RRR: తారక్ టీజర్‌ ముహూర్తం ఫిక్స్!

Written by : smtv Desk | Mon, Sep 21, 2020, 12:01 PM

మెగా, నందమూరి అభిమానులను హుషారెత్తించేలా రాజమౌళి భారీ ఎత్తున RRR మూవీ రూపొందిస్తున్న సంగతి తెలిసిందే. డీవీవీ దానయ్య నిర్మాణంలో 400 కోట్ల భారీ బడ్జెట్ కేటాయించి ఈ మూవీ తెరకెక్కిస్తున్నారు. పీరియాడికల్ బ్యాక్‌డ్రాప్ మూవీగా ప్రేక్షకుల ముందుకు రాబోతున్న ఈ మూవీ కోసం సరికొత్త ప్లాన్స్ చేస్తున్నారు రాజమౌళి. ఎంత ఆలస్యమైనా అవుట్‌ఫుట్ విషయంలో కాంప్రమైజ్ కావడం లేదు. ఈ నేపథ్యంలోనే అతిత్వరలో ఎన్టీఆర్ ఫ్యాన్స్‌ని ఖుషీ చేసేలా ఓ ఆసక్తికర అప్‌డేట్ ఇవ్వబోతున్నారట జక్కన్న. ఇందుకోసం పక్కాగా ప్లాన్ చేశారని తెలుస్తోంది.

ఈ చిత్రంలో ఆలియా భట్, ఒలీవియా మోరిస్ హీరోయిన్లుగా నటిస్తుండగా.. అజయ్ దేవగన్, శ్రియ కీలకపాత్రలు పోషిస్తున్నారు. కొమురం భీంగా ఎన్టీఆర్, అల్లూరి సీతారామరాజుగా రామ్ చరణ్ చరిత్రలో నిలిచిపోయే పాత్రలు చేస్తున్నారు. అయితే ఇప్పటికే రామ్ చరణ్ పాత్రకు సంబంధించిన టీజర్ విడుదల చేసి మెగా అభిమానుల్లో జోష్ నింపిన రాజమౌళి.. లాక్‌డౌన్ కారణంగా షూటింగ్స్ వాయిదా పడటంతో నందమూరి అభిమానులకు స్పెషల్ కిక్కివ్వలేకపోయారు. అయితే మరికొద్ది రోజుల్లో షూటింగ్ ప్రారంభించాలని చూస్తున్న ఆయన, ఈ విషయమై కీలక నిర్ణయం తీసుకున్నట్లు సమాచారం.

ఎన్ఠీఆర్ పుట్టినరోజుకు RRR (రౌద్రం రణం రుధిరం) నుంచి ఆయన పాత్రకు సంబంధించిన టీజర్ వస్తుందని ఆశించిన అభిమానులకు నిరాశే మిగిలింది. అప్పటికే దేశంలో లాక్‌డౌన్ అమలులో ఉండటంతో అది సాధ్యం కాలేదని ప్రకటించిన జక్కన్న.. ప్రస్తుతం ఆ టీజర్ ముహూర్తం ఫిక్స్ చేసే పనిలో పడ్డారట. నందమూరి ఫ్యాన్స్ హుషారెత్తిపోయేలా కొమురం భీం టీజర్ రెడీ చేపిస్తున్నారట. మరో రెండు మూడు రోజుల్లోనే ఈ టీజర్ రిలీజ్ డేట్ ప్రకటించనున్నారని టాక్. సో.. ఇంకేంటి మరి గెట్ రెడీ ఎన్టీఆర్ ఫ్యాన్స్. సోషల్ మీడియా షేక్ కావాల్సిందే ఇక!.