కొత్త రూల్స్‌...డెబిట్/ క్రెడిట్ కార్డ్ యూజర్లకు అలర్ట్!

Written by : smtv Desk | Tue, Jan 21, 2020, 01:05 PM

రిజర్వు బ్యాంక్ ఆఫ్ ఇండియా (ఆర్‌బీఐ) తాజాగా క్రెడిట్, డెబిట్ కార్డులకు కొత్త రూల్స్‌ ప్రకటించింది. గత కొన్నేళ్లుగా చూస్తే డెబిట్ కార్డు, క్రెడిట్ కార్డు ద్వారా జరిగే లావాదేవీలు గణనీయంగా పెరుగుతూ వస్తున్నాయి. రానున్న రోజుల్లో కూడా ఇదే ట్రెండ్ ఉండొచ్చనే అంచనాలున్నాయి. ఇలాంటి నేపథ్యంలోనే కార్డు ఉపయోగించే కస్టమర్లకు మెరుగైన సర్వీసులు అందుబాటులో ఉంచడం, అలాగే కార్డుల భద్రత వంటి అంశాలు లక్ష్యంగా ఆర్‌బీఐ ఈ కొత్త నిబంధనలు తీసుకువచ్చింది. అవేంటో చూద్దాం..

1. భారత్‌లో ఏటీఎంలు, పాయింట్ ఆఫ్ సేల్ (పీవోఎస్) మెషీన్ల వద్ద కేవలం దేశీ కార్డు లావాదేవీలను మాత్రమే అనుమతించాలి.
2. అంతర్జాతీయ లావాదేవీలు, ఆన్‌లైన్ ట్రాన్సాక్షన్లు, కార్డ్ నాట్ ప్రజంట్ ట్రాన్సాక్షన్లు, కాంటాక్ట్‌లెస్ ట్రాన్సాక్షన్లకు సంబంధించి కస్టమర్లు వారి కార్డుపై ప్రత్యేకమైన సర్వీసులను ఏర్పాటు చేసుకోవాలి.
3. డెబిట్ కార్డులను, క్రెడిట్ కార్డులను ఆన్‌లైన్ ట్రాన్సాక్షన్లకు ఉపయోగించకపోతే.. వాటిని రద్దు చేసే అవకాశం కార్డు జారీ చేసిన సంస్థలకు ఉంటుంది.
4. ప్రస్తుతం క్రెడిట్ కార్డు, డెబిట్ కార్డులు ఉపయోగిస్తున్న వారి విషయానికి వస్తే.. కార్డ్ జారీ చేసిన సంస్థలు రిస్క్ అంచనా ప్రాతిపదికన కార్డుపై ఇంటర్నేషనల్ ట్రాన్సాక్షనన్స్, కాంటాక్ట్‌లెస్ ట్రాన్సాక్షన్స్, కార్డ్ నాట్ ప్రజెంట్ ట్రాన్సాక్షన్లకు అనుమతించాలా? రద్దు చేయాలా? అని నిర్ణయం తీసుకునే అధికారం ఉంటుంది.
5. యూజర్లందరికీ 24x7 అంటే ఎప్పుడైనా కార్డు ఆన్, ఆఫ్ సేవలు అందుబాటులో ఉంటాయి. అలాగే ట్రాన్సాక్షన్ లిమిట్స్ కూడా ఎప్పుడైనా మార్చుకోవచ్చు.
6. డొమెస్టిక్, ఇంటర్నేషనల్, పీఓఎస్, ఏటీఎం, ఆన్‌లైన్, కాంటాక్ట్‌లెస్ ఇలా ఏ లావాదేవీలకైనాసరే ఈ ఆన్‌ ఆఫ్, లిమిట్ సెట్ చేసుకునే ఫెసిలిటీని బ్యాంకులు అందుబాటులో ఉంచాలి.
7. ప్రిపెయిడ్ గిఫ్ట్ కార్డ్స్ వంటి వాటికి కొత్త రూల్స్ తప్పనిసరి కాదు.
క్రెడిట్ కార్డు, డెబిట్ కార్డులకు సంబంధించి రిజర్వు బ్యాంక్ ప్రకటించిన కొత్త రూల్స్ 2020 మార్చి 16 నుంచి అమలులోకి వస్తాయి. ఆర్‌బీఐ పేమెంట్ అండ్ సెటిల్‌మెంట్ సిస్టమ్స్ యాక్ట్ 2007లోని సెక్షన్ 10 (2) కింద ఆర్‌బీఐ కొత్త ఆదేశాలు జారీ చేసింది.