ఈ సీడ్స్ లో తినడం వలన కలిగే బెనిఫిట్స్ తెలుసా ?

చూడ్డానికి తళతళ మెరుస్తూ, కొంచెం గట్టిగా, కొంచెం పొట్టిగా ఉండే అవిసె గింజలు సూపర్ ఫుడ్స్ లిస్ట్ లో ఒక్కటి. ప్రపంచవ్యాప్తంగా చాలా మంది ఈ గింజల్ని వివిధ రకాల పద్ధతుల్లో వారి ఆహారం లో భాగం చేసుకుంటున్నారు. పైగా వీటిని రకరకాల వంటల్లో రకరకాలుగా వాడుకోవచ్చు. ఆరోగ్యానికి ఎంతగానో మేలు చేసే ఈ సీడ్స్ లో తినడం వలన కలిగే బెనిఫిట్స్ గురించి తెలుసుకొండి.

* అవిసె గింజల్లో ఎన్నో పోషకాలున్నాయి. ప్రోటీన్, ఫైబర్, ఒమేగా-3 ఫ్యాటీ ఆసిడ్స్ ఉన్నాయి.
* అవిసె గింజల్లో ఉండే ఒమేగా-3, అల్ఫా లినోలెనిక్ యాసిడ్ గుండె ని ఆరోగ్యంగా ఉంచుతాయి.
* అవిసె గింజలు యాంటీ ఆక్సిడెంట్ గుణాలు కలిగి ఉంటాయి. బ్రెస్ట్, ప్రోస్టేట్ కాన్సర్లతో పాటూ మరి కొన్ని కాన్సర్లను కూడా ప్రివెంట్ చేయగలవు.
* అవిసె గింజల్లో ఉండే డైజెస్టివ్ ఫైబర్ డైజెస్టివ్ హెల్త్ కి ఎంతో మేలు చేస్తుంది.
* అవిసె గింజల్లో ఉండే ఫైబర్ కొలెస్ట్రాల్ లెవెల్స్ ని తగ్గించి, హార్ట్ హెల్త్ ని ఇంప్రూవ్ చేస్తుంది.
* అవిసె గింజలు బ్లడ్ ప్రెజర్ ని తగ్గించగలవనీ, హైబీపీ ఉన్న వారికి ఎంతో మంచిదనీ నిపుణులు చెబుతూంటారు.
* మాంసాహారం తీసుకోని వారికి అవిసె గింజల్లో ఉండే ప్లాంట్ బేస్డ్ ప్రోటీన్ మేలు చేస్తుంది.
* అవిసె గింజల్లో ఉండే ఇన్సాల్యుబుల్ ఫైబర్ వల్ల బ్లడ్ షుగర్ లెవెల్స్ కంట్రోల్ అవుతాయి, అందుకని ఇవి డయాబెటిక్స్ కి మంచిది.
* అవిసె గింజల వల్ల కడుపు నిండుగా అనిపిస్తుంది. అందు వల్ల ఇవి వెయిట్ లాస్ కి కూడా సహకరిస్తాయి.
అవిసె గింజల్ని అలాగే తినేయడం కష్టం, అవి అరగవు, వాటి పోషకాలని శరీరం గ్రహించుకోలేదు. అందుకని వాటిని పొడి కొట్టి తీసుకోవడం మంచిది. లేదంటే నానబెట్టి తీసుకోవచ్చు. ఇక్కడ కొన్ని పద్ధతులున్నాయి చూడండి.
1. అవిసె గింజల పొడి ని నీటిలో కలిపి తాగవచ్చు
2. అవిసె నూనె ని సలాడ్ డ్రెస్సింగ్ లా వాడవచ్చు.
3. అవిసె గింజల పొడి ని బ్రేక్ ఫాస్ట్ సెరియల్ మీద చల్లుకోవచ్చు.
4. యోగర్ట్ లో ఈ పొడి ని కలుపుకోవచ్చు.
5. కుకీస్, మఫిన్స్, బ్రెడ్స్ చేసేటప్పుడు యాడ్ చేసుకోవచ్చు.
6. స్మూతీల్లో కలుపుకోవచ్చు.
7. ఎగ్ కి బదులుగా వాడుకోవచ్చు.
8. మీట్ ప్యాటీస్ లో యాడ్ చేసుకోవచ్చు.
అవిసె గింజల్ని రాత్రంతా నీటిలో నానబెట్టి పొద్దున్నే కొద్దిగా నిమ్మ రసం కలుపుకుని తాగవచ్చు. బ్రేక్ ఫాస్ట్ లో ప్యాక్ చేసిన జ్యూసులు తాగే కన్నా ఇది తాగితే డీటాక్స్, లో-క్యాలరీ, హెల్దీ డ్రింక్ తాగినట్లు.
షుగర్ పేషెంట్స్ కి ఇచ్చే డైట్ లో సొరకాయ, అవిసె గింజల పొడిని పెరుగులో కలిపి కొద్దిగా ఉప్పు వేసి తీసుకుంటే రుచికి రుచీ, ఆరోగ్యానికి ఆరోగ్యం. ఇది లో క్యాలరీ, లో కార్బ్ ఆప్షన్ కూడా. పైగా సొరకాయ గ్లైసెమిక్ ఇండెక్స్ కూడా తక్కువే.
పరాఠాకి పిండి కలుపుతున్నప్పుడే గుప్పెడు అవిసె గింజలు కూడా కలిపి వేడి వేడి పెనం మీద కాల్సితే ఆ రుచే వేరు. మీకు నచ్చిన ఊరగాయతో తిన్నారంటే ఇంక చెప్పక్కర్లేదు.