జిన్నా మూవీ ప్ర‌మోష‌న్స్ లో కీలక నిర్ణయం తీసుకున్న మంచు విష్ణు..

     Written by : smtv Desk | Wed, Sep 28, 2022, 12:44 PM

జిన్నా మూవీ ప్ర‌మోష‌న్స్ లో కీలక నిర్ణయం తీసుకున్న మంచు విష్ణు..

ఎవరికి ఎలాంటి స్టఫ్ కావాలని ఆ ప్రెస్ మీట్‌కి హాజరుఅవుతారో అంతకుమించిన స్టఫ్ ఇస్తారు మంచు విష్ణు. మంగళవారం నాడు మీడియా సమావేశం నిర్వహించారు మంచు విష్ణు. ఈ సమావేశంలో పలు కీలక ప్రకటనలు చేశారాయన. మంగళవారం నాడు జిన్నా మూవీ ప్ర‌మోష‌న్స్‌లో భాగంగా సోష‌ల్ మీడియా ఇన్‌ఫ్లూయెన్స‌ర్స్‌తో మంచు విష్ణు సమావేశం అయ్యారు. అందులో మూవీ ఆర్టిస్ట్ అసోషియేషన్ ప్రెసిడెంట్, హీరో మంచు విష్ణు కీలక నిర్ణయం తీసుకున్నారు. మూవీ ఆర్టిస్ట్ ఎన్నికల్లో ఇక పోటీ చేయనని స్పష్ఠం చేశారు మంచు విష్ణు. ఈ సమావేశంలో తనని తన కుటుంబాన్ని టార్గెట్ చేసిన ట్రోలర్స్‌కి స్ట్రాంగ్ వార్నింగ్ ఇచ్చారు మంచు విష్ణు. టాలీవుడ్‌కు చెందిన ఓ హీరో త‌న కుటుంబాన్ని టార్గెట్ చేశార‌ని ఆ హీరో ట్రోలింగ్ చేసేందుకు ఏకంగా 21 మంది ఉద్యోగులను నియమించుకున్నాడని ఆరోపించారు. త్వరలో వాళ్ల ఆట కట్టించేందుకు రంగం సిద్ధం చేస్తున్నాం అని సైబర్ క్రైమ్ పోలీసులకు ఆధారాలను అందచేస్తున్నట్టు చెప్పారు మంచు విష్ణు.
ఇక మా ఎన్నికల గురించి మాట్లాడుతూ.. తాను మళ్లీ మా ఎన్నికల్లో పోటీ చేసేది లేదని స్పష్ఠం చేశారు. ఇదే తన చివరి ఎలక్షన్ అని.. ఏ ఎలక్షన్స్‌లోనూ మంచు విష్ణు పోటీ చేసేది లేదని చెప్పారు. నటుడిగా తాను చాలా హ్యాపీగా ఉన్నానని తాను చాలా రెస్పెక్టెడ్ యాక్టర్ అని తనని తాను పొగుడుకున్నారుమంచు విష్ణు. అంతటితో ఆగితే బాగానే ఉండేది కానీ ఆ పొగడ్తల్లో ఓ అడుగుముందుకేస్తూ నటుడిగా భారతదేశమే కాదు ప్రపంచ వ్యాప్తంగా గుర్తింపు రావాలని కష్టపడతానన్నారు. కొన్ని అనివార్య పరిస్థితుల్లో మా ఎలక్షన్స్ జరిగాయని అవి అయిపోయాయి కాబట్టి మళ్లీ అటు వైపు వెళ్లేది లేదని తన ఫోకస్ మొత్తం నటనవైపే ఉంటుందని చెప్పారు మంచు విష్ణు.





Untitled Document
Advertisements