మీ డైలీ రొటీన్ లో ఈ మార్పులు చేసుకుంటే బరువు తగ్గడం సులువు!

నేటి ఆధునిక కాలంలో కడుపులో చల్ల కదలకుండా గంటల తరబడి ఒకే చోట కూర్చుని డెస్క్ జాబ్ చేస్తున్న వారి సంఖ్య ఎక్కువే. ముఖ్యంగా కంప్యూటర్స్ ముందు కూర్చునే వారి గురించి చెపాల్సిన పనే లేదు. వాళ్ళు చేస్తున్న పని కారణంగా రోజంతా కూర్చూనే ఉంటున్నారు. దీని వల్ల ఎలాంటి యాక్టివిటీ లేకుండా బరువు పెరుగుతున్నారు. ఈ అధికబరువు అనే సమస్య నుండి బయటపడాలి అంటే ఏంచేయాలో ఒకసారి తెలుసుకుందాం..

కాసేపు వర్కౌట్.. ఎక్కువసేపు కూర్చుని వర్కౌట్స్ చేసినా బాడీ అలసిపోతుంది. కాబట్టి అలా కాకుండా డెస్క్ డిప్స్, చైర్ స్క్వాట్స్ వర్కౌట్స్ చేయండి. ఇలానే కుర్చీలో కూర్చుని వర్కౌట్ చేయండి. దీని వల్ల మజిల్స్ చురుగ్గా పనిచేస్తాయి. జీవక్రియ మెరుగ్గా మారి బరువు తగ్గుతారు.

నీరు తాగడం.. బరువు తగ్గడంలో నీరు తాగడం కూడా కీ రూల్ పోషిస్తుంది. బాడీ హైడ్రేట్‌గా ఉంటే ట్యాక్సిన్స్ బయటకి వెళ్ళిపోతాయి. జీవక్రియ సరిగ్గా ఉంటుంది. కోరికలు కంట్రోల్ అయి అతిగా తినరు. కాబట్టి, ఓ బాటిల్ దగ్గర పెట్టుకుని రెగ్యులర్‌గా వాటర్ తాగండి. ఇది శరీరాన్ని హైడ్రేట్ చేసి శక్తిని కూడా అందిస్తుంది. బాడీ డీటాక్స్ అయ్యేందుకు హెల్ప్ చేస్తుంది.

పౌష్ఠికాహారం.. ఎప్పుడు తినే ఆహారం కాకుండా పోషకాహారం తినడం మంచిది. ప్రాసెస్డ్, పాస్ట్ ఫుడ్స్ బదులు ప్రోటీన్, కలర్ ఫుల్ వెజిటేబుల్స్, హోల్ గ్రెయిన్స్ తినడం అలవాటు చేసుకోండి. వీటితో కొత్త కొత్త వంటకాలని ట్రై చేయండి. దీని వల్ల పొట్ట నిండుగా ఉంటుంది. బరువు కూడా తగ్గుతారు.

ఎక్కువగా పని.. ఎక్కువగా బాడీకి రెస్ట్ ఇవ్వకుండా పనిచేసినా బరువు పెరుగుతారు. అలా కాకుండా మీ బాడీ మాట వినండి, అవసరమైనప్పుడల్లా రెస్ట్ ఇవ్వండి. మధ్యమధ్యలో రెస్ట్ తీసుకోండి. ఈ టైమ్‌లో స్ట్రెచెస్ చేయండి. ధ్యానం చేయండి. డీప్ బ్రీథ్ తీసుకోండి.

వీలైనప్పుడు నడక.. వర్కౌట్ చేయడానికి చాలా మంది ఇబ్బంది పడతారు. కొందరికీ కుదరకపోవచ్చు. అలాంటివారు కొన్ని సార్లు నడవడం అలవాటు చేసుకోండి. వీలైనప్పుడుల్లా అటు ఇటు నడవండి. మీకు ఓ కంపెనీ చూసుకుని వారితో కలిసి నడవడం, పార్కుకి వెళ్ళడం, సరుకులకి వెళ్ళడం వంటివి చేయండి. ఇలా రెగ్యులర్‌గా నడిస్తే కేలరీలు ఖర్చవుతాయి. బరువు కూడా తగ్గుతారు.
ఈ టిప్స్ ఫాలో అవడం కనుక ప్రారంభిస్తే కచ్చితంగా మీరు బరువు తగ్గడం అనేది సాధ్యం అవుతుంది.