వేసవిలోనూ నిగారింపుతో కూడిన చర్మం మీసొంతమిలా !

వేసవి వచ్చిందంటే చాలు పువ్వులు, మొక్కలు ఎంత నీరు పోసినా సరే మధ్యాహ్నం అయిందంటే వేలాడిపోయి నీరసపడిపోతాయి. నాజూగ్గా ఉండే అమ్మాయిల పరిస్థితి కూడా సమ్మర్ లో అదే మరి. బయటకు వెళ్లి వస్తే చాలు మొహం అంతా వాడిపోయి తోటకూర కాడలా వేలాడిపోతారు. సమ్మర్ లో స్పెషల్ కేర్ తీసుకుంటే కాని మొహం కాంతులీనదు. కాలంతో సంబంధం లేకుండానే వేసవిలోనూ మీరు ఫ్రెష్ గా ఉండాలంటే ఈ టిప్స్ పాటించి చూడండి.

* అయితే, ఈ విషయం అర్ధం చేసుకోవాలంటే ముందు మీ స్కిన్ టైప్ ఎలాంటిదో అర్ధం చేసుకోవాలి, ఎందుకంటే బాగా ఫెయిర్‌గా స్కిన్ ఉన్న వాళ్ళకి మెలనిన్ ప్రొడక్షన్ తక్కువగా ఉంటుంది, కొంచెం డార్క్‌గా స్కిన్ ఉన్నా వాళ్ళకీ లేదా ఏసియన్ స్కిన్ టైప్స్‌కి మెలనిన్ ఎక్కువగా ఉంటుంది. ఫెయిర్ స్కిన్ ఉన్న వాళ్ళు ట్యాన్ అవ్వరు, వాళ్ళకి సన్‌బర్న్ మాత్రమే జరుగుతుంది. సన్ ఎక్స్పోజర్ జరిగిన చోట ఎర్రగా అయ్యి నొప్పిగా ఉండే పొక్కుల్లా వస్తాయి.

* అలాగే, ట్యానింగ్ ఎప్పుడు జరుగుతుందంటే యూవీ లైట్ మీ స్కిన్ మీద పడి కంటికి కనబడని మ్యుటేషన్స్‌ని కలుగచేస్తుంది. ఈ డీఎన్ఏ మ్యుటేషన్స్‌తో ఫైట్ చేయడం కోసం మెలనోసైట్స్ యాక్టివేట్ అయ్యి ఎక్స్ట్రా మెలనిన్ ని ప్రొడ్యూస్ చేస్తాయి. ఈ మెలనిన్ వల్నరబుల్‌గా ఉండే డీఎన్ఏ మీద ఒక ప్రొటెక్టివ్ లేయర్‌గా ఏర్పడుతుంది, దీని వల్ల స్కిన్ డార్క్‌గా తయారవుతుంది.

* సన్‌బర్న్ అంటే కొన్ని గంటలు సన్ ఎక్స్పోజర్ తరువాత ఏర్పడే ఇంఫ్లమేషన్ లాంటిది. ఇది ప్రమాదకరమైనది, స్కిన్‌కి చాలా ఎక్కువగా డ్యామేజ్‌ని కలుగచేయగలదు. స్కిన్‌ని ప్రిమెచ్యూర్ ఏజింగ్‌కి గురి చేయడమే కాదు, స్కిన్ క్యాన్సర్‌కి కూడా కారణం కావచ్చు. పొక్కులు, వాపు, ర్యాష్, చర్మం ఊడిరావడం వంటివి సన్‌బర్న్ జరిగినప్పుడు ఉండే కామన్ సింప్టమ్స్.

అయితే, సన్‌బర్న్ మాత్రమే కాదు, రెగ్యులర్‌గా ట్యాన్ అయినా కూడా ప్రిమెచ్యూర్ ఏజింగ్, స్కిన్ క్యాన్సర్ వంటి సమస్యలు వస్తాయని డెర్మటాలజిస్టులు అంటున్నారు.

మరి ఇలాంటప్పుడు ఏం చేయాలంటే..

*సన్‌ట్యాన్ లేదా సన్‌బర్న్ ని ఎవాయిడ్ చేయాలంటే మీరు చేయవలసిన పనుల్లో మొదటిది ఎండ ఎక్కువగా ఉన్నప్పుడు బయటకి వెళ్ళకుండా ఉండడం. అంటే, పొద్దున్న పదకొండు నుంచి సాయంత్రం నాలుగు వరకూ. ఈ సమయంలో సూర్యుడు నించి వచ్చే కిరణాలు చాలా వేడిగా ఉంటాయి, దాంతో డ్యామేజ్ కూడా ఎక్కువగా జరుగుతుంది. అయితే, మీరున్న ప్రదేశంలో ఈ టైమింగ్స్ కొద్దిగా మారవచ్చు. కాబట్టి, ఎండ ఎక్కువగా ఉండే టైంలో మాత్రం ఇంట్లో నించి బయటకి వెళ్ళకుండా చూసుకోండి, ఒక వేళ వెళ్ళవలసి వచ్చినా తక్కువ సమయం బయట గడిపేలా ప్లాన్ చేసుకోండి. వెదర్ ఎలా ఉంది, టెంపరేచర్ ఎంత ఉంది అనే దానితో సంబంధం లేకుండా ఈ పని చేయండి.
* ఎండలో ఎక్కువ సేపు ఉండకండి, నీడలో నడవండి, నీడలో నించోండి. ఎంత వరకూ వీలైతే అంత వరకూ ఎండ నించి మిమ్మల్ని మీరు ప్రొటెక్ట్ చేసుకోవడానికి చూడండి.
* హాని కరమైన యూవీ రేస్ నించి మిమ్మల్ని ప్రొటెక్ట్ చేసే దుస్తులు ధరించండి. మీ కాళ్ళూ చేతులూ కంప్లీట్ గా కవర్ అయ్యేలా ఉండే బట్టలు వేసుకోండి.
* ఎంత పూర్తిగా కవర్ చేద్దామనుకున్నా కూడా కొంత వరకైనా సన్ కి ఎక్స్పోజ్ అవుతుంది కదా.. అర చేయి, ముఖం, పాదం, మెడ వంటివైనా ఎక్స్పోజ్ అవుతాయి. కాబట్టి, బయటకి వెళ్ళడానికి ఇరవై నిమిషాల ముందు ఈ పార్ట్స్ అన్నింటికీ సన్ స్క్రీన్ అప్లై చేయండి. మీరు బయట ఉన్నంత సేపూ మూడు నాలుగు గంటలకి ఒకసారి సన్ స్క్రీన్ అప్లై చేయండి.
* లిప్స్ కూడా సన్ ఎక్స్పోజర్ వల్ల డార్క్‌గా అవుతాయి, కాబట్టి ఎస్‌పీఎఫ్ ఉన్న లిప్ బామ్‌ని అప్లై చేసుకోండి.
* మీ కంటి కింద చర్మం మీ ముఖం మీద చర్మం కంటే కూడా సున్నితంగా ఉంటుంది. కాబట్టే, మీరు బయటకి వెళ్ళినప్పుడు యూవీ ప్రొటెక్షన్ ఉన్న సన్ గ్లాసెస్ ధరించండి. అలాగే, సన్ గ్లాసెస్ ఎంచుకునేప్పుడు మీ కంటి కింద అంతా కవర్ అయ్యేలా ఉన్న లెన్స్ ఎంచుకోండి.
* పొద్దున్న పూట తప్పని సరిగా మాయిశ్చరైజర్ అప్లై చేయండి. ఇలా చేయడం వల్ల మీ స్కిన్కి తగినంత మాయిశ్చర్ అందుతుంది. క్రీం బేస్డ్ మేకప్ బదులుగా మినరల్ బేస్డ్ ఇంగ్రీడియెంట్స్ ఉన్న మేకప్ యూజ్ చేయండి. ఈ కాలంలో పర్ఫ్యూమ్స్ ఎక్కువగా వాడకండి, అవి మీ స్కిన్‌ని ఎండకి సెన్సిటివ్‌గా చేస్తాయి.
* మీరు హైడ్రేటెడ్‌గా ఉండడానికీ, మీ స్కిన్ డ్రై గా అవ్వకుండా ఉండడానికీ రోజుకి కనీసం 15 - 20 గ్లాసుల నీరు తాగండి. ఇలా చేయడం వల్ల కొంత వరకూ ట్యానింగ్ యొక్క ఎఫెక్ట్ ని రివర్స్ చేయగలం కూడా.
* మీ స్కిన్ క్లీన్‌గా, మీరు ఫ్రెష్‌గా ఉండడానికి ప్రతి రోజూ తప్పని సరిగా రెండు సార్లు ఫేస్ వాష్ చేసుకోండి. మీరు ఉండే ప్రదేశం లో చెమట, హ్యుమిడిటీ ఎక్కువగా ఉంటే, ఇంకో సారి కూడా ఫేస్ వాష్ చేసుకోవచ్చు. ఇక్కడ లెక్క కంటే కూడా మీ ఫీలింగ్ ఇంపార్టెంట్.
* ఫైబర్ ఎక్కువగా ఉండే కూర గాయలు, పండ్లు ఈ కాలంలో ఎక్కువగా తీసుకోండి. ఇలా చేయడం వల్ల సన్ డ్యామేజ్‌ని లోపలి నించి ఎదుర్కోవచ్చు. మీ డైట్‌లో ఉండే యాంటీ ఆక్సిడెంట్స్, విటమిన్స్ మీకు ఇంటర్నల్ సన్ స్క్రీన్ లా పని చేస్తాయి.