థియేటర్ లో అభిమానుల రెస్పాన్స్ చూసి భావోద్వేగానికి గురైన వారిసు టీమ్..

కోలీవుడ్ స్టార్ హీరో దళపతి విజయ్ నటించిన వారిసు చిత్రం తెలుగు దర్శకుడు వంశీ పైడిపల్లి దర్శకత్వం వహించగా టాలీవుడ్ స్టార్ ప్రొడ్యూసర్ దిల్ రాజు తెరకెక్కించారు .. ఈ సినిమా ఈ రోజు తమిళ్ లో విడుదలకాగా పాజిటివ్ టాక్ దక్కించుకుంది. ఇక విజయ్ అభిమానులు భారీ కటౌట్లకు పాలాభిషేకాలు చేస్తున్నారు.. మరోవైపు చెన్నైలో అభిమానులతో కలిసి సినిమాను చిత్రబృందం చూసింది. థియేటర్ రెస్పాన్స్ చూసి మ్యూజిక్ డైరెక్టర్ తమన్, దర్శకుడు వంశీ పైడిపల్లి, నిర్మాత దిల్ రాజు ఎమోషనల్ అయ్యారు. తమన్ అయితే ఏడ్చేశాడు. ఈ వీడియో వైరల్ అవుతోంది.
'వారిసు' సినిమాకు ఇప్పటికే ఫ్యాన్స్, క్రిటిక్స్ నుంచి పాజిటివ్ టాక్ వచ్చింది. చిత్రానికి తమన్ సంగీతం, బ్యాగ్రౌండ్ మ్యూజిక్ ప్లస్ అయిందంటూ రివ్యూలు ఇస్తున్నారు. అందువల్ల సినిమాలో ఎమోషన్ సీన్లు బాగా ఎలివేట్ అయ్యాయి. వంశీ పైడిపల్లి ఎమోషన్స్‌ను మిక్స్‌ చేసి సినిమాను చక్కగా ప్యాక్ చేశాడని అభిమానులు అంటున్నారు. విజయ్‌తో పాటు సినిమాలో యాక్ట్ చేసిన నటీనటులు అంతా తమ బెస్ట్ పెర్ఫామెన్స్ ఇచ్చారని ఫ్యాన్స్ ట్వీట్స్ చేస్తున్నారు.
జనవరి 10వ తేదీ అర్ధరాత్రి చెన్నైలో ‘వారిసు’ ప్రీమియర్ షో చూసిన ప్రేక్షకులు ఈ చిత్రాన్ని పర్ఫెక్ట్ ఎంటర్‌టైనర్‌ అన్నారు. అంతేకాదు ట్విట్టర్‌లో వెలువడిన ఎర్లీ రివ్యూస్ ప్రకారం.. ఈ ఫ్యామిలీ ఎంటర్‌టైనర్‌లో కామెడీ, రొమాన్స్, హై-ఆక్టేన్ యాక్షన్ సీన్స్‌తో పాటు కలర్‌ఫుల్ సాంగ్స్‌తో ఫుల్ మీల్స్ ప్యాకేజీలా ఉంది. మొత్తానికి ‘వారిసు’ పొంగల్ సీజన్‌కు పర్ఫెక్ట సినిమా అని, ఈ పండుగ సీజన్‌లో థియేటర్లలో చూడాలని నెటిజన్లు సూచిస్తున్నారు. ఇక విజయ్ సైతం అద్భుతమైన స్క్రీన్ ప్రెజెన్స్‌తో కాంప్లిమెంట్స్ అందుకుంటున్నాడు.
ప్రధానంగా తండ్రీ కొడుకుల మధ్య కాన్‌ఫ్లిక్ట్ నేపథ్యంలో సాగిన స్టోరీలో ఫ్యామిలీ ఎమోషన్స్‌తో కూడిన సీన్స్ అద్భుతంగా రాసుకున్నట్లు తెలుస్తోంది. ముందుగా ట్రైలర్ చూసి కొంచెం డిజప్పాయింట్ అయిన ఫ్యాన్స్ సైతం సినిమా చూసిన తర్వాత తమ సంతోషాన్ని వ్యక్తం చేస్తు్న్నారు. ఎస్‌జే సూర్య, విజయ్ మధ్య వచ్చే సీన్లు ఫైరింగ్ అంటూ కామెంట్లు చేస్తున్న ఫ్యాన్స్.. యోగి బాబు, విజయ్ ట్రాక్ కూడా హిలేరియస్‌ అంటూ కాంప్లిమెంట్స్ ఇస్తున్నారు. మొత్తానికి ‘వారిసు’ మూవీ పాజిటివ్ వైబ్స్‌తో సంక్రాంతి సీజన్‌ను మొదలుపెట్టింది.
https://twitter.com/i/status/1613006165377716226