ఇంట్లోనే ఓవెన్, మైక్రోవేవ్ లేకపోయినా సులువుగా బేకింగ్

బేకింగ్ అనేది ఓ కళ. అందరు ఇది చెయ్యలేరు. పిల్లలకు కేక్ చేసి పెట్టలనిపించినప్పుడు ఓవెన్, మైక్రోవేవ్ లేకపోతే బేక్ చేయటం కష్టం. అయితే బేకింగ్ చేసేందుకు కొన్ని మార్గాలు ఉన్నాయి. ఇవి మీరు ఓవెన్, మైక్రోవేవ్ లేకుండానే బేక్ చేసేందుకు సహాయపడతాయి. ఇందులోనూ ఓవెన్‌లానే బేక్ చేసుకోవచ్చు. మరి ఆలస్యం ఎందుకు ఎలా బేక్ చేయాలో ఇప్పుడు చూద్దామా..
*పాన్ అనేది ఎన్నో విధాలుగా మనం వాడతం. ఐరన్ ప్యాన్స్ చాలా రోజులుగా వాడుతున్నాం. ఇందులో ఎన్నో రకాల వంటలను చేస్తాం. దీనిలో చేయడం వల్ల టేస్ట్ పెరుగుతుంది. ఈ ప్యాన్‌పై బ్రెడ్ బేక్ చేయొచ్చు. అయితే చేసేటప్పుడు చేయాల్సిందల్లా బటర్‌ ఎక్కువగా రాయాలి. అప్పుడు దానికి అతుక్కోకుండా ఉంటుంది. ఆ తర్వాత ప్యాన్‌ని మూతతో క్లోజ్ చేయండి. ఈజీగా బేక్ అయిపోతుంది.
*వైర్ రాక్ స్టాండ్, కొన్ని బేకింగ్ ప్యాన్‌లతో వంటలను బేక్ చేసేందుకు పెద్ద కుండ అవసరం. కేకులు, చికెన్, బ్రెడ్ కూడా బేక్ చేయొచ్చు. ఓ పెద్ద పాట్‌లాంటి గిన్నె తీసుకోండి. దాని లిడ్ అంటే మూత సరిగ్గా ఉండాలి. ఇప్పుడు అందులో బేకింగ్ పాన్‌ని గ్రీజ్ చేసి అందులో బేక్ అవ్వాల్సిన పిండిని వేసి బుడగలు లేకుండా ట్యాప్ చేయండి. పిండి సెట్ అయ్యాక పెద్దగిన్నెలో స్టాండ్ పెట్టి బేకింగ్ పాన్ పెట్టండి. దానిని గాలి చొరబడని మూతతో కప్పండి. మూతకి చిన్న రంధ్రం లేకుండా చూసుకోండి. గాలి చొరబడకుండా కాటన్ క్లాత్‌తో కవర్ చేయండి. 2 నిమిషాలు మీడియం వేడి మంట, తర్వాత 20 నుంచి 25 నిమిషాల పాటు సిమ్‌లో ఉంచండి. మూసి ఉన్న ప్యాన్ ఓవెన్‌లానే వర్క్ చేస్తుంది. 30 నిమిషాల తర్వాత కేక్ రెడీ అవుతుంది.
*బేకింగ్ చేసేందుకు ప్రెజర్ కుక్కర్ కూడా బాగా ఉపయోగపడుతుంది. ఇందులో బేకింగ్ చాలా బాగా అవుతుంది. దీనిని స్టౌ టాప్ ఓవెన్‌గా కూడా అంటారు. ప్రెజర్ కుక్కర్‌తో మీరు డెసర్ట్స్, బ్రెడ్‌ని బేక్ చేయొచ్చు. కుక్కర్‌లో 30 నిమిషాల సమయం పడుతుంది. కుకీలు ప్రెషర్‌లో బేక్ చేయడానికి, జార్ నింపి దానిని మూతతో కప్పండి. ఇప్పుడు, ప్రెషర్ కుక్కర్ తీసుకుని ఒక కప్పు నీరు పోయండి. దానిపై ఓ మేసన్ జార్ ఉంచండి. 5 నుంచి 7 నిమిషాలు ఉడికించండి. కుకీస్ రెడీ అవుతాయి.
*పెద్ద గిన్నె తీసుకుని అందులో అడుగున ఉప్పు, ఇసుక, నీరు ఇలా ఏదైనా వేసి దానిపై స్టాండ్ పెట్టి వాటిపై బేకింగ్ ప్యాన్ పెట్టి హ్యాపీగా బేక్ చేయొచ్చు. అంతేకానీ, కచ్చితంగా ఓవెన్‌లోనే బేక్ చేయాలని ఏం లేదు. అయితే బేక్ చేసేటప్పుడు మాత్రమే లోపలికి గాలి చొరని పాత్రలను తీసుకోండి.