కొత్త గోల్డ్ లోన్ స్కీమ్...తక్కువ వడ్డీకే రుణాలు!

Written by : smtv Desk | Tue, May 26, 2020, 12:20 PM

డబ్బుతో అవసరం పడిందా? చేతిలో మనీ లేదా? పర్సనల్ లోన్ కూడా దొరకడం లేదా? అయితే మీకు ఒక ఆప్షన్ అందుబాటులో ఉంది. అదే గోల్డ్. ఇంట్లో బంగారాన్ని తీసుకెళ్లి బ్యాంకులో పెట్టి లోన్ తీసుకోవచ్చు. ఇలా మీరు గోల్డ్ లోన్ తీసుకోవాలని భావిస్తే.. మీ కోసం కెనరా బ్యాంక్ కొత్త గోల్డ్ లోన్ స్కీమ్‌ను అందుబాటులోకి తీసుకువచ్చింది. కెనరా బ్యాంక్ గోల్డ్ లోన్‌ను సులభంగానే పొందొచ్చు. త్వరితగతిన రుణం వస్తుంది. వడ్డీ రేట్లు కూడా తక్కువగానే ఉన్నాయి. బంగారంపై తీసుకున్న రుణాన్ని మీ అవసరాలకు వినియోగించుకోవచ్చు. జూన్ 30 వరకు ఈ గోల్డ్ లోన్ స్కీమ్ అందుబాటులో ఉంటుంది. కెనరా బ్యాంక్ జనరల్ మేనేజర్ డి.విజయ్ కుమార్ మాట్లాడుతూ.. కోవిడ్ 19 వల్ల కస్టమర్లకు ఎదుర్కొంటున్న ప్రతికూల పరిస్థితులపై తమకు అవగాహన ఉందన్నారు. ఎమర్జెన్సీ అవసరాల కోసం తక్షనం డబ్బు అవసరం కలిగి ఉంటారని తెలిపారు. అందుకే కొత్త గోల్డ్ లోన్ స్కీమ్ తీసుకువచ్చామని తెలిపారు.

గోల్డ్ లోన్‌పై సంవత్సరానికి 7.85 శాతం వడ్డీ పడుతుంది. దేశవ్యాప్తంగా ఉన్న కెనరా బ్యాంక్ బ్రాంచులకు వెళ్లి గోల్డ్ లోన్ కోసం అప్లై చేసుకోవచ్చు. తీసుకున్న రుణాన్ని ఏడాది నుంచి మూడేళ్లలోపు తిరిగి చెల్లించాల్సి ఉంటుంది. ఇకపోతే సిండికేట్ బ్యాంక్‌.. కెనరా బ్యాంక్‌తో విలీనమైంది. దీంతో ఇప్పుడు ఈ బ్యాంక్ దేశంలో నాలుగో అతిపెద్ద బ్యాంక్‌గా కొనసాగుతోంది.