సినిమాలోని ట్విస్ట్‌లను బయటపెట్టేసిన వాల్తేర్ వీరయ్య..

డైరెక్టర్ బాబీ దర్శకత్వంలో చిరంజీవి నటించిన చిత్రం వాల్తేర్ వీరయ్య.. ఈ సినిమాలో మాస్ మహారాజా రవి తేజ కీలిక పాత్రా పోషిస్తుండగా హీరొయిన్ గా శృతి హసన్ నటించారు.. ఈ సినిమా మైత్రి మూవీ మేకర్స్ బ్యానర్ పై నిర్మించారు.. సంక్రాంతి సందర్బంగా ఈ సినిమా విడుదలవుతుండగా ఆదివారం ప్రీ రిలీజ్ ఈవెంట్ ను వైజాగ్ లో నిర్వహించారు.. అయితే ఈవెంట్ లో చాల సేపు మాట్లాడిన చిరంజీవ వాల్తేరు వీరయ్య షూటింగ్ విశేషాలు చెప్పుకుంటూ వచ్చారు.. సినిమాలో నటించిన వారందరినీ గుర్తు చేసుకుంటూ ప్రశ్నంసలు కురిపించారు. కానీ మధ్యలో చిరంజీవి ఏమరపాటులో కథలోని కొన్ని ట్విస్ట్‌లు కూడా చెప్పేయడంతో వెనుక నుంచి డైరెక్టర్ బాబీ.. సార్ చెప్పొద్దండి సార్ అంటూ రిక్వెస్ట్ చేస్తూ కనిపించాడు.
వాల్తేరు వీరయ్య మూవీ జనవరి 13న సంక్రాంతి కానుకగా థియేటర్లలోకి రాబోతోంది. ఈ మూవీలో చిరంజీవితో పాటు మాస్ మహారాజా రవితేజ, హీరోయిన్స్ శృతి హాసన్, కేథరిన్, ఊర్వశి రౌతేలా తదితరులు నటించారు. అలానే ప్రకాశ్ రాజ్, బాబి సింహా, రాజేంద్ర ప్రసాద్ కూడా కీలక రోల్స్ చేశారు. ఇందులో కేథరిన్, ప్రకాశ్ రాజ్, రాజేంద్ర ప్రసాద్ రోల్స్‌ని గోప్యంగా చిత్ర బృందం ఉంచింది. కానీ చిరంజీవి ఏమరపాటులో ముగ్గురి రోల్స్‌ గురించి కూడా చెప్పేయబోయారు. కేథరిన్ క్యారెక్టర్ గురించి చెప్పేటప్పుడు బాబీ హింట్‌ ఇవ్వడంతో మెగాస్టార్ చిరంజీవి రివీల్ చేయలేదు. కానీ ప్రకాశ్ రాజ్, రాజేంద్ర ప్రసాద్ క్యారెక్టర్‌ని మాత్రం రివీల్ చేసేశారు. అలానే త్వరలోనే రిలీజ్ కాబోతున్న ఐదో సాంగ్‌ లిరిక్‌ని కూడా చిరంజీవి లీక్ చేసేశారు. చివరికి రవితేజ క్యారెక్టర్ ఎంట్రీ గురించి కూడా మెగాస్టార్ రివీల్ చేసేశారు.
ప్రకాశ్ రాజ్ గురించి చిరంజీవి మాట్లాడుతూ ‘‘ విలన్‌గా ప్రకాశ్ రాజ్ చాలా వండర్‌ఫుల్‌గా నటించాడు. వాడు సామాన్యుడు కాదు.. ఏ పాత్రలోనైనా ఒదిగిపోగలడు. ఇందులో రెండు షేడ్స్ ఉన్న పాత్ర చేశాడు’’ అని చెప్పుకొచ్చారు. ట్రైలర్‌ క్లైమాక్స్‌లో చిరంజీవి వెనుక ఓ అనచరుడిగా ప్రకాశ్ రాజ్ కనిపించాడు. కానీ అతను విలన్ అని చిరంజీవి ప్రీరిలీజ్ ఈవెంట్‌లో బహిర్గతం చేసేశారు. అలానే మూవీలో రాజేంద్ర ప్రసాద్ క్యారెక్టర్ గురించి మాట్లాడుతూ ‘‘ఎవరి వల్ల ఈ సినిమా ప్రారంభమవుతుందో.. ఒక ప్రాబ్లమ్ క్రియేట్ అయ్యి ఇంట్రస్టింగ్‌గా కథని ముందుకు నడిపిస్తోందో ఆ క్యారెక్టర్ రాజేంద్ర ప్రసాద్‌ది. సాధారణంగా రాజేంద్ర ప్రసాద్ అనగానే ఏదో కామెడీ సీన్స్ ఉంటాయి అనుకోకండి. మూవీలో అతనిది చాలా డెప్త్ ఉన్న క్యారెక్టర్.. ఓ పోలీస్ ఆఫీసర్ క్యారెక్టర్....’’ అని చెప్పబోయారు. వెంటనే పక్కనే ఉన్న డైరెక్టర్ బాబీ చేతితో తాకుతూ చెప్పొద్దండి సార్ అంటూ హింట్ ఇచ్చారు. దాంతో చిరంజీవి ‘హా.. నేను కథ చెప్పను’ అంటూ బాబీకి ప్రామిస్ చేశారు. ఇప్పటికే చిరంజీవి, రవితేజ అన్నదమ్ములు అని ఓ వార్త హల్‌చల్ చేస్తుండగా.. తాజాగా రాజేంద్రప్రసాద్ పోలీస్ ఆఫీసర్ అని చిరంజీవి చెప్పేయడంతో అతనే ఈ ఇద్దరికీ తండ్రి అంటూ అభిమానులు చెప్పుకొస్తున్నారు.
రిలీజ్ కావాల్సి ఉన్న ఐదో సాంగ్ గురించి చిరంజీవి మాట్లాడుతూ.. రెండు మూడు రోజుల్లో ఈ సాంగ్ రిలీజ్‌కానుంది. అది థియేటర్లలో... అంటూ ఏదో చెప్పబోయి.. ఆగిపోయారు. ఆ తర్వాత బాబీ వైపు చూసి చెప్పేస్తున్నా అనగానే అతను వద్దు సార్ అన్నారు. కానీ మరోవైపు మ్యూజిక్ డైరెక్టర్ దేవిశ్రీ ప్రసాద్ చెప్పొచ్చు సార్ అన్నాడు. దాంతో చిరంజీవి ‘నీకేమో అందం ఎక్కువ. నాకేమో తొందరెక్కువ’ అంటూ లిరిక్ కూడా పాడేశారు. అలానే రవితేజ సెకండాఫ్‌లో వస్తాడంటూ లీక్ చేసేసిన చిరంజీవి.. ఒకరినొకరం ఢీ అంటే ఢీకొంటామంటూ ఏదో చెప్పబోయారు. దాంతో వెంటనే మళ్లీ బాబి వచ్చి చెప్పొద్దు సార్ అని చెప్పగా.. హా చెప్పను.. మింగేశాను అంటూ సరదాగా చెప్పుకొచ్చారు. ఇలా చిరంజీవి పలు సందర్భంగా సినిమాల్లోని ట్విస్ట్‌లు రివీల్ చేసేందుకు ప్రయత్నించారు.