క‌రోనా నివార‌ణ చ‌ర్యలు...డాక్టర్లకు అండగా యంగ్ హీరో నిఖిల్

Written by : smtv Desk | Sun, Mar 29, 2020, 01:11 PM

క‌రోనా మ‌హ‌మ్మారి రోజురోజుకి విజృంభిస్తోంది. ఈ భ‌యంక‌ర‌మైన వ్యాధి నివార‌ణ‌కు కేంద్ర ప్రభుత్వంతో పాటు రాష్ట్ర ప్రభుత్వాలు వివిధ ర‌కాల చ‌ర్యలు తీసుకుంటున్న సంగ‌తి తెలిసిందే. అలాగే, తెలుగు చిత్ర ప‌రిశ్రమలో ప్రముఖులు సైతం త‌మ వంతుగా ఆర్థిక స‌హ‌కారం అందిస్తున్నారు. ఈ నేప‌థ్యంలో క‌రోనా నివార‌ణ చ‌ర్యల‌కు యంగ్ హీరో నిఖిల్ ముందుకొచ్చారు. క‌రోనాని అరిక‌ట్టేందుకు ముందు వ‌ర‌స‌లో ఉండి ప్రాణాలకు తెగించి పనిచేస్తోన్న డాక్టర్స్‌, మెడిక‌ల్ సిబ్బందికి చేయూత‌గా వారి ర‌క్షణ‌కి ప‌ర్సన‌ల్ ప్రొట‌క్షన్స్ కిట్స్ భారీగా అందించారు. 2000 ఎన్ 95 రెస్పిరేట‌ర్లు, 2000 రీ-యూజ‌బుల్ గ్లోవ్స్, 2000 ఐ-ప్రొట‌క్షన్ గ్లాసులు, శానిటైజ‌ర్లు, 10000 ఫేస్ మాస్కులు.. ఈ కిట్స్ అన్నింటినీ గాంధీ ఆసుపత్రిలో ఉన్న హెల్త్ డిపార్టెంట్ అధికారుల‌కి స్వయంగా నిఖిల్ తీసుకెళ్లి అంద‌జేశారు. ఈ సంద‌ర్భంగా నిఖిల్ మాట్లాడుతూ.. ‘‘క‌రోనా నివార‌ణ మ‌నంద‌రికీ ఎంత ముఖ్యమో, డాక్టర్లును సైతం ఆ క‌రోనా భారిన ప‌డ‌కుండా, వారికి శ్రమ క‌ల‌గ‌కుండా చూసుకోవ‌డం కూడా అంతే ముఖ్యం. డాక్టర్లతో పాటు మిగిలిన హెల్త్ డిపార్ట్‌మెంట్ అధికారులు, పోలీస్ సిబ్బంది, మున్సిప‌ల్ కార్మికులు, అధికారులు మనంద‌రి కోసం ఎలాంటి ప్రమాదాన్ని లెక్క చేయ‌కుండా క‌ష్టప‌డుతున్నారు. అందుకు నేను కృత‌జ్ఞత‌గా ఈ ప‌ర్సన‌ల్ ప్రొట‌క్షన్ కిట్స్ అందిస్తున్నాను. క‌రోనా నివార‌ణ జ‌ర‌గాలంటే మ‌నంద‌రం ఇంటిలోనే ఉంటూ ఆరోగ్య ప‌ర‌మైన జాగ్రత్తలు తీసుకోవాలి. ఈ 21 రోజుల లాక్‌డౌన్‌కి మ‌నంద‌రం స‌హ‌క‌రించాలి’’ అని అన్నారు.

Inspired by our CM’s #KCR garu @ysjagan Anna nd @KTRTRS bhai
I’m doing my bit by Contributing
2000 Respirators (n95/Fp2),
2000 Reusable Gloves,
2000 Eye Protection Glasses, sanitizers nd
10,000 Face Masks 2 the HEALTH WORKERS amp; Doctors Fighting 4 us across hospitals in AP amp; TG pic.twitter.com/c90Fwdbyh5
mdash; Nikhil Siddhartha (@actor_Nikhil) March 28, 2020

.@actor_Nikhil Donated (PPE) Equipment To Chief Superintendent Dr.Sravan at #Covid19 Isolation Center.#CoronaVirus #StayHomeStaySafe #BreakTheChain pic.twitter.com/W3IwgSMlmx
mdash; Vamsi Kaka (@vamsikaka) March 28, 2020