కోలీవుడ్ హీరో కార్తి ఇప్పటి వరకు చేయనటువంటి ఓ వైవిధ్యమైన పాత్రలో నటిస్తున్నా చిత్రం 'సర్దార్' . అభిమన్యుడు ఫేమ్ మిత్రన్ దర్శకత్వంలో ఈ చిత్రం రూపొందుతుంది. స్పై అయ్యుండి కూడా ఇండియన్ ఇంటెలిజెన్స్ను భయపెట్టేలా తన పాత్ర ఉందంటే పాత్రలోని డెప్త్లో స్టోరిలో ట్విస్టులు, టర్నులను అర్థం చేసుకోవచ్చు. తను ఆరు గెటప్స్లో కనిపించబోతున్నారు. ఈ గెటప్స్ వెనుకున్న మతలబేంటి దేశం కోసం సర్దార్గా కార్తి ఏం చేశారో తెలుసుకోవాలంటే దీపావళి వరకు ఆగాల్సిందే.
తెలుగు, తమిళ భాషల్లో సర్దార్ సినిమా దీపావళికి సందడి చేయనుంది. కాగా శుక్రవారం ఈ సినిమా టీజర్ను చిత్ర యూనిట్ విడుదల చేసింది. ఈ యాక్షన్ థ్రిల్లర్ను ఎస్.లక్ష్మణ్ కుమార్ నిర్మించగా, తెలుగు రాష్ట్రాల్లో నాగార్జున అక్కినేని మూవీని విడుదల చేయనున్నారు. జార్జ్ సి.విలియమ్స్ సినిమాటోగ్రఫీ అందిస్తోన్న ఈ చిత్రానికి జి.వి.ప్రకాష్ సంగీతాన్ని అందిస్తున్నారు. రాశీఖన్నా హీరోయిన్గా నటించిన ఈ చిత్రంలో రజీషా విజయన్, చుంకీ పాండే కీలక పాత్రల్లో నటించారు.
ఈ ఏడాదిలో ఇప్పటికే విరుమాన్ అనే తమిళ చిత్రంతో సందడి చేసిన కార్తి ఇప్పుడు పొన్నియిన్ సెల్వన్ లో కీలక పాత్రధారిగా నటించి మెప్పించిన సంగతి తెలిసిందే. ఇప్పుడు అతి తక్కువ గ్యాప్లోనే సర్దార్ సినిమాతో ఆయన సందడి చేయబోతున్నారు.