నిందితుడికి వేసిన శిక్షకు గ్రామ పెద్దలపై ఆగ్రహం వ్యక్తం చేసిన గ్రామస్తులు..

Written by : smtv Desk | Fri, Nov 25, 2022, 03:48 PM

అత్యాచారానికి పాల్పడిన వ్యక్తులకు పలు శిక్షలు విధించాలనే చట్టాలున్నాయి. కొన్ని కేసుల్లో కఠిన శిక్షలు వేసిన సందర్భాలు ఉన్నాయి. అయితే అత్యాచార నిందితుడికి గ్రామ పెద్దలు విచిత్రమైన శిక్ష విధించారు. కేవలం ఐదు గుంజీలతో శిక్ష ముగించారు. ఈ ఘటన బీహార్ నవాదా ప్రాంతంలోని ఓ గ్రామంలో చోటుచేసుకుంది. అరుణ్ పండిట్ అనే వ్యక్తి అదే గ్రామానికి చెందిన ఐదేళ్ల చిన్నారిపై అఘాయిత్యానికి పాల్పడ్డాడు. చాక్లెట్లు ఇస్తానని నమ్మించి పాపపై అత్యాచారానికి పాల్పడ్డాడు. ఈ విషయం బాలిక తల్లిదండ్రులకు తెలిసింది. దాంతో వారు పోలీసులకు ఫిర్యాదు చేయాలనుకున్నారు. అయితే గ్రామంలో కొందరు.. ఈ విషయాన్ని పంచాయితీలో తేల్చుకోమని సలహా ఇచ్చారు. దాంతో చిన్నారి తల్లిదండ్రులు.. పంచాయతీ పెద్దలను కలిశారు. జరిగిన విషయం చెప్పగా పంచాయితీ పెట్టారు. దానికి గ్రామస్థులందరూ హాజరయ్యారు.
అయితే ఈ కేసులో గ్రామ పెద్దలు ప్రవర్తించిన తీరు.. చెప్పిన తీర్పు.. అందరిని ఆశ్చర్యానికి గురి చేసింది. ఎందుకంటే గ్రామపెద్దలు.. నిందితుడికి గ్రామ ప్రజల ముందు ఐదు గుంజీలను శిక్షగా విధించారు. అంతకిమించి ఇంకేం చెప్పలేదు. దాంతో ఆ నిందితుడు ఐదు గుంజీలు చేసేసి చక్కగా కూర్చుండిపోయాడు. ఈ తీర్పుపై గ్రామంలో కొందరు మండిపడ్డారు. దాంతో నిందితుడు గుంజీలు తీస్తున్న దృశ్యాలను వీడియో తీసి సోషల్‌ మీడియాలో పోస్ట్ చేశారు. ఆ వీడియో క్షణాల్లో వైరల్ అయింది. ఈ వీడియోని చూసిన కొంతమంది గ్రామీణ భారతదేశంలోని పితృస్వామ్యానికి, అన్యాయమైన పద్ధతులకు ఇది ఉదాహరణ అని పేర్కొన్నారు. ఈ విషయం పోలీసుల దృష్టికి వెళ్లడంతో చర్యలు తీసుకున్నారు. ముందుగా నిందితుడిపై ఎఫ్ఐఆర్‌ నమోదు చేశారు. దీనిపై దర్యాప్తు చేపట్టినట్టు సూపరింటెండెంట్‌ ఆఫ్‌ పోలీస్‌ గౌరవ్‌ మంగ్లా వెల్లడించారు. https://twitter.com/i/status/1595854967684104194