అందమైన భారతీయ వరుడిగా మస్క్ నయా లుక్స్ !

Written by : smtv Desk | Sat, Jun 03, 2023, 04:22 PM

భారతీయ సంస్కృతి సంప్రదాయాలు, వస్త్రదారణ గురించి ప్రత్యేకించి చెప్పాల్సిన పనిలేదు. కారణం భారతీయ వస్త్రధారణలో ఉండే అందం, కళాత్మకత మరే ఇతర దేశాల వారి వస్త్రధారణలో ఉండదు. ఈ విషయం గురించి అసలు ఎలాంటి సంకోచం లేకుండా చెప్పవచ్చు. ముఖ్యంగా పండగలు, పెళ్ళిళ్ళు, పేరంటాలు, వేడుకల సమయంలో భారతీయులు ధరించే దుస్తువులు మరింత ప్రత్యేక ఆకర్షణగా ఉంటాయి. ప్రపంచ కుబేరుడు, టెస్లా, ట్విట్టర్ అధినేత ఎలాన్ మస్క్ తెల్ల జాతీయుడైనా.. ఒక్కసారిగా భారతీయుడిగా మారిపోతే ఎలా ఉంటుందో ఊహించుకోండి. మస్క్ అని తెలియని వారు నిస్సందేహంగా ఆయన్ని భారతీయ మార్వాడీగా పొరపాటు పడతారనడంలో సందేహం లేదు.

అలా ఉంది ఎలాన్ మస్క్ ఫొటో. దీన్ని సిడ్నీకి చెందిన ఓ ఆర్టిస్ట్ షేర్ చేశారు. ఏఐ సాయంతో భారతీయ వస్త్రధారణతో, కాబోయే వరుడి రూపంలో మస్క్ కనిపిస్తున్నారు. దీనికి మస్క్ సైతం స్పందించారు. ఐ లవ్ ఇట్ (నేను ఇష్టపడుతున్నాను) అంటూ రిప్లయ్ ఇచ్చారు. ఇటీవలి కాలంలో ఏఐ టెక్నాలజీ సాయంతో వ్యక్తుల చిత్రాలను మార్ఫింగ్ చేస్తుుండడం చూస్తూనే ఉన్నాం. యువకులుగా ఉన్నవారు వృద్ధాప్యంలో ఎలా ఉంటారు.. వృద్ధాప్యంలో ఉన్న వారు యవ్వనంలో ఉన్నప్పుడు ఎలా ఉండేవారో ఏఐ సాయంతో తెలుసుకోవచ్చు.

ఇక సృజనాత్మకతకు హద్దేముందన్నట్టు.. ఎలాన్ మస్క్ ను షెలాన్ మస్క్ గా పేర్కొంటూ అందమైన యువతి రూపంలో మార్చిన ఫొటోని చైన్ జీపీటీ పేరుతో ఉన్న యూజర్ షేర్ చేయడం గమనార్హం. భారతీయ డ్రెస్ లో మస్క్ అచ్చమైన పంజాబీలా ఉన్నాడని ఓ వ్యక్తి పేర్కొంటే.. మిగిలిన వారు భారతీయ సంస్కృతిని మనసారా మెచ్చుకుంటున్నారు.
https://twitter.com/cb_doge/status/1664798316775841795?ref_src=twsrc%5Etfw%7Ctwcamp%5Etweetembed%7Ctwterm%5E1664798316775841795%7Ctwgr%5Ed0f94985d38967044ccc70037fd8a1f8b5947630%7Ctwcon%5Es1_c10ref_url=https%3A%2F%2Fwww.ap7am.com%2Fflash-news-773322%2Felon-musk-reacts-to-ai-generated-pic-that-shows-him-as-an-indian-groom