిందే. అయితే, ఈ వ్యవహారం ఇంకా కార్యరూపం దాల్చకపోవడంపై ఎలాన్ మస్క్ స్పందించారు. ట్విట్టర్ లో నకిలీ ఖాతాలు చాల ఉన్నట్లుగా గుర్తించామని ఇందులో ఉన్న స్పామ్ ఖాతాల సంఖ్యపై స్పష్టత వస్తేనే ఈ కొనుగోలు ఒప్పందం ముందుకు సాగుతుందని వెల్లడించారు.
ట్విట్టర్ లో ఉన్న మొత్తం ఖాతాల సంఖ్యలో నకిలీ ఖాతాల సంఖ్య 5 శాతం కంటే తక్కువేనని ట్విట్టర్ నిర్వాహకులు పక్కా ఆధారాలు చూపిస్తేనే తాను కొనుగోలుకు ముందడుగు వేస్తానని మస్క్ తేల్చి చెప్పారు. ట్విట్టర్ ఎస్ఈసీ ఫైలింగ్స్ (సెక్యూరిటీస్ అండ్ ఎక్చేంజి కమిషన్ ఫైలింగ్స్) ఎంత నిక్కచ్చిగా ఉన్నాయన్న దానిపైనే తన ఆఫర్ భవిష్యత్తు ఆధారపడి ఉందని వివరించారు.
స్పామ్ అకౌంట్లు 5 శాతం కంటే తక్కువ ఉన్నాయని చూపడానికి నిన్న ట్విట్టర్ సీఈవో బహిరంగంగానే నిరాకరించాడని, ఈ ఒప్పందంలో పురోగతి కనిపించాలంటే స్పామ్ ఖాతాలు ఎన్ని ఉన్నాయో వారు చెప్పాల్సిందేనని మస్క్ స్పష్టం చేశారు. ట్విట్టర్ చెబుతున్న దానికంటే నకిలీ ఖాతాల సంఖ్య నాలుగు రెట్లు అధికంగా ఉండొచ్చని భావిస్తున్నామని, బహుశా 20 శాతం స్పామ్ అకౌంట్లే అయ్యుంటాయని ఎలాన్ మస్క్ ట్వీట్ చేశారు.





Untitled Document
Advertisements