దక్షిణ కాశ్మీర్లోని షోపియాన్ జిల్లాలోని బాస్కుచాన్ ప్రాంతంలో భద్రతా దళాలతో కొనసాగుతున్న ఎన్కౌంటర్లో ఒక ఉగ్రవాది హతమైనట్లు అధికారులు ఆదివారం తెలిపారు. "ఒక ఉగ్రవాది హతమయ్యాడు. సెర్చ్ ఆపరేషన్ జరుగుతోంది" అని పోలీసులు తెలిపారు. ఆ ప్రాంతంలో ఉగ్రవాదులు ఉన్నట్లు సమాచారం అందుకున్న పోలీసులు, భద్రతా బలగాలతో బృందంగా ఏర్పడి ఆ ప్రాంతాన్ని చుట్టుముట్టారు. భద్రత బలగాలపై ఉగ్రవాదులు కాల్పులు జరిపారు. భద్రత బలగాలు జరిపిన ఎదురు కాల్పులలో ఉగ్రవాది హతమయ్యాడు. ఇటీవలి కాలంలో కాశ్మీర్ అంతటా ఉగ్రవాదులు మరియు భద్రతా బలగాల మధ్య వరుస ఎదురుకాల్పులు జరిగాయి, వాటిలో చాలా మంది ఉగ్రవాదులు అంతం అయ్యారు.