కరోనా వస్తే ఇంట్లోనే ట్రీట్‌మెంట్ చేసుకోవచ్చా?

కొవిడ్-19 స్ప్రెడ్ అవ్వకుండా ఉండాలంటే ఒకటే మార్గం, ఇంట్లోనే ఉండాలి. శుభ్రంగా ఉండాలి. ఇంటి శుభ్రత ఇప్పుడు బాగా ప్రాముఖ్యంలోకి వచ్చింది. చాలా మందికి వైరస్ సోకినా వారికి మైల్డ్ నుండి మోడరేట్ సింప్టంస్ ఉన్నాయి. వారు స్పెషల్ ట్రీట్మెంట్స్ అవసరం ఏమీ లేకుండా సక్సెస్ఫుల్ గా రికవర్ అయ్యారు. ఈ కొవిడ్-19 కి కారణం అయ్యే వైరస్ ఇన్‌ఫెక్షన్ ఉన్న వ్యక్తి దగ్గినా, తుమ్మినా, ఊపిరి వదిలినా గాలి లో కలుస్తుంది. ఇది గాలిలో ఉండలేదు. వెంటనే నేల మీదకి, ఇతర సర్ఫేసెస్ మీదకీ జారిపోతుంది. ఈ ఇన్‌ఫెక్షన్ ఉన్న వ్యక్తికి దగ్గరగా ఉన్నా, వైరస్ ఉన్న సర్ఫేస్ ని తాకి ఆ చేత్తో కళ్ళు, ముక్కు, నోటిని తాకినా వైరస్ ప్రవేశిస్తుంది. సెల్ఫ్-క్వారంటైన్ యొక్క లక్ష్యం ఏమిటంటే వైరస్ స్ప్రెడ్ అవ్వకుండా ఉండటమే.




సెల్ఫ్-క్వారంటైన్..

ఇన్‌ఫెక్షన్ సోకిన వ్యక్తుల వల్ల మరొకరికి కూడా సోకే రిస్క్ ఉన్నందు వల్ల ఈ వైరస్ సోకిన వారు సెల్ఫ్-క్వారంటైన్ లో ఉండడం వల్ల ఈ వైరస్ స్ప్రెడ్ ని కంటెయిన్ చేయవచ్చు. కొవిడ్-19 ఉన్న వారికి దగ్గరగా మసిలిన వారికి సింప్టంస్ లేకపోయినా కూడా క్వారంటైన్ లో ఉండడం అవసరం. సెల్ఫ్-క్వారంటైన్ లో ఈ సింప్టంస్ ఉన్నాయో లేదో గమనించుకుంటూ ఉండండి.

1. చలి తో కూడిన జ్వరం
2. గొంతు నొప్పి, దురద
3. తల నొప్పి
4. ఊపిరి తీసుకోవడం లో ఇబ్బంది
5. ఒళ్ళు నొప్పులు
6. రుచి, వాసన తెలియకపోవడం
7. ఛెస్ట్ పెయిన్
8. రాషెస్
9. వికారం


10. వాంతులు, లేదా డయేరియా





ఒకవేళ మీకు కొవిడ్-19 సోకి ఉంటే మీ డాక్టర్ మిమ్మల్ని మీ ఇంట్లోనే ఐసొలేషన్ లో ఉండమని కోరవచ్చు. కేసులు పెరుగుతున్నప్పుడు అత్యవసరమైతే తప్ప హాస్పిటల్ లొ ఎడ్మిట్ అవ్వడం కంటే ఇంట్లోనే ఐసొలేషన్ లో ఉండడం మంచిది. ఇలాంటప్పుడు మీరేం చేయాలి?

1. ఇంట్లోనే ఉండండి.
2. సింప్టంస్ లేకపోయినా సరే బయటకి రాకండి.
3. ఇంట్లో ఉన్న మిగిలిన కుటుంబ సభ్యుల నుండి ఐసొలేట్ అవ్వండి. వృద్ధులు, పసిపిల్లల వద్ద మరీ జాగ్రత్తగా ఉండాలి.
4. కుదిరితే, వేరే టాయిలెట్ వాడుకోండి.
5. డాక్టర్ అపాయింట్మెంట్స్ ముందే బుక్ చేసుకోండి.
6. చేతులు శుభ్రంగా కడుక్కుంటూ ఉండండి.
7. మూడు లేయర్లు ఉన్న మెడికల్ మాస్క్ ని ఎల్లప్పుడు ధరించండి.
8. ప్రతి ఎనిమిది గంటలకీ మాస్క్ మార్చండి. ఈ లోపే మాస్క్ తడిసినా, సాయిల్ అయినట్లు అనిపించినా వెంటనే మార్చేయండి.
9. తుమ్ము, దగ్గు వచ్చినప్పుడు చేతితో నోరు కవర్ చేసుకోండి.
10. మీ ఇంటిని రెగ్యులర్ గా క్లీన్ చేసి, డిసింఫెక్ట్ చేయించండి.
11. మీరు విడిచిన బట్టలని వేడి నీటిలో ఉతకండి.
12. మీరు వాడిన మాస్క్ ని ఒక శాతం సోడియం హైపో క్లోరైట్ సొల్యూషన్ తో డిసింఫెక్ట్ చేశాకే పారేయండి.




మీరు ఏం చేయకూడదో ఇప్పుడు చూద్దాం.

1. మిమ్మల్ని మీరే ట్రీట్ చేసుకోకండి.
2. పబ్లిక్ ఏరియాస్ ని ఎవాయిడ్ చేయండి.
3. కుదిరినంత వరకూ ఇంకొకరితో స్పేస్ షేర్ చేసుకోకండి.
4. విజిటర్స్ ని లోపలికి రానివ్వకండి.
5. మీరు వాడిన వస్తువులని ఇతర కుటుంబ సభ్యులతో షేర్ చేసుకోకండి.
6. అత్యవసరమైతే తప్ప, ఎపాయింట్మెంట్ లేకుండా హాస్పిటల్ కి వెళ్ళకండి.
7. ఇంటి బయట ఎక్సర్సైజెస్, వర్కౌట్స్ చేయకండి.
8. మెడికల్ క్లియరెన్స్ లేకుండా క్వారంటైన్ ని బ్రేక్ చేయకండి.
9. మీ డాక్టర్ ఇచ్చిన సూచనలను పాటించండి.