ప్రముఖ సినీ నటి శ్రియను లండన్ పోలీసులు పట్టుకున్నారని అనేక వార్తలొస్తున్నాయి. ప్రస్తుతం శ్రియ ‘సందకారి’ అనే సినిమాలో నటిస్తు్న్నారు. ఈ సినిమా షూటింగ్ లండన్లో జరుగుతోంది. అయితే అక్కడి ఎయిర్పోర్ట్లోని ఓ హై సెక్యూరిటీ ప్రాంతంలోకి శ్రియ అనుమతి లేకుండా వెళ్లడంతో పోలీసులు గన్ పాయింట్లో ఆమెను పట్టుకున్నారట. షూటింగ్ అక్కడే జరుగుతుండడంతో శ్రియ సరదాగా విహరిస్తుంటే పోలీసులు అదుపులోకి తీసుకున్నట్లు సమాచారం. విషయం తెలిసి సినిమాలో హీరోగా నటిస్తున్న విమల్తో పాటు యూనిట్ సభ్యులు పోలీసులతో మాట్లాడి వారికి షూటింగ్ డాక్యుమెంట్స్ చూపించాక పోలీసులు శ్రియను వదిలేశారట. అయితే ఈ విషయమై శ్రియ నుంచి కానీ యూనిట్ సభ్యుల నుంచి కానీ ఎలాంటి ప్రకటన రాలేదు. మలయాళంలో బ్లాక్ బస్టర్ విజయం అందుకున్న ‘మై బాస్’ సినిమాకు ‘సందకారి’ రీమేక్గా రాబోతోంది. 2020లో ఈ సినిమా విడుదల కాబోతోంది. పెళ్లి తర్వాత శ్రియ అసలు సినిమాల గురించే ఆలోచించడం మానేసినట్లున్నారు. తెలుగులో ఆమె నుంచి సినిమా వచ్చి చాలా రోజులు అవుతోంది. చివరిగా శ్రియ తెలుగులో బాలయ్యకు జోడీగా ‘గౌతమిపుత్ర శాతకర్ణి’ సినిమాలో నటించారు. అయితే శ్రియ పెళ్లి చేసుకోవడం వల్లే తెలుగులో సినిమా అవకాశాలు రావడంలేదని మరికొందరి వాదన.