ఓ భారీ విమానం వంతెన కింద ఇరుక్కుపోయింది. విమానం ఇరుక్కోవడం ఏంటని అనుకుంటున్నారా...? అవును ఈ వార్తా చదవండి మీకూ తెలుస్తుంది. చైనాలోని హర్బిన్లో ఓ విమానాన్ని రోడ్డు మార్గం మీదుగా విమానాశ్రయానికి తరలించారు. దాని విడి భాగాలను భారీ ట్రక్ మీదకు ఎక్కించి తీసుకెళ్తుండగా.. మార్గ మధ్యలో ఫుట్ ఓవర్ బ్రిడ్జి వచ్చింది. అయితే, డ్రైవర్ సరైన అంచనా వేసుకోకుండా ట్రక్ను ముందుకు పోనిచ్చాడు. దీంతో ఆ విమానం వంతెనలో చిక్కుకుంది.ఇప్పుడు దీన్ని ఎలా బయటకు తీయాలా అని విమానాయన సంస్థ అధికారులు తలలు పట్టుకుంటున్నారు. వంతెన తొలగించి దాన్ని బయటకు తీయడం అసాధ్యమని చెబుతున్నారు. అయితే, ట్రక్కు టైర్లలో గాలిని తగ్గించడం ద్వారా విమానాన్ని బయటకు తీయొచ్చని తెలుపుతున్నారు. టైర్లలో గాలి తగ్గగానే విమానానికి, వంతెనకు మధ్య ఖాళీ ఏర్పడుతుందని తెలుపుతున్నారు. ఈ వీడియో ఇప్పుడు సోషల్ మీడియాలో వైరల్గా మారింది. ఆ డ్రైవర్ తెలివి తక్కువ పనికి నెటిజనులు నవ్వుకుంటున్నారు. ఆ వీడియోను మీరూ చూడండి.