మెంతులతో ఆరోగ్య సమస్యలకు చెక్..

మెంతులు, మావన శరీరంలోని విషాలను బయటకు పంపించి, మానవ శరీరాన్ని ఎల్లవేళలా ఆరోగ్యంగా ఉంచడంలో బాగా ఉపయోగ పడతాయి. వేల సంవత్సరాలుగా, వాడుకలో ఉన్న ఆయుర్వేదం మెంతులు, మెంతి కూరను ప్రతి రోజూ వాడమంటుంది. వంటింట్లో కంపల్సరీగా ఉండే దినుసుల్లో మెంతులు కూడా ఉంటాయి. కడీ పకోరా లాంటి వంటలకీ, రోటి పచ్చళ్ళకీ మెంతులు చక్కని రుచినిస్తాయి. అయితే, రుచి మాత్రమే కాదు, మెంతులతో ఎన్నో ఆరోగ్య ప్రయోజనాలూ, సౌందర్య ప్రయోజనాలూ ఉన్నాయంటున్నారు నిపుణులు. మరి అవేమిటో చూసేద్దాం రండి.
* బరువు తగ్గడానికి : బరువు ఎక్కువా తక్కువా లేకుండా సమతూకంగా ఉంటే చూసేవాళ్ళకే కాదు, మనకి కూడా బాగుంటుంది. మీరు కొద్దిగా బరువు ఎక్కువగా ఉండి దాన్ని తగ్గించుకోవాలనుకుంటుంటే మెంతుల్ని మీ ఆహారంలో చేర్చుకోండి.
* అరుగుదల చక్కగా : మెంతుల్ని రోజు వారీ ఆహారంలో భాగం చేసుకోవడం వల్ల బవెల్ మూమెంట్స్ బాగుంటాయి. మెంతులు అన్ని రకాల జీర్ణ సంబంధ సమస్యలతోనూ పోరాడుతాయని పేరెన్నికగన్నవి. వీటిలో యాంటీ ఆక్సిడెంట్స్, ఫైబర్ కూడా ఉంటాయి. ఇవి బాడీలో ఉండే టాక్సిన్స్ ని బయటకి పంపేస్తాయి.
* కొలెస్ట్రాల్ తగ్గించి : కొలెస్ట్రాల్ తగ్గించడానికి మెంతులు హెల్ప్ చేస్తాయి. ఇవి చెడు కొలెస్ట్రాల్, ట్రైగ్లిసరైడ్స్ లెవెల్స్ ని తగ్గిస్తాయి. అదే, సమయంలో మంచి కొలెస్ట్రాల్ మీద ఎలాంటి ప్రభావం చూపించవు.
* డయాబెటీస్ కూడా : డయాబెటీస్ ఉన్నవారు మెంతుల్ని వారి ఆహారంలో తప్పనిసరిగా చేర్చుకోవాలి. వీటిలో ఉండే ఎమైనో యాసిడ్స్ ఇన్సులిన్ ప్రొడక్షన్ లో సహాయపడతాయి.
* పీరియడ్స్ నొప్పిని : పీఎంఎస్ సమయంలో ఉండే అసౌకర్యాన్ని పోగొట్టడంలో మెంతులు హెల్ప్ చేస్తాయి. పీరియడ్స్ సమయంలో వచ్చే నొప్పిని తగ్గించడంలో కూడా హెల్ప్ చేస్తాయి.
* ఆర్థ్రైటిస్ పెయిన్ : మెంతుల్లో ఉండే యాంటీ ఇంఫ్లమేటరీ, యాంటీ ఆక్సిడెంట్ గుణాల వలన ఆర్థ్రైటిస్ వల్ల వచ్చే నొప్పిని తగ్గించడంలో సహాయం చేస్తాయి.
* హృదయం పదిలం : మెంతుల్లో ఉండే గెలాక్టోమెనన్ గుండె ఆరోగ్యాన్ని జాగ్రత్తగా కాపాడుతుంది. వీటిలో పొటాషియం ఎక్కువగా ఉంటుంది, ఇది హార్ట్ రేట్ నీ, బ్లడ్ ప్రెజర్ నీ కంట్రోల్ చేస్తుంది.
* కిడ్నీ ఆరోగ్యానికి : కిడ్నీలు చక్కగా పని చేయాడానికి మెంతులు సహకరిస్తాయి. వీటిలో ఉండే పాలీఫెనాలిక్ ఫ్లేవనాయిడ్స్ కిడ్నీల పని తీరుని మెరుగుపరుస్తాయి.
మెంతులు వల్ల కేవలం ఆరోగ్య ప్రయోజనాలే కాదు, ఇవి స్కిన్ కీ, హెయిర్ కీ కూడా మేలు చేస్తాయి. అవేమిటంటే:
1. మెంతుల్లో ఉండే విటమిన్ సీ వల్ల కాంప్లెక్షన్ మెరుగు పడుతుంది. స్కిన్‌కి మంచి గ్లో వస్తుంది.
2. మెంతులు మంచి క్లెన్సర్‌గా కూడా పని చేస్తాయి. ఇవి ముఖం మీద నుండి మురికినీ, జిడ్డునీ తొలగిస్తాయి.
3. మెంతుల్ని న్యాచురల్ స్క్రబ్ గా కూడా వాడుకోవచ్చు. ఈ స్క్రబ్ డెడ్ సెల్స్ నే కాదు, ఎక్కువగా ఉన్న ఆయిల్ ని కూడా తీసేస్తుంది.
4. మెంతులు చర్మానికి మంచి పోషణనిస్తాయి, మాయిశ్చరైజ్ చేస్తాయి.
5. మురికి, బ్యాక్టీరియా, డెడ్ స్కిన్ సెల్స్ వల్ల స్కిన్ మీద డార్క్ స్పాట్స్ వచ్చే అవకాశం ఉంది. మెంతుల్లో ఉండే విటమిన్ కే, విటమిన్ సీ వీటిని తొలగిస్తాయి. స్కిన్ మీద ఇంప్యూరిటీస్ ని తొలగించి చర్మానికి మంచి కాంతినిస్తాయి.
6. స్కిన్ అందంగా, యంగ్ గా, ఎలాంటి ముడతలు లేకుండా కనపడాలంటే మెంతుల డబ్బా అందుకోవడమే. మెంతులతో వేసే ఫేస్ మాస్క్ ముడతలకి కారణమయ్యే ఫ్రీ ర్యాడికల్స్‌ని నాశనం చేస్తుంది.
7. మెంతులు యాక్నే ప్రాబ్లం‌తో బాధ పడుతున్న వారికి కూడా హెల్ప్ చేస్తాయి.
8. మెంతులు చుండ్రుని తగ్గిస్తాయి, హెయిర్ ఫాల్ ని కంట్రోల్ చేస్తాయి.
9. మెంతులు జుట్టుని ఆరోగ్యంగా పెరిగేలా చేస్తాయి. జుట్టుకి మంచి కళనిస్తాయి.
10. జుట్టు త్వరగా తెల్లబడిపోకుండా మెంతులు కాపాడుతాయి.