సాలిడ్ అప్డేట్స్ తో అభిమానుల ముందుకు వస్తాము.. కాస్త ఓపిక పట్టండి.. దసరా టీమ్

     Written by : smtv Desk | Mon, Jan 09, 2023, 01:34 PM

సాలిడ్ అప్డేట్స్ తో అభిమానుల ముందుకు వస్తాము.. కాస్త ఓపిక పట్టండి.. దసరా టీమ్

వరుస ప్రాజెక్టలతు బిజీగా ఉన్న నేచురల్ స్టార్ నాని చివరగా నటించిన చిత్రం ‘అంటే సుందరానికీ’ఈ సినిమా బాక్స్ అఫ్ఫిస్ వద్ద హిట్ కొట్టలేకపోవడంతో తన నెక్స్ట్ సినిమా భారీగా ఆశలు పెట్టుకున్నాడు.. ఇదిల ఉండగా గత ఏడాది డిసెంబర్లో ‘వాల్ పోస్టర్ సినిమా’ బ్యానర్‌పై అడివి శేష్ హీరోగా నిర్మించిన ‘హిట్2’ బ్లాక్ బస్టర్ హిట్ అయింది ..అయితే ఈ సినిమా చివరిలో 'అర్జున్ సర్కార్' గా కేమియో రోల్‌లో కనిపించి ‘హిట్3’ పై హింట్ ఇచ్చాడు.. ప్రస్తుతం నాని చేస్తున్న మూవీ 'దసరా' రా అండ్ రస్టిక్ బ్యాక్‌డ్రాప్‌లో తెరకెక్కుతున్న ఈ చిత్రంపై భారీగా అంచనాలుండగా.. షూటింగ్‌కు సంబంధించిన వీడియో క్లిప్ ప్రస్తుతం నెట్టింట వైరల్‌గా మారింది. దీంతో రంగంలోకి దిగిన ‘దసరా’ మేకర్స్.. మూవీ గురించిన మరిన్ని అప్‌డేట్స్ కోసం ఓపికపట్టాలని నాని ఫ్యాన్స్‌కు సూచిస్తున్నారు.
ఇక ‘దసరా’ మూవీ నుంచి ఇప్పటికే రిలీజైన మాస్ సాంగ్.. సినిమా ఎలా ఉండబోతుందో శాంపిల్ చూపించింది. అయితే మూవీ షూటింగ్‌ సెట్స్ నుంచి లీకైన వీడియో ఒకటి ప్రస్తుతం నెట్టింట వైరల్‌ అవుతోంది. ఈ నేపథ్యంలోనే ట్విట్టర్ వేదికగా స్పందించిన మేకర్స్.. సోషల్ మీడియాలో సర్క్యులేట్ అవుతున్న లీక్డ్ వీడియోను షేర్ చేయొద్దని ఫ్యాన్స్‌ను రిక్వెస్ట్ చేశారు. అంతేకాదు మరి కొద్దిరోజుల్లో సాలిడ్ అప్‌డేట్‌తో ముందుకొస్తామని.. అప్పటి వరకు ఓపిక పట్టాలని చిత్ర బృందం అభిమానులను అభ్యర్థించింది.‘దసరా’ చిత్రంలో నానికి జంటగా కీర్తి సురేష్‌ కనిపించనుంది. సీనియర్ యాక్టర్స్ సముద్రఖని, ప్రకాష్ రాజ్, సాయి కుమార్, మీరా జాస్మిన్, జరీనా వహాబ్ తదితరులు కీలక పాత్రలు పోషిస్తున్నారు. శ్రీ లక్ష్మీ వెంకటేశ్వర సినిమాస్ పతాకంపై సుధాకర్ చెరుకూరి నిర్మిస్తున్న చిత్రానికి సంతోష్ నారాయణన్ సంగీతం అందిస్తున్నారు. ఈయన రజినీకాంత్ ‘కాలా, కబాలి’ చిత్రాలకు అందించిన మ్యూజిక్‌తో చాలా పాపులర్ అయ్యారు. కాగా.. 30 మార్చి2023న దసరా మూవీ ప్రపంచవ్యాప్తంగా థియేటర్లలో విడుదల కానుంది. ఇక నాని అప్‌కమింగ్ ప్రాజెక్ట్స్ విషయానికొస్తే.. తన 30 సినిమాను శౌర్యవ్ అనే కొత్త కుర్రాడి దర్శకత్వంలో చేయనున్నాడు. వైరా ఎంటర్‌టైన్మెంట్స్ పతాకంపై మోహన్ చెరుకూరి, అతని ఫ్రెండ్స్ డాక్టర్ విజేందర్ రెడ్డి తీగల, మూర్తి కేఎస్ సంయుక్తంగా ఈ చిత్రాన్ని నిర్మిస్తు్న్నారు. మృణాల్ ఠాకూర్ హీరోయిన్. ‘హృదయం’ సినిమాకు మ్యూజిక్ అందించిన అబ్దుల్ వహాబ్ ఈ చిత్రానికి స్వరాలు సమకూర్చనున్నారు. ఇప్పటికే రిలీజ్ చేసిన గ్లింప్స్ వీడియో మూవీపై ఇంట్రెస్ట్ క్రియేట్ చేసింది. దీని తర్వాత నాని తన హోమ్ బ్యానర్‌పై ‘హిట్3’ మూవీలో నటించే అవకాశం ఉంది. కాగా హిట్ ఫ్రాంచైజీ సినిమాలన్నీ శైలేష్ కొలను దర్శకత్వంలోనే రానున్నాయి.





Untitled Document
Advertisements