హోమ్ లోన్ ఈఎంఐ కట్టడం ఎలా?

సొంతింటి కల దాదాపు ప్రతి ఒక్కరికీ ఉంటుంది. ఉద్యోగం చేసే వారు సిటీలో ఒక ఇల్లు కొనుగోలు చేయాలని లేదంటే సొంతంగానే ఇల్లు కట్టుకోవాలని ప్లాన్ చేస్తూనే ఉంటారు. అయితే ఇంటి విషయానికి వస్తే చాలా పెద్ద మొత్తంలోనే డబ్బులు అవసరం అవుతాయి. కొత్తిల్లు కావాలంటే ఆర్థిక భారం మోయాల్సి వస్తుంది. అందుకే కొంత మంది అద్దెకు ఉండేందుకు మొగ్గుచూపుతారు. ఇల్లు కొనుగోలు చేయడం ఖరీదైన విషయం అయినప్పటికీ ఇది మంచి ఇన్వెస్ట్‌మెంట్ ఐడియా. రియల్ ఎస్టేట్ ధరలు పెరుగుతూనే ఉంటాయి. ఆరంభంలో ఆర్థిక భారం అనిపించినా కూడా దీర్ఘకాలంలో మీ డబ్బుకు విలువ చేకూరుతుంది. ఇంటి కొనుగోలు సమయంలో చాలా విషయాలను పరిగణలోకి తీసుకోవాలి. తర్వానే ఒక నిర్ణయానికి రావాలి. తొందరపాటు తగదు. రూమ్‌ రెంట్‌కు తీసుకుంటే లోన్ పేమెంట్, ఈఎంఐ వంటి బాధలు ఉండదు. అయితే ఇక్కడ అద్దెను ఎంత కాలం చెల్లిస్తూ వెళ్లాలి? అనే ప్రశ్నకు సమాధానాన్ని వెత్తుకోవలసి ఉంటుంది. అద్దె ప్రతి సంవత్సరం పెరుగుతూనే వస్తుంది. ఇలాంటప్పుడు హోమ్ లోన్ తీసుకొని పక్షంలో చేతిలోని డబ్బును మ్యూచువల్ ఫండ్స్, పీపీఎఫ్ వంటి సాధనాల్లో ఇన్వెస్ట్ చేస్తూ రావాలి. మెచ్యూరిటీ సమయంలో పొందే డబ్బును ఇంటి కొనుగోలుకు ఉపయోగించాలి. రూమ్‌ను అద్దెకు తీసుకుంటే ప్రతి నెలా మిగిలే డబ్బులను ఇన్వెస్ట్‌మెంట్ సాధనాల్లో పెట్టుబడి పెట్టి మెచ్యూరిటీ సమయంలో అధిక రాబడి పొందొచ్చు. పట్ణణాల్లో ప్రాపర్టీ ధరలు సాధారణంగానే ఎక్కువగా ఉంటాయి. ఇంత భారాన్ని అందరూ భరించలేరు. ఇలాంటి వారు అద్దె వైపు చూస్తారు. అలాగే జాబ్ మారినప్పుడు రూమ్ రెంట్‌కు ఉంటే రీలొకేషన్ సులభంగా ఉంటుంది. ఇల్లు కొంటే యాజమాన్య హక్కు వస్తుంది. ఇల్లు అసెట్‌గా పనిచేస్తుంది. కుటుంబానికి ఆర్థిక భద్రత ఉంటుంది. ఇల్లు కొనుగోలు చేయడం మంచి ఇన్వెస్ట్‌మెంట్ సాధనం. ఇంటి ఇన్వెస్ట్‌మెంట్ విలువ పెరుగుతూనే వస్తుంది. హోమ్ లోన్‌పై పన్ను ప్రయోజనాలు పొందొచ్చు. లోన్‌పై చెల్లించే ఈఎంఐ చివరి వరకు స్థిరంగా ఉంటుంది. రెంట్ మాత్రం పెరుగుతూ వస్తుంది. మీరు రూ.30 లక్షల హోమ్ లోన్ తీసుకున్నారు. 20 ఏళ్ల కాలపరిమితి. వడ్డీ రేటు 9.55 శాతం. ఇప్పుడు మీరు నెలకు రూ.28,062 ఈఎంఐ చెల్లించాల్సి ఉంటుంది. మీరు బ్యాంకుకు మొత్తంగా రూ.67,34,871 చెల్లిస్తారు. అదే మీరు నెలకు రూ.15,000 అద్దె ఇస్తూ రూమ్‌లో రెంట్‌కు ఉన్నారనుకోండి. ఇలా 20 ఏళ్లలో మీరు చెల్లించే రూ.36,00,0000 అవుతుంది. మీరు హోమ్ లోన్ తీసుకోకుండా అద్దెకు ఉంటే మీరు రూ.31,34,871 ఆదా చేసుకోవచ్చు. ఈ డబ్బును సురక్షితమైన ఇన్వెస్ట్‌మెంట్ సాధనాల్లో పెట్టుబడి పెడితే మంచి రాబడిని అందుకోవచ్చు. ఏకంగా రూ.కోటి కూడా పొందొంచ్చు. ఇంకా పన్ను ప్రయోజనాలు కూడా లభిస్తాయి. ఇంటిపై ఇన్వెస్ట్ చేయడం మంచి నిర్ణయమే అయినా కూడా ఆ ఇన్వెస్ట్‌మెంట్లను వెనక్కి తీసుకోవడం కొంత కష్టంగా ఉండొచ్చు. ఇల్లు విక్రయించాలని భావిస్తే.. కస్టమర్లను పట్టుకోవడం కోసం కష్టపడాల్సి రావొచ్చు. ఒక మీరు ట్రాన్స్‌ఫర్ అయి వేరే చోటుకు వెళ్లాల్సి వస్తే.. అప్పుడు ఇంటిని రెంట్‌కు ఇవ్వాలి. వచ్చే రెంట్ మీరు చెల్లించే రెంట్‌కు సరిపోవచ్చు. కానీ బ్యాంక్‌కు మాత్రం ఈఎంఐ కట్టాల్సిందే. ఇల్లు కొనాలా? లేదంటే రెంట్‌కు ఉండాలా? అనే నిర్ణయం ఇప్పుడు మీదే. అయితే ఏ నిర్ణయం తీసుకోవాలన్నా ముందుగా రీసెర్చ్ చేయండి. అన్ని అంశాలను పరిగణలోకి తీసుకున్న తర్వాతనే అంతిమంగా ఒక నిర్ణయం తీసుకోండి. తొందరపడొద్దు.