బైక్స్‌పై పండుగ ఆఫర్లు అదుర్స్...రూ.2 లక్షల వరకు ప్రయోజనం!

Written by : smtv Desk | Mon, Oct 21, 2019, 09:04 PM

కొత్త బైక్ కొనాలని చూస్తున్నారా? అయితే మీకు ఇదే సువర్ణవకాశం. టూవీలర్లపై అదిరిపోయే ఆఫర్లు అందుబాటులో ఉన్నాయి. టీవీఎస్ రేడియన్, విక్టర్, స్పోర్ట్, స్టార్ సిటీ ప్లస్ వంటి బైక్స్‌ను తక్కువ డౌన్‌ పేమెంట్‌తో ఇంటికి పట్టుకెళ్లొచ్చు. అలాగే ప్రభుత్వ ఉద్యోగులకు అదనపు ప్రయోజనాలు ఉన్నాయి. హీరో మోటొకార్ప్ కూడా 100-125 సీసీ మోటార్‌సైకిల్స్‌పై రూ.15,00 వరకు క్యాష్ బెనిఫిట్స్ అందిస్తోంది. హోండా మోటార్‌సైకిల్స్ రూ.8,900 వరకు ప్రయోజనాలు అందిస్తోంది. రూ.1,100 డౌన్ పేమెంట్‌తో బైక్‌ను తీసుకెళ్లొచ్చు. అపాచీ ఆర్‌టీఆర్ 160 4వీ బైక్‌పై ఐదేళ్ల ఉచిత ఇన్సూరెన్స్ లభిస్తోంది. దీని విలువ రూ.8,800. హీరో ఎక్స్‌ట్రీమ్ 200ఆర్, ఎక్స్‌ట్రీమ్ 200ఎస్ బైక్స్‌పై రూ.2,000 క్యాష్ డిస్కౌంట్ ఉంది. అలాగే ఎక్స్చేంజ్ కింద రూ.5,000 ప్రయోజనం పొందొచ్చు. రూ.4,000 డౌన్ పేమెంట్‌తో బైక్ తీసుకెళ్లొచ్చు. సుజుకీ జిక్సర్ ఎస్ఎఫ్ 250 బైక్ ఇప్పుడు జీరో డౌన్ పేమెంట్ ఆప్షన్‌తో అందుబాటులో ఉంది. జీరో ప్రాసెసింగ్ ఫీజుతో లోన్ తీసుకోవచ్చు. ఈఎంఐ లక్షకు రూ.3,042 నుంచి ప్రారంభమౌతోంది. బజాజ్ ఆటో తన మోడళ్లపై రూ.7,200 వరకు ప్రయోజనాన్ని అందిస్తోంది. క్యాష్ డిస్కౌంట్, ఐదేళ్ల ఉచిత వారంటీ, ఫ్రీ సర్వీస్ వంటివి ఇందులో ఉన్నాయి. టీవీఎస్ స్కూటీ పెప్ ప్లస్, జెస్ట్ స్కూటర్లను రూ.3,250, రూ.3,750 డౌన్ పేమెంట్‌తో ఇంటికి తీసుకెళ్లొచ్చు. జుపిటర్ స్కూటర్‌ను రూ.3,900 డౌన్ పేమెంట్‌ చెల్లించి పట్టుకెళ్లొచ్చు. హీరో మ్యాస్ట్రో, డెస్టినీ వంటి స్కూటర్లపై రూ.2000 క్యాష్‌ డిస్కౌంట్ ఉంది. రూ.4000 డౌన్ పేమెంట్ సహా ఎక్స్చెంజ్ బోనస్ కూడా పొందొచ్చు. హోండా యాక్టివా 5జీ స్కూటర్‌పై రూ.11,000 వరకు బెనిఫిట్స్ పొందొచ్చు. తక్కువ డౌన్ పేమెంట్, పేటీఎం క్యాష్‌బ్యా్క్ ఆఫర్ వంటివి ఇందులో ఉన్నాయి. కవాసకి బైక్స్‌పై రూ.65,500 వరకు బెనిఫిట్ పొందొచ్చు. ట్రయంఫ్ మోటార్‌సైకిల్స్‌పై ఏకంగా రూ.2.8 లక్షల వరకు ప్రయోజనం పొందొచ్చు. మరింత సమాచారం కోసం దగ్గరిలోని షోరూమ్‌లకు వెళ్లండి.