ట్విట్టర్ లో నారా లోకేశ్ పై మళ్ళీ సెటైర్లు

Written by : smtv Desk | Mon, Feb 11, 2019, 01:16 PM

అమరావతి, ఫిబ్రవరి 11: ప్రధాన మంత్రి నరేంద్ర మోదీ ఆంధ్రప్రదేశ్ పర్యటన సందర్బంగా ముఖ్యమంత్రి చంద్రబాబు నాయుడు, కుమారుడు మంత్రి లోకేశ్ ట్విట్టర్ లో విమర్శలతో రెచ్చిపోయారు. వరుస ట్వీట్లతో విమర్శలు గుప్పించారు. తాము ప్రత్యేక హోదా కోసం ఇంత చేస్తుంటే ప్రతిపక్షనేత ఎక్కడ పడుకున్నారంటూ పెద్ద పెద్ద మాటలు మాట్లాడారు. అయితే, లోకేశ్ బాబు పోస్టులకు ప్రజలు దిమ్మతిరిగే సమాధానం ఇస్తున్నారు.

# అయ్యా, లోకేశ్ సారూ, మీరు గత నాలుగేళ్లుగా బీజేపీతో సంసారం చేసినప్పుడు ప్రత్యేక హోదా ఎందుకు అడగలేదండీ?

# ప్రతిపక్షనేత ప్రత్యేక హోదా కోసం పోరాటం చేస్తుంటే కేసులు పెట్టి అడుగడుగున అడ్డుకుంది ఎవరండీ?

# ఇదే ప్రతిపక్ష నేత ప్రత్యేక హోదా ఇవ్వాలని కోరుతూ విశాఖలో తలపెట్టిన నిరసన కార్యక్రమానికి వెళుతుండగా విమానాశ్రయంలోనే అడ్డుకుని అరెస్టులు చేసిందెవరండీ?

# ఆ సమయంలో మీరెక్కడ పడుకున్నారండీ?

# హోదా పేరు ఎత్తితే జైల్లో పెడ్తాం అని ఎవరన్నారండీ?

# ఆరోజు మీరు, మీ నాన్నగారు కేంద్రానికి వంతపాడుతూ ఏం మాట్లాడారండీ?

# హోదా వద్దు ప్యాకేజీ ముద్దని చెప్పిందేవరండీ?

ఆ ప్రతిపక్షనేతే ఏడాదికి పైగా జనాల్లో ఉంటూ 3600 కిలోమీటర్లకు పైగా పాదయాత్ర చేయకుంటే మీరు హోదాపై యూటర్న్‌ తీసుకునేవారా? అండీ? అని రుజువులతో సహా ప్రశ్నిస్తున్నారు.

కాగా ప్రధాని పర్యటనకు జనాలు లేకపోవడంతో ప్రతిపక్షపార్టీ వైసిపి తమ కార్యకర్తలను పంపిస్తోందని ఆటోలపై జగన్‌ స్కిక్కర్లున్న ఫొటోను ట్యాగ్‌ చేస్తూ చినబాబు గారు ట్వీట్‌ చేశారు. దీనిపై కూడా ప్రజలు వ్యంగ్యాస్త్రాలు సంధిస్తున్నారు.

# అయ్యో లోకేష్‌ సారూ, మీకు ఇది కూడా తెలియదా?

ఆటోలపై జగన్‌ స్టిక్కర్లు ఆ ప్రతిపక్ష నేతపై ఉన్న అభిమానంతో వేసుకున్నారు, బీజేపీ మీటింగ్‌కు కూడు కోసం వెళ్లారు. ఏది ఏమైనప్పటికి మధ్యతరగతిలో వైఎస్‌ జగన్‌కు క్రేజ్‌ ఉందనే నిజం ఒప్పుకున్నావ్ అని తెలిపారు. ఇప్పటికీ దేవాన్ష్‌ మోదీ తాత అని పిలుస్తున్నాడా, సోనియా అమ్మమ్మ అంటున్నాడా? అని సెటైర్లేస్తున్నారు. ప్రస్తుతం ఈ ట్విట్లు సంచలనం సృష్టిస్తున్నాయి.