సల్మాన్ ఖాన్ యాక్ట్ చేసిన సినిమాలో డూప్ గా నటించిన సాగర్ పాండే ఇక లేరు..

Written by : smtv Desk | Sat, Oct 01, 2022, 10:48 AM

బాలీవుడ్ కండల వీరుడు సల్మాన్ ఖాన్ డూప్ సాగర్ పాండే గుండెపోటుతో మరణించారు. సల్మాన్ ఖాన్‌కు డూప్లికేట్‌గా పేరుగాంచిన సాగర్ స్టంట్ మ్యాన్‌గా పనిచేస్తున్నారు. ప్రస్తుతం అతని వయసు 50 ఏళ్లు కాగా శుక్రవారం మధ్యాహ్నం జిమ్‌లో వ్యాయమం చేస్తున్న సమయంలో గుండెపోటుకు గురయ్యాడు. ఆ తరువాత ఆయన కన్నుమూశారు. బాలీవుడ్ పరిశ్రమలోని ప్రముఖులు సాగర్ ఫొటోను షేర్ చేస్తూ సంతాపం వ్యక్తం చేస్తున్నారు. ఫిట్‌నెస్ విషయంలో చాలా జాగ్రత్తగా ఉండే సాగర్ అకస్మాత్తుగా మరణించడం అందరినీ తీవ్ర విషాదంలో ముంచింది.
సాగర్ పాండే సల్మాన్ ఖాన్‌తో చాలా సినిమాలకు పనిచేశారు. అతని మరణం పట్ల సల్మాన్ ఖాన్ సంతాపం తెలిపారు. సోషల్ మీడియాలో ఎమోషనల్ పోస్ట్ షేర్ చేశారు. 'నాతో ఉన్నందుకు నా హృదయపూర్వక ధన్యవాదాలు. సోదరుడు ఆత్మకు శాంతి చేకూరాలని కోరుకుంటున్నాను. ధన్యవాదాలు సాగర్ పాండే' అంటూ ఆయన రాసుకొచ్చారు. సాగర్ పాండేతో కలిసి దిగిన ఫొటోను పంచుకున్నారు. హార్ట్ బ్రేక్ సింబల్‌ను ఫొటోపై యాడ్ చేశారు.
సల్మాన్ ఖాన్ హీరోగా నటించిన అనేక చిత్రాలలో సాగర్ పాండే డూప్‌గా యాక్ట్ చేశారు. వీటిలో 'బజరంగీ భాయిజాన్', 'ట్యూబ్‌లైట్', 'ప్రేమ్ రతన్ ధన్ పాయో', 'దబాంగ్', 'దబాంగ్ 2' సినిమాలతో పాటు టీవీ షో బిగ్ బాస్ కూడా సాగర్ పాండే డ్యూయల్‌గా నటించారు. అతను స్టేజ్ షోలు చేయడంతో పాటు.. విదేశాలలో కూడా ప్రదర్శనలు ఇచ్చేవారు. అయితే 2020లో కరోనా ఎఫెక్ట్‌తో సాగర్ పాండేకి ఆఫర్స్ రాకపోవడంతో ఆర్థికంగా తీవ్ర ఇబ్బందులు ఎదుర్కొన్నారు. గతంలో ఓ ఇంటర్వ్యూలో ఆయన మాట్లాడుతూ కరోనా టైమ్‌లో ఆర్థికంగా ఇబ్బందులు ఎదుర్కొన్నానని అయితే తన ఖర్చుల కోసం సల్మాన్ ఖాన్ ప్రతి నెల డబ్బులు పంపిస్తున్నారని చెప్పారు. సాగర్ పాండే కూడా సల్మాన్ ఖాన్‌లానే పెళ్లి చేసుకోలేదు. ఉత్తరప్రదేశ్‌లోని ప్రతాప్‌గఢ్ చెందిన అతను నటుడు కావాలనే కోరికతో ముంబాయికి వచ్చారు. యాక్టర్‌గా అవకాశాలు రాకపోవడంతో సల్మాన్ ఖాన్ డూప్‌గా యాక్ట్ చేస్తూ వచ్చారు. అంతేకాకుండా సల్మాన్‌కి సంబంధించిన చాలా స్టంట్‌ సన్నివేశాలను సాగర్‌ పాండే