SBI క్రిస్మస్ ఆఫర్... యోనో యాప్ ద్వారా సులభంగానే లోన్

క్రిస్మస్ వచ్చేసింది. మీరు పండుగకు షాపింగ్ చేయాలని భావిస్తున్నారా? అయితే చేతిలో డబ్బులు లేవా? ఆర్థికంగా ఇబ్బందులు పడుతున్నారా? మీకు గుడ్ న్యూస్. దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా SBI తన కస్టమర్ల కోసం క్రిస్మస్ ఆఫర్ తీసుకువచ్చింది. ఇందులో భాగంగా అర్హత కలిగిన కస్టమర్లు సులభంగానే లోన్ పొందొచ్చు.

పర్సనల్ లోన్స్‌పై ఎస్‌బీఐ క్రిస్మస్ ఆఫర్లు అందుబాటులో ఉంచింది. యోనో యాప్ ద్వారా సులభంగానే వ్యక్తిగత రుణాలు పొందొచ్చని బ్యాంక్ తెలియజేస్తోంది. ఈ విషయాన్ని ట్విట్టర్ వేదికగా వెల్లడించింది. అంటే బ్యాంక్ బ్రాంచ్‌కు వెళ్లకుండానే యోనో యాప్ ద్వారా బ్యాంక్ కస్టమర్లు లోన్ కోసం అప్లై చేసుకోవచ్చు.

ఎస్‌బీఐ పర్సనల్ లోన్ కేవలం 4 క్లిక్స్‌తోనే పొందొచ్చని బ్యాంక్ తెలియజేస్తోంది. ఈ విషయాన్ని ట్విట్టర్ వేదికగా వెల్లడించింది. పర్సనల్ లోన్స్‌పై వడ్డీ రేటు కూడా తక్కువగానే ఉంది. వడ్డీ రేటు 9.6 శాతం నుంచి ప్రారంభం అవుతోంది. మార్కెట్‌లో ఇతర బ్యాంకులతో పోలిస్తే ఇది తక్కువ వడ్డీ రేటు అని చెప్పుకోవచ్చు.

లోన్ పొందాలని భావించే వారు ఎలాంటి డాక్యుమెంట్లు చెల్లించాల్సిన పని లేదు. యోనో ద్వారా బ్యాంక్ బ్రాంచ్‌కు వెళ్లకుండానే అప్లై చేసుకోవచ్చు. రోజులో ఎప్పుడైనా లోన్ పొందే ఛాన్స్ ఉంటుంది. ఎంపిక చేసిన కస్టమర్లకు మాత్రమే ఈ ఫెసిలిటీ అందుబాటులో ఉంటుందని గమనించలి. అంతేకాకుండా ఎస్‌బీఐ వ్యక్తిగత రుణాలపై ఎలాంటి ప్రాసెసింగ్ ఫీజు కూడా ఉండదు. ప్రాసెసింగ్ ఫీజు మినహాయింపు ప్రయోజనం జనవరి 31 వరకు అందుబాటులో ఉంటుందని గమనించాలి. మీకు రుణ అర్హత ఉందా? లేదా? అనే విషయాన్ని మీరు యోనో యాప్ ద్వారా తెలుసుకోవచ్చు. అంతేకాకుండా పీఏపీఎల్ అని టైప్ చేసి స్పేస్ ఇచ్చి బ్యాంక్ అకౌంట్ చివరి నాలుగు అంకెలు ఎంటర్ చేసి 567676కు ఎస్ఎంఎస్ పంపిస్తే సరిపోతుంది. మీకు రుణ అర్హత ఉందా? లేదా? అనే విషయం తెలిసిపోతుంది.

ఇప్పుడు లోన్ ఎలా పొందాలో ఒకసారి తెలుసుకుందాం. మీరు ముందుగా యోనో యాప్‌లోకి లాగిన్ అవ్వాలి. దీని కోసం మీ రిజిస్టర్డ్ మొబైల్ నెంబర్ మీ ఫోన్‌లోనే ఉండాలి. అలాగే ఇంటర్నెట్ బ్యాంకింగ్ లాగిన్ వివరాలు తెలిసి ఉండాలి. ఇలా లాగిన్ అయిన తర్వాత మీకు లోన్ ఆఫర్ కనిపిస్తుంది. దీనిపై క్లిక్ చేయాలి. మీ టెన్యూర్, అమౌంట్ ఎంటర్ చేయాలి. ఇప్పుడు ఓటీపీ వస్తుంది. దీన్ని ఎంటర్ చేసిన తర్వాత వెంటనే లోన్ డబ్బులు మీ బ్యాంక్ ఖాతాలోకి వచ్చేస్తాయి.