వాట్సాప్‌లో బ్యాంక్ సేవలు...

ప్రైవేట్ రంగంలో ప్రముఖ బ్యాంకింగ్ రంగ సంస్థ ఐసీఐసీఐ బ్యాంక్.. కరోనా వైరస్ లాక్‌డౌన్ నేపథ్యంలో తమ కస్టమర్ల సౌకర్యార్థం కీలక సేవలు ప్రారంభించింది. వాట్సాప్ ద్వారా పలు సేవలు అందించడానికి ముందుకొచ్చింది. ఐసీఐసీఐ బ్యాంక్‌లో సేవింగ్ ఖాతా ఉన్న కస్టమర్లు ఇకపై వాట్సాప్‌ ద్వారా తమ ఖాతాలో డబ్బుల వివరాలు, చివరి మూడు లావాదేవీల వివరాలను, క్రెడిట్‌ కార్డు పరిమితిని చెక్‌ చేసుకోవచ్చని బ్యాంక్ ఎగ్జిక్యూటివ్‌ డైరెక్టర్‌ అనూప్‌ బాగ్చి సోమవారం (మార్చి 30) తెలిపారు. కరోనా వైరస్ లాక్‌డౌన్ నేపథ్యంలో ఐసీఐసీఐ బ్యాంక్ తమ కస్టమర్ల కోసం ఇప్పటికే పలు సేవలు అందుబాటులోకి తీసుకొచ్చిన విషయం తెలిసిందే. వాట్సాప్‌ బ్యాంకింగ్‌ సేవల ద్వారా కస్టమర్లు వివిధ ఆఫర్ల వివరాలు పొందవచ్చని పేర్కొన్నారు. క్రెడిట్‌, డెబిట్‌ కార్డుల వాడకాన్ని బ్లాక్‌, అన్‌బ్లాక్‌ చేసుకోవడానికి కూడా వాట్సాప్ సేవలు వినియోగించుకోవచ్చని సూచించారు. కస్టమర్లు బ్రాంచ్‌ను సందర్శించకుండానే ఈ కీలకమైన బ్యాంకింగ్‌ అవసరాలను నెరవేర్చుకోవచ్చని అనూప్ పేర్కొన్నారు. దీంతో పాటు కస్టమర్లు తమకు సమీపంలోని 3 బ్యాంక్ శాఖలు, ఏటీఎంల వివరాలను కూడా పొందవచ్చని తెలిపారు. ఈ వివరాలను ఇతర బ్యాంక్ కస్టమర్లు కూడా పొందవచ్చని వెల్లడించారు. తమ కస్టమర్లకు ఈ సౌకర్యం ఎంతో ఉపయోగకరంగా ఉంటుందని భావిస్తున్నట్లు ఐసీఐసీఐ బ్యాంక్ వర్గాలు పేర్కొన్నాయి. ఇప్పటిదాకా ఆన్‌లైన్ బ్యాంకింగ్, మొబైల్ బ్యాంకింగ్ ఉన్న వారికే ఈ సౌకర్యాలు అందుబాటులో ఉన్నాయి. అయితే.. తాజాగా ఇలాంటి సౌకర్యం, అవగాహన లేనివారు కూడా సులభంగా ఇంటి నుంచే బ్యాంకింగ్ సేవలు వినియోగించుకునేలా, ప్రపంచంలోనే ప్రముఖ మెసేజింగ్ యాప్ వాట్సాప్ ద్వారా కీలక వివరాలు పొందేలా సేవలు అందుబాటులోకి తీసుకొచ్చారు. ఐసీఐసీఐ బ్యాంక్ కొత్తగా ప్రవేశపెట్టిన వాట్సాప్ సేవలు పొందడానికి కస్టమర్లు ముందుగా.. బ్యాంక్ ప్రొవైడ్ చేసిన వెరిఫైడ్ వాట్సాప్ నంబర్ ‘9324953001’ను తమ కాంటాక్ట్ లిస్టులో సేవ్ చేసుకోవాలి. ఆ తర్వాత ఆ నంబర్‌కు ‘Hi’ అని టైప్ చేసి మెసేజ్ చేయాలి. దీంతో బ్యాంక్ నుంచి బదులు వస్తుంది. ఏం సేవలు కావాలనే సందేశం వస్తుంది. బ్యాంక్ సూచించిన కీవర్డ్‌ల ద్వారా కస్టమర్ కోరుకునే సేవలు పొందవచ్చు.

ఏ సేవలకు ఏ కీవర్డ్?

1) అకౌంట్‌లో బ్యాలెన్స్ చెక్ చేసుకోవడానికి..
, , కీ‌వర్డ్‌లో ఏదో ఒకదాన్ని టైప్ చేసి వాట్సాప్ చేయాలి. దీంతో మీ ఖాతాలో ఉన్న డబ్బుల వివరాలు వస్తాయి.
2) చివరి మూడు లావాదేవీల వివరాలు పొందడానికి..
, , కీవర్డ్‌లలో ఒకదాన్ని టైప్ చేసి వాట్సాప్ చేయాలి.
3) ఔట్‌స్టాండింగ్ బ్యాలెన్స్, క్రెడిట్ కార్డు లిమిట్ తెలుసుకోవడానికి..
, , కీవర్డ్‌లలో ఒకదాన్ని టైప్ చేయాలి.
4) డెబిట్ లేదా క్రెడిట్ కార్డు బ్లాక్, అన్‌బ్లాక్ చేయడానికి..
, , కీవర్డ్‌లను టైప్ చేయాలి..
5) ప్రీ అప్రూవ్‌డ్ ఇన్‌స్టాంట్ లోన్ వివరాలు పొందడానికి..
, , , లాంటి కీవర్డ్‌లను టైప్ చేసి వాట్సాప్ చేయాలి..
6) మీకు దగ్గరలోని ఐసీఐసీఐ బ్యాంక్ ఏటీఎం, బ్యాంక్ శాఖ వివరాలు పొందడానికి..
, కీవర్డ్‌లను టైప్ చేసి వాట్సాప్ చేయాలి.
7) మీకు సమీపంలోని వివిధ సంస్థలు/హోటళ్లు అందిస్తున్న ట్రావెల్, డైనింగ్, షాపింగ్ సేవల వివరాలు పొందడానికి..
, లాంటి కీవర్డ్‌లను టైప్ చేసి వాట్సాప్ చేయాలి. (అయితే, లాక్‌డౌన్ నేపథ్యంలో ప్రస్తుతం ఈ సేవలు అందుబాటులో లేవన్న విషయం గమనించాలి)