చాహల్ పై రోహిత్ శర్మ ఫన్నీ వీడియో పోస్ట్...వైరల్

Written by : smtv Desk | Tue, May 26, 2020, 05:36 PM

భార‌త వైట్‌బాల్ క్రికెట్ వైస్ కెప్టెన్ రోహిత్ శ‌ర్మ‌కు హ‌స్య చ‌తురత ఎక్కువ‌న్న సంగ‌తి తెలిసిందే. స‌హ‌చ‌ర క్రికెట‌ర్ య‌జ్వేంద్ర చాహ‌ల్‌తో క‌లిసి సోష‌ల్ మీడియా వేదికగా త‌ను సంద‌డి చేయ‌డం రివాజు. తాజాగా చాహల్‌ను ఉద్దేశించి ఒక వీడియోను హిట్‌మ్యాన్ పొస్తు చేశాడు. లాక్‌డౌన్ వేళ ఫిట్‌గా ఉండేందుకుగాను వ్యాయామం చేస్తున్న వీడియోను షేర్ చేసిన రోహిత్ అందులో గెంతుతూ క‌న్పించాడు. ఫీల్డింగ్ చేసేట‌ప్పుడు చాహ‌ల్ కూడా ఇలాగే గెంతుతాడ‌ని ట్రోల్ చేశాడు. అత‌నో బ‌చ్చా అని వ్యాఖ్యానించాడు. దీనిపై భార‌త సీనియ‌ర్ స్పిన్న‌ర్ హ‌ర్భ‌జ‌న్ సింగ్‌, ద‌క్షిణాఫ్రికా మాజీ ప్లేయ‌ర్ హెర్షెల్ గిబ్స్ స్పంద‌న‌ను వ్య‌క్తం చేశారు. ఇక క‌రోనా కార‌ణంగా మ్యాచ్‌ల‌ను ఖాళీ స్టేడియాల్లో నిర్వ‌హించే అవ‌కాశ‌ముంటుందని ఇటీవ‌ల ప‌లు బోర్డులు యోచిస్తున్న సంగ‌తి తెలిసిందే. ఇలా ఆడితే ఫ్యాన్స్‌ను ప్లేయ‌ర్లు చాలా మిస్స‌వుతార‌ని రోహిత్ అభిప్రాయ‌ప‌డ్డాడు. ఇక‌, లాక్‌డౌన్ కార‌ణంగా భార‌త ఆట‌గాళ్ల‌ను చాలా మిస్స‌వుతున్న‌ట్లు రోహిత్ తెలిపాడు. ఏడాదిలో దాదాపు మూడు వంద‌ల రోజులు క‌లిసే క్రికెట్ ఆడ‌తామ‌ని, ఈ నేప‌థ్యంలో వారికి ఇంత‌కాలం దూరంగా ఉండ‌టంతో చాలా బాధ‌గా ఉంద‌ని పేర్కొన్నాడు. ఇక లాక్‌డౌన్‌ల‌లో స‌డ‌లింపులు విధిస్తుండ‌టంతో క్రికెట్ కార్య‌క‌లాపాలను మ‌ళ్లీ ప‌ట్టాల‌కెక్కించ‌డానికి అన్ని బోర్డులు ప్ర‌య‌త్నాలు చేస్తున్న సంగ‌తి తెలిసిందే. ఇప్ప‌టికే ఈసీబీ ఆట‌గాళ్ల‌కు ట్రైనింగ్ ప్రారంభించ‌గా.. ఐసోలేష‌న్ క్యాంపు నిర్వ‌హించేందుకు బీసీసీఐ స‌న్నాహ‌కాలు చేస్తోంది.