నిమ్మతో వంటకాలే కాదు ఇంటిని కూడా మెరిపించండిలా!

చూడడానికి పసుపు రంగులో ఉండి పుల్లగా ఉండే నిమ్మ కాయతో పులిహోర చేసుకుంటే చాల బాగుంటుంది . పులిహోర చేసిన తర్వాత మిగిలిన నిమ్మకాయ తొక్కల్ని పడేస్తారు అందరూ. అలా కాకుండా ఆ తొక్కల్ని కూడా మనం ఇంట్లో కొన్ని పనులకోసం వాడొచ్చు.

చేతులని క్లీన్ చేయడం..
కొన్నిసార్లు తిన్నతర్వాత చేతులు వాసన వస్తుంటాయి. ముఖ్యంగా, బిర్యానీ వంటివి తిన్నప్పుడు నెయ్యి, మసాలా వాసన వస్తుంటుంది. దీనిని దూరం చేయడానికి నిమ్మతొక్కలు వాడొచ్చు. దీనికోసం వెచ్చని నీటిలో నిమ్మ తొక్కలు వేయండి. అందులో చేతులు పెట్టి నిమ్మకాయతో బాగా స్క్రబ్ చేసి కడగలి. దీని వల్ల చేతుల నుండి దుర్వాసన తొలగిపోతుంది.మనము హోటల్స్ కి వెళ్లినప్పుడు వెచ్చని నీటిలో నిమ్మ తొక్కలు వేసి ఇస్తారు .

బట్టలపై మరకలు..
అదే విధంగా బట్టలపై కొన్నిసార్లు కూర మరకలు పడుతుంటాయి. వాటిని దూరం చేయడానికి కూడా నిమ్మతొక్కని వాడొచ్చు. ముందుగా బట్టని తడిపి కొద్దిగా ఉప్పు వేయండి. దానిపై నుంచి నిమ్మతొక్కతో స్క్రబ్ చేయండి. దీనిని నార్మల్ వాటర్‌తో క్లీన్ చేయండి. దీని వల్ల బట్టలపై మరకలు మాయమవుతాయి.పిల్లలు ఎక్కువగా టీ మరకలు చాక్లెట్ మరకలు పాడేసుకునప్పుడు ఇలా చెయ్యవచ్చు .

స్ప్రే చేయడం..
అంతేకాకుండా నీటిలో నిమ్మతొక్కలు, కర్పూరం వేసి మరిగించి ఆరిన తర్వాత వాటిని వడపోసి స్ప్రే బాటిల్‌లో వేయండి. వీటిని కూడా ఎయిర్ ఫ్రెషనర్‌గా వాడొచ్చు. దీని వల్ల రూమ్ అంత రీఫ్రెష్‌గా ఉంటుంది.

ఎయిర్ ఫ్రెషనర్‌గా..
నిమ్మరసం గాలిలోని చెడు వాసనని దూరం చేస్తుంది. దీనిని వాడడం వల్ల తలతిరగడం, తలనొప్పి తగ్గడం వంటి సమస్యల్ని దూరమవుతుంది. కాబట్టి, నిమ్మ తొక్కల్ని ఇంట్లోని మూలలు, కిచెన్‌లో పెట్టండి.
​
గిన్నెలు క్లీన్ చేయడానికి..
మనం సాధారణంగా ఇంట్లో నాన్‌వెజ్, చేపలు వంటివి వండినప్పుడు ఆ గిన్నెలు తోమినా వాసన వస్తుంటుంది. అలాంటి గిన్నెల్ని నిమ్మకాయ తొక్కలు వేసి కొద్దిగా డిష్ వాష్ వేసి మొత్తంగా తోమండి. తర్వాత కాసేపు గోరువెచ్చని నీటిలో ఉంచండి. గిన్నెల్లో నుంచి వాసన త్వరగా తగ్గుతుంది.

స్కిన్‌కి..
చర్మంపై మృతకణాలు దూరం చేయడానికి బ్లాక్ హెడ్స్, వైట్ హెడ్స్‌ని తొలగించేందుకు నిమ్మకాయ తొక్కల్ని వాడొచ్చు. అందుకోసం నిమ్మతొక్కల్ని పంచదారలో ముంచి ముఖాన్ని సున్నితంగా స్క్రబ్ చేయండి. గుండ్రంగా మసాజ్ చేస్తే ముఖంపై ఉన్న బ్లాక్ హెడ్స్, వైట్ హెడ్స్ తగ్గి ముఖం మెరుస్తుంది.

అంతే కాకుండా పిల్లలు వాటర్ బాటిల్స్ స్మెల్ వచ్చినప్పుడు నిమ్మకాయ తొక్కల్ని తీసుకొని బాటిల్స్ క్లీన్ చేసుకోవచ్చు . ఈ విధంగా వేస్ట్ అనుకున్నది కూడా బెస్ట్ గా చేసుకోవచ్చు . ఇలాంటి చిన్న చిన్న చిట్కాలతో మనీ సేవ్ చేసుకోవచ్చు .