నెక్స్ట్ ప్రాజెక్ట్ వెంకీతో ప్లాన్ చేస్తున్న ‘ధమాకా’దర్శకుడు..

డైరెక్టర్ నక్కిన త్రినాథ రావు మాస్ మహారాజా కాంబినేషన్ లో వచ్చిన బ్లాక్ బస్టర్ హిట్ చిత్రం 'ధమాకా' ఈ సినిమాలో రావితెజకి జంటగా పెళ్లిసందడి హీరోయిన్ శ్రీలీల నటించింది.. అయితే రైటర్ ప్రసన్న కుమార్ రాసిన కామెడీ సీన్లను ప్రేక్షకులు తెగ ఎంజాయ్ చేస్తున్నారు. ఇక ఈ సినిమా బాక్సాఫీస్ వద్ద కలెక్షన్ల వర్షం కురిపిస్తూ రవితేజ కెరీర్‌లో రూ. 100 కోట్లు కలెక్ట్ చేసిన మొదటి చిత్రంగా రికార్డ్ సృష్టించింది. ఈ నేపథ్యంలోనే రైటర్ ప్రసన్న.. నాగార్జునతో నెక్స్ట్ మూవీ డైరెక్ట్ చేయనున్నాడు. ఇదిలా ఉంటే, ధమాకా డైరెక్టర్ త్రినాథ రావు సైతం ప్రస్తుతం జాక్ పాట్ చాన్స్ కొట్టేశాడు.
నాని హీరోగా నటించిన ‘నేను లోకల్’ మూవీతో కమర్షియల్ డైరెక్టర్‌గా పేరు తెచ్చుకున్నాడు త్రినాథరావు. ఆ తర్వాత రామ్ హీరోగా ‘హలో గురు ప్రేమ కోసమే’ చిత్రాన్ని కామెడీ ఎంటర్‌టైనర్‌గా రూపొందించాడు. ప్రస్తుతం ‘ధమాకా’ మూవీతో ఇండస్ట్రీలో హాట్ టాపిక్‌గా మారాడు. ఈ క్రమంలోనే విక్టరీ వెంకటేష్‌‌ తో సినిమా చేసేందుకు కొంతకాలంగా ప్లాన్ చేస్తున్న త్రినాథరావు.. రెండు ఎంటర్‌టైనింగ్ సబ్జెక్ట్స్ కూడా రెడీ చేశాడు. అయితే రీసెంట్‌గా త్రినాథరావు వెంకీని కలిశారని.. ఆయనతో నెక్ట్స్ మూవీ గురించి చర్చలు కొనసాగుతున్నాయని సంబంధిత వర్గాలు తెలిపాయి.
ఇదిలా ఉంటే, చిన్న, పెద్ద సినిమాలనే తేడా లేకుండా టాలీవుడ్‌లో వరుస ప్రాజెక్టులు నిర్మిస్తున్న సంస్థ మైత్రీ మూవీ మేకర్స్.. ఇప్పటికే ధమాకా దర్శకుడిని లాక్ చేసినట్లు తెలుస్తోంది. ఒకవేళ త్రినాథ రావు సబ్జెక్ట్‌కు వెంకీ ఓకే చెబితే.. మైత్రీ సంస్థనే ఈ సినిమాను నిర్మించనుంది. అన్నీ సెట్ అయితే.. వారం పది రోజుల్లో అధికారిక ప్రకటన వెలువడే అవకాశం ఉంది.
వెంకటేష్ సినిమాల విషయానికొస్తే.. హిందీలో సల్మాన్ ఖాన్‌తో కలిసి ‘కిసీ కా భాయ్ కిసీ కా జాన్’ చిత్రంలో నటిస్తున్నాడు. ఈ మూవీ ఏప్రిల్‌లో విడుదలయ్యే అవకాశం ఉంది. దీంతో పాటు ఆయన రానాతో కలిసి నటించిన ‘రానా నాయుడు’ వెబ్ సిరీస్‌ విడుదల కావాల్సి ఉంది. క్రైమ్ డ్రామాగా రూపొందిన ఈ సిరీస్‌ను నెట్‌ఫ్లిక్స్ రూపొందించింది. ఇక త్రినాథరావు 2012లో ‘మేం వయసుకు వచ్చాం’ సినిమా ద్వారా దర్శకుడిగా పరిచయమయ్యాడు. తనీష్ హీరోగా నటించిన ఈ చిత్రం మంచి సక్సెస్ సాధించింది. ఇదే క్రమంలో ఆయన ‘సినిమా చూపిస్త మావ, నేను లోకల్, హలో గురూ ప్రేమ కోసమే, 'ధమాకా' వంటి హిట్ సినిమాలతో టాలీవుడ్‌లో సక్సెస్‌ఫుల్‌గా డైరెక్టర్‌గా కొనసాగుతున్నారు.