ముగిసిన వారసుడు చిత్రం వివాదం.. రిలీజ్ డేట్ పై క్లారిటీ..

ఈ సంక్రాంతికి టాలీవుడ్ నుండి రెండు పెద్ద సినిమాలు చిరంజీవి‘ వాల్తేర్ వీరయ్య’, బాలకృష్ణ ‘వీరసింహారెడ్డి’ విడుదలవుతుండగా .. కోలీవుడ్ నుండి స్టార్ ప్రొడ్యూస్ దిల్ రాజు నిర్మించిన ‘వారసుడు’ చిత్రం కూడా రిలీజ్ చేయాలనుకున్నారు.. అయితే వీటి కారణంగా ఇండస్ట్రీ లో గత కొన్ని రోజులుగా వివాదం నడుస్తున్న సంగతి తెలిసిందే.. ఈ నేపథ్యంలో ‘వారసుడు’ విడుదల తేదీపై కొన్ని రోజులుగా ఒకలాంటి కన్‌ఫ్యూజన్ ఏర్పడింది. తాజా ప్రెస్ మీట్‌లో వాటన్నింటికీ సమాధానాలిస్తూ కొత్త విడుదల తేదీతో తాను ఎవరికీ పోటీ కాదని ప్రకటించాడు.
నటుడు శ్రీకాంత్‌తో కలిసి దిల్ రాజు మొదటిసారిగా ‘వారసుడు’ మూవీ గురించి మీడియాతో ఇంటరాక్ట్ అయ్యారు. ఈ సందర్భంగా విజయ్ మూవీని సంక్రాంతి ‘వారసుడు’గా జనవరి 14న తీసుకురావాలని ఫిక్స్ అయినట్లుగా ప్రకటించారు. అయితే ఆఫీస్‌లో రిలీజ్ విషయంలో జరిగిన చర్చలు బయటికి రావడంతోనే విడుదల తేదీ గురించి అనేక రూమర్స్ వెలువడ్డాయని క్లారిటీ ఇచ్చిన దిల్ రాజు.. వరల్డ్ వైడ్‌గా తమిళ్‌ వెర్షన్ జనవరి 11న విడుదలవుతుందని, కానీ తెలుగులో మాత్రం 14వ తేదీన ప్రేక్షకుల ముందుకొస్తుందని తెలిపారు. ఇండస్ట్రీ పెద్దలతో డిస్కస్ చేసిన తర్వాతే ఈ నిర్ణయం తీసుకున్నానని పేర్కొన్నారు.
‘వారసుడు’ మూవీపై తనకు నమ్మకముందని.. సూపర్ హిట్ కొట్టబోతున్న సినిమాను ఎప్పుడు రిలీజ్ చేసినా ప్రాబ్లెం లేదని ఈ సందర్భంగా చెప్పారు. అయితే మెయిన్‌గా మెగాస్టార్ చిరంజీవి ‘వాల్తేర్ వీరయ్య’, బాలకృష్ణ ‘వీరసింహారెడ్డి’ చిత్రాలు కూడా సంక్రాంతికే విడుదలవుతున్నందున థియేటర్ల ఇష్యూ రాకూడదనే ఈ నిర్ణయం తీసుకున్నట్లు వెల్లడించారు. ‘సంక్రాంతికి ముందుగా తెలుగులో పెద్ద హీరోలైన బాలకృష్ణ, చిరంజీవి సినిమాలు పడాలి. ఆ తర్వాత నా సినిమా ఉండాలనేదే మెయిన్ ఇంటెన్షన్. వాళ్ల సినిమాలకు నా సినిమా పోటీ కాదు. వారసుడు పక్కా ఫ్యామిలీ ఎంటర్‌టైనర్’ అని చెప్పుకొచ్చారు. అయితే తమ బ్యానర్ నుంచి ప్రతి సంక్రాంతికి ఒక సినిమాను తీసుకురావడం ఆనవాయితీగా ఉందని దిల్ రాజు తెలిపారు. ఈ సీజన్‌లో విడుదలైన తమ ‘శతమానం భవతి, సీతమ్మ వాకిట్లో సిరిమల్లె చెట్టు, ఎఫ్2’ చిత్రాలు సక్సెస్ అయ్యాయని చెప్పారు. అలాగే అన్ని సినిమాలు బాగుండాలని.. నిర్మాతలు, డిస్ట్రిబ్యూటర్లు బాగుంటేనే ఇండస్ట్రీలో మంచి సినిమాలు వస్తాయనే పాజిటివ్ మైండ్‌సెట్‌తో ‘వారసుడు’ మూవీని జనవరి 14న విడుదల చేస్తున్నట్లు ప్రకటించారు.