ఆన్‌లైన్‌లో సెకండ్ హ్యాండ్ కార్లు...తక్కువ ధరకే!

Written by : smtv Desk | Sat, Jan 09, 2021, 12:34 PM

కారు కొనుగోలు చేయాలని ఆలోచిస్తున్నారా? షోరూమ్‌కు వెళ్లి కొత్త కారు కొనేందుకు బదులు సెకండ్ హ్యాండ్ కారు కొనాలని ప్లాన్ చేస్తున్నారా? అయితే మీకు చాలా ఆప్షన్లు అందుబాటులో ఉన్నాయి. ఆన్‌లైన్‌లోనే కారు కొనుగోలు చేయొచ్చు. ప్రముఖ కార్ల తయారీ కంపెనీ మారుతీ సుజుకీ ట్రూవ్యాల్యూ ద్వారా సెకండ్ హ్యాండ్ కార్లను విక్రయిస్తోంది.
మీరు ఈ వెబ్‌సైట్ ద్వారా మీకు నచ్చిన కారును కొనుగోలు చేయొచ్చు. వెబ్‌సైట్ ఓపెన్ చేసి మీకు నచ్చిన కారును ఏంటో చూసుకోవడమే. ఇక్కడ పేరు, మొబైల్ నెంబర్ వంటివి ఎంటర్ చేసి టెస్ట్ రైడ్ బుక్ చేసుకోవాలి. హైదరాబాద్, కర్నూల్, విశాఖపట్నం, తిరుపతి, విజయవాడ వంటి పలు ప్రాంతాల్లో కూడా మీకు ఎలాంటి కార్లు అందుబాటులో ఉన్నాయో చూసుకోవచ్చు.
మీకు ఏ మోడల్ కారు కావాలి? ఏ ధరలో కారు కొనాలి? ఇలా ఎన్నో రకాల ఆప్షన్లతో మీరు కార్ల కోసం సెర్చ్ చేయొచ్చు. మీరు రూ.లక్షన్నర పెట్టుకుంటే అదిరిపోయే మారుతీ సుజుకీ సెకండ్ హ్యాండ్ కారును సొంతం చేసుకోవచ్చు. ఇంకా తక్కువ ధరకు కూడా కార్లు ఉన్నాయి.
మీరు రూ.లక్షన్నర పెట్టుకుంటే మారుతీ సుజుకీ స్విఫ్ట్ కారు కొనుగోలు చేయొచ్చు. ఇది 2006 మోడల్. అదే రూ.2.8 లక్షలు పెట్టుకుంటే మారుతీ డిజైన్ కారును ఇంటికి తీసుకెళ్లొచ్చు. ఇది 2009 మోడల్. అదే మీరు బాలెనో కారు కొనాలని భావిస్తే చేతిలో రూ.3.6 లక్షలు పెట్టుకుంటే సరిపోతుంది.