ఎక్కడికెళ్లినా జపమాలను విడిచిపెట్టని సామ్.. దాని వెనకున్న కథేంటి?

స్టార్ హీరోయిన్ సమంతా గత కొంతకలం నుండి ‘మయోసైటిస్’ అనే వ్యాధితో బాధపడుతున్న విషయం అందరికి తెలిసిందే.. అయితే ఇప్పుడిప్పుడే ఆమె ఆరోగ్యం మెరుగుపడుతుంది.. ఈ క్రమంలోనే సీనియర్ డైరెక్టర్ గుణ శేఖర్ దర్శకత్వంలో వస్తున్న మైథలాజికల్ ఫిల్మ్ ‘శాకుంతలం’లో ఆమె నటించగా ఈ సినిమా ఫెబ్రవరి 17 న రిలీజ్ కాబోతుంది.. ఈ నేపద్యంలోనే ట్రైలర్ ను విడుదల చేసారు మేకర్స్.. ఈవెంట్‌కు హాజరైన సమంత.. ప్రేక్షకుల నుంచి లభించిన సపోర్ట్ చూసి కొంచెం ఎమోషనల్ అయింది. అయితే ఇక్కడే సామ్‌కు సంబంధించిన మరొక విషయం అందరినీ ఆకర్షించింది. తన చేతిలో జపమాలతో కనిపించడమే ఇందుకు కారణం కాగా.. ఇంతకీ దాని వెనకున్న కథేంటి..
సమంత ప్రస్తుతం అనారోగ్యంతో బాధపడుతుండగా.. మంచి ఆరోగ్యం, శాంతి కోసం ప్రతిరోజు 10,008 శ్లోకాలు జపం చేస్తోందట. ఇదే విషయాన్ని కొంతమంది మీడియా వ్యక్తులకు కూడా వెల్లడించినట్లు తెలుస్తోంది. అయితే మలయాళీ క్రిస్టియన్లు కూడా ఇలాంటి పూసలతో ‘రోసరీ’ చేస్తారని తెలిసిందే. కానీ సామ్ కొన్నాళ్ల క్రితమే హిందూ మతంలోకి మారింది. దీంతో గత వారం రోజులుగా హిందూ జపాలు చేస్తున్నట్లు తెలుస్తోంది. అందుకే ఎక్కడికెళ్లినా జపమాల క్యారీ చేస్తూ సమయం దొరికినప్పుడు జపాలు పఠిస్తున్నట్లు సమాచారం. సమంతకు అరుదైన వ్యాధి గురించి తెలియగానే ఒక్కసారిగా కుంగిపోయింది. కానీ బలమైన ఆత్మవిశ్వాసంతో తన సమస్యను అధిగమించేందుకు పోరాడుతోంది. ఈ క్రమంలో ఎమోషనల్ అవుతున్నప్పటికీ బలంగా నిలబడుతోంది. ఇక ‘మయోసైటిస్‌’ నిర్ధారణ అయినప్పటి నుంచి తనను తాను బెటర్ చేసుకునేందుకు ఆధ్యాత్మిక మార్గాన్ని అనుసరిస్తోంది. అందుకే జపాలు, హోమాలతో పాటు తరచూ దేవాలయాలను సందర్శిస్తోంది. నిజానికి తను ఆధ్యాత్మిక గురువు జగ్గీ వాసుదేవ్ ఫాలోవర్ అయినందున డైలీ ఈ పద్ధతులను అనుసరిస్తోంది.
ఇక శాకుంతలం ట్రైలర్ విడుదల వేడుకలో సామ్ మాట్లాడుతూ.. తన జీవితంలో ఎన్ని మారినా ఒక్కటి మాత్రం మారలేదని పేర్కొంది. సినిమాను తాను ఎంత ప్రేమిస్తున్నానో అది నన్ను అంతకు మించి ప్రేమిస్తోందని, ఈ చిత్రంతో ఆ ప్రేమ ఇంకా రెట్టింపు అవుతుందని వెల్లడించింది. అలాగే తనకు పర్ఫెక్ట్ దుష్యంతుడు దొరికాడని కోయాక్టర్‌ దేవ్‌ను పొగిడేసిన సమంత.. డైరెక్టర్ గుణశేఖర్ కమిట్మెంట్‌పైనా ప్రశంసలు కురిపించింది. సమంత అప్‌కమింగ్ ప్రాజెక్ట్స్ విషయానికొస్తే.. బాలీవుడ్‌లో వరుణ్ ధావన్‌తో కలిసి ‘సిటాడెల్’ వెబ్ సిరీస్‌లో నటించాల్సి ఉంది. అయితే ఈ ప్రాజెక్ట్ నుంచి సామ్ తప్పుకుందంటూ ఇటీవల రూమర్స్ వెలువడిన సంగతి తెలిసిందేే.