ఒంగోల్లో ఈవెంట్ కి హాజరైన శృతి ‘వాల్తేరు వీరయ్య’ ఈవెంట్ కి రాక‌పోవ‌టానికి కారణం ఏంటి..?

Written by : smtv Desk | Mon, Jan 09, 2023, 10:35 AM

మెగా స్టార్ చిరంజీవి టైటిల్ రోల్ చేసిన సినిమా వాల్తేర్ వీరయ్య.. ఈ సినిమా లో రవి తేజ కీలకపాత్ర పోషించగా శృతి హాసన్ హీరోయిన్ గా నటించారు.. ఈ సినిమా డైరెక్టర్ బాబీ దర్శకత్వంలో మైత్రి మూవీ మేకర్స్ నిర్మించారు.. ఈ సినిమా భారి అంచనాలతో ఈ సంక్రాంతికి విడుదలవుతుండగా గత ఆదివారం వైజాగ్ ఏయూ గ్రౌండ్స్‌లో ప్రీ రిలీజ్ ఈవెంట్ జ‌రిగింది. ఇందులో హీరోయిన్ శ్రుతీ హాస‌న్ పాల్గొన‌లేదు. అందుకు కార‌ణం.. ఆమెకు ఆరోగ్యం స‌రిగా లేక‌పోవ‌ట‌మే. ఈ విష‌యాన్ని ఆమె త‌న సోష‌ల్ మీడియాలో తెలియ‌జేసిన సంగ‌తి తెలిసిందే.
అయితే రెండు రోజుల ముందు ఒంగోలు ఈవెంట్‌కు హాజ‌రైన శ్రుతీ హాస‌న్ ఇప్పుడు చిరంజీవి ఈవెంట్‌కు రాక‌పోవ‌టంపై కొంద‌రు పెద‌వి విరిచిన వాళ్లు లేక‌పోలేదు. అయితే ఈ విష‌యంపై చిరంజీవి మాత్రం స్వీట్స్ సెట్సైర్ వేశారు. త‌ను ఒంగోలు ఏం తిందో తెలియ‌దు.. లేక ఎవ‌రైనా బెదిరించారో తెలియ‌దు కానీ.. ఈవెంట్‌కు రాలేదంటూ స‌ర‌దాగా మాట్లాడారు. మ‌రో వైపు శ్రుతీ హాస‌న్ ప్రొఫెష‌న‌లిజాన్ని ఆయ‌న మెచ్చుకున్నారు. -8 డిగ్రీల చ‌లిలోనూ ఆమె క‌ష్ట‌ప‌డి డాన్సులు చేసింద‌ని కూడా మెచ్చుకున్నారు చిరంజీవి. ఆది వారం మధ్యాహ్నమే శ్రుతీ హాసన్ తనకు చాలా ఎక్కువగా జ్వరం ఉందని, కోవిడ్ టెస్ట్‌కి కూడా వెళ్లి వచ్చానని, కోవిడ్ పాజిటివ్ మాత్రం ఉండకూదదని కోరుకుంటున్నట్లు తెలియజేసింది. ఈ కారణంగా వాల్తేరు వీరయ్య మూవీకి హాజరు కాలేకపోతున్నానని, ఈ విషయం చెప్పడానికి గుండె ముక్కలైనంత బాధగా ఉందని ఆమె అన్నారు.. మెగాస్టార్ చిరంజీవి ఇందులో టైటిల్ రోల్ పోషించ‌గా.. మాస్ మ‌హారాజా ర‌వితేజ కీల‌క పాత్ర‌లో క‌నిపించ‌బోతున్నారు. సెకండాఫ్‌లో ర‌వితేజ పాత్ర ఉంటుంద‌ని.. అది చాలా ప‌వ‌ర్‌ఫుల్‌గా ఉంటుంద‌ని చిరంజీవి తెలిపారు. రానున్న సంక్రాంతికి వాల్తేరు వీర‌య్య ప‌క్కా నిక్సారైన క‌మ‌ర్షియ‌ల్ ఎంట‌ర్‌టైన‌ర్ అని కూడా చిరంజీవి అన్నారు. ఇద్ద‌రు మాస్ ఇమేజ్ ఉన్న హీరోలు చిరంజీవి, ర‌వితేజ కాంబినేష‌న్‌లో రూపొందిన వాల్తేరు వీరయ్య సినిమాపై మంచి ఎక్స్‌పెక్టేష‌న్స్ ఉన్నాయి. ఫ్యాన్స్ ఎంతో ఆస‌క్తిగా ఎదురు చూస్తున్నారు. సంక్రాంతి రేసులో వాల్తేరు వీర‌య్య ఎలాంటి రికార్డుల‌ను క్రియేట్ చేయ‌నుంద‌నేది అంద‌రిలో ఆస‌క్తిని పెంచుతోంది.