తెలంగాణాలో నిలకడగానే పెట్రోల్ ధర...డీజిల్ ధర కిందకు!

Written by : smtv Desk | Sat, Sep 19, 2020, 05:45 PM

వాహనదారులకు తీపికబురు. అయితే ఇది కేవలం కార్లు, ఆపైన పెద్ద వాహనాలు నడిపే వారికి మాత్రమే. ఎందుకంటే డీజిల్ ధర ఈరోజు కూడా తగ్గింది. డీజిల్ ధర 22 పైసలు దిగొచ్చింది. అయితే పెట్రోల్ ధర మాత్రం స్థిరంగానే కొనసాగింది. దీంతో హైదరాబాద్‌‌లో శనివారం లీటరు పెట్రోల్ ధర రూ.84.33 వద్ద నిలకడగా ఉంది. డీజిల్ ధర మాత్రం రూ.78.28కు దిగొచ్చింది. డీజిల్ ధర తగ్గడం ఇది వరుసగా మూడో రోజు కావడం గమనార్హం.

అయితే ఏపీలో వాహనదారులకు షాక్ తగిలింది. ఇంధన ధరలు భారీగా పెరిగాయి. అమరావతిలో పెట్రోల్, డీజిల్ ధరల పరిస్థితి ఇలానే ఉంది. పెట్రోల్‌ ధర రూ.1.32 పెరుగుదలతో రూ.87.24కు చేరింది. డీజిల్‌ ధర రూ.1.01 పెరుగుదలతో రూ.80.72కు ఎగసింది. ఇక విజయవాడలోనూ ధరలు ఇలానే ఉన్నాయి. పెట్రోల్ ధర రూ.1.33 పెరుగుదలతో రూ.86.81కు చేరింది. డీజిల్ ధర రూ.1.02 పెరుగుదలతో రూ.80.32కు ఎగసింది.

దేశ రాజధాని ఢిల్లీలో మాత్రం పెట్రోల్ ధర స్థిరంగానే ఉంది. రూ.81.14 వద్ద కొనసాగుతోంది. డీజిల్ ధర మాత్రం 20 పైసలు క్షీణతతో రూ.71.82కు తగ్గింది. వాణిజ్య రాజధాని ముంబయిలో కూడా ధరలు ఇలానే ఉన్నాయి. పెట్రోల్ ధర స్థిరంగా రూ.87.82 వద్ద ఉంది. డీజిల్ ధర 21 పైసలు క్షీణతతో రూ.78.27కు తగ్గింది.

అంతర్జాతీయ మార్కెట్‌లో ముడి చమురు (క్రూడాయిల్) ధరలు దిగొచ్చాయి. బ్రెంట్ క్రూడ్ ఆయిల్ ధర బ్యారెల్‌‌కు 0.48 శాతం తగ్గుదలతో 43.09 డాలర్లకు క్షీణించింది. ఇక డబ్ల్యూటీఐ క్రూడాయిల్ ధర బ్యారెల్‌కు 40.97 డాలర్ల వద్ద నిలకడగానే కొనసాగుతోంది.

ఇకపోతే సాధారణంగా పెట్రోల్, డీజిల్ ధరలు ప్రతి రోజు మారుతూ వస్తుంటాయి. అంతర్జాతీయ మార్కెట్‌లో ముడిచమురు ధరల ప్రాతిపదికన ఇంధన రిటైల్ కంపెనీలు పెట్రోల్, డీజిల్ ధరలను సవరిస్తూ వస్తుంటాయి. ఈ నేపథ్యంలోనే ధరలు ఒక రోజు పెరగొచ్చు. మరో రోజు తగ్గొచ్చు. లేదంటే స్థిరంగా కూడా కొనసాగవచ్చు.