లోన్ తీసుకుంటే వడ్డీ కూడా ఇస్తుంది!

Written by : smtv Desk | Thu, Aug 15, 2019, 12:43 PM

బ్యాంకులో రుణం తీసుకుంటే వడ్డీ కట్టాల్సిందే. మళ్ళీ రుణం తీసుకునే ప్రక్రియ కూడా అంత సులభం కాదు. ప్రతీ డాక్యుమెంటు సరిగ్గా ఉండాలి, క్రెడిట్ స్కోర్ బాగుండాలి. అన్నీ సక్రమంగా ఉన్నా కూడా లోన్ వస్తుందో లేదో తెలియదు. అయితే ఒక బ్యాంకు మాత్రం వడ్డీ లేకుండానే రుణం ఇస్తూ మీకే తిరిగి వడ్డీని అందిస్తోంది. డెన్మార్క్‌లోని మూడో అతిపెద్ద బ్యాంక్ జిస్కే బ్యాంక్ ఈ ఆఫర్ ప్రకటించింది. ఈ బ్యాంక్ 10 ఏళ్ల కాలపరిమితితో హోమ్ లోన్స్ తీసుకున్న వారికి 0.5 శాతం వడ్డీ రేటును తిరిగి చెల్లిస్తుంది. ఇకపోతే రుణం రూపంలో తీసుకున్న మొత్తాన్ని తిరిగి ప్రతి నెలా చెల్లించాల్సి ఉంటుంది. రుణానికి ఫీజులు, ఇతర చార్జీలు కూడా ఉంటాయి. అలాగే మరో Danish bank నార్డియా కూడా వడ్డీ రహిత (0 శాతం) రుణాలు ప్రకటించనుంది. 20 ఏళ్ల కాలపరిమితిగల గృహ రుణాలకు ఇది వర్తిస్తుంది. అలాగే 30 ఏళ్ల కాలపరిమితి హోమ్ లోన్స్‌కు నెగటివ్ ఇంట్రెస్ట్ రేటును ప్రకటించే అవకాశముంది. జర్మనీలో కన్సూమర్లు ఇప్పటికే నెగటివ్ ఇంట్రెస్ రేట్లతోనే పర్సనల్ లోన్ తీసుకుంటున్నారు. ఇకపోతే తక్కువ వడ్డీ రేట్ల వల్ల బ్యాంకులపై ప్రతికూల ప్రభావం పడే అవకాశముందని నిపుణులు హెచ్చరిస్తున్నారు. బ్యాంకుల లాభదాయకత దెబ్బతినొచ్చని పేర్కొంటున్నారు. దీంతో ఫైనాన్షియల్ మార్కెట్లపై నెగటివ్ ప్రభావం ఉంటుందని తెలిపారు. మరోవైపు డెన్మార్క్‌లో డిపాజిట్లపై వడ్డీ రేట్లు సున్నా స్థాయికి చేరుకున్నాయి. అంటే మీరు బ్యాంకులో డబ్బు డిపాజిట్ చేస్తే మీకు ఎలాంటి వడ్డీ రాదు. ఇప్పుడు బ్యాంకులు డిపాజిట్లపై నెగటివ్ రేట్లను అమలు చేయాలని భావిస్తున్నారు. అంటే మీరుబ్యాంకులో డిపాజిట్ చేస్తే ఆ బ్యాంకు మీరే తిరిగి వడ్డీ చెల్లించాలి.