రియల్ మీ నుంచి మరో బడ్జెట్ ఫోన్ 'సీ11' లాంచ్

Written by : smtv Desk | Wed, Jul 01, 2020, 09:34 PM

రియల్ మీ సీ11 స్మార్ట్ ఫోన్ లాంచ్ అయింది. మీడియాటెక్ హీలియో జీ35 ప్రాసెసర్ ను ఇందులో అందించారు. ఒక్కసారి చార్జ్ చేస్తే 40 గంటల వరకు స్టాండ్ బై టైం లభిస్తుందని కంపెనీ తెలిపింది. ఈ రియల్ మీ సీ11 స్మార్ట్ ఫోన్ బడ్జెట్ విభాగంలో లాంచ్ అయింది. ఇందులో వెనకవైపు రెండు కెమెరాల సెటప్ అందుబాటులో ఉంది. 5000 ఎంఏహెచ్ బ్యాటరీని ఇందులో అందించారు. ఇందులో రివర్స్ చార్జింగ్ ఫీచర్ కూడా అందుబాటులో ఉంది.
ఈ స్మార్ట్ ఫోన్ మొదటగా మలేషియాలో లాంచ్ అయింది. దీని ధరను ఇక్కడ 429 మలేషియా రింగెట్లుగా(సుమారు రూ.7,600) నిర్ణయించారు. 2 జీబీ ర్యామ్ + 32 జీబీ స్టోరేజ్ వేరియంట్ మాత్రమే ఇందులో అందుబాటులో ఉంది. మింట్ గ్రీన్, పెప్పర్ గ్రే రంగుల్లో ఈ ఫోన్ లాంచ్ అయింది. ప్రస్తుతానికి మలేషియాలో మాత్రమే ఈ ఫోన్ అందుబాటులో ఉంది. మిగతా దేశాల్లో ఎప్పుడు లాంచ్ అవుతుందో సమాచారం లేదు.

ఇక స్పెసిఫికేషన్ల విషయానికి వస్తే.. ఇందులో 6.5 అంగుళాల హెచ్ డీ+ డిస్ ప్లేను అందించారు. దీని యాస్పెక్ట్ రేషియో 20:9గా ఉంది. స్క్రీన్ టు బాడీ రేషియో 88.7 శాతంగా ఉంది. మీడియాటెక్ హీలియో జీ35 ప్రాసెసర్ పై ఈ ఫోన్ పని చేయనుంది. 2 జీబీ ర్యామ్ ఇందులో అందుబాటులో ఉంది.ఇందులో వెనకవైపు రెండు కెమెరాలు అందుబాటులో ఉన్నాయి. 13 మెగా పిక్సెల్, 2 మెగా పిక్సెల్ సామర్థ్యమున్న రెండు కెమెరాలు ఇందులో అందుబాటులో ఉన్నాయి. సెల్ఫీల కోసం ముందువైపు 5 మెగా పిక్సెల్ కెమెరాను అందించారు. దీని బ్యాటరీ సామర్థ్యం 5000 ఎంఏహెచ్ గా ఉంది.
ఈ స్మార్ట్ ఫోన్ లో 32 జీబీ స్టోరేజ్ ను అందించారు. దీన్ని మైక్రో ఎస్ డీ కార్డు ద్వారా పెంచుకునే అవకాశం ఉంది. 4జీ ఎల్టీఈ, వైఫై, బ్లూటూత్, జీపీఎస్/ఏ-జీపీఎస్, మైక్రో యూఎస్ బీ, 3.5 ఎంఎం హెడ్ ఫోన్ జాక్ ఫీచర్లు కూడా ఇందులో ఉన్నాయి. దీని బరువు 196 గ్రాములుగా ఉంది.