పెన్షన్ పొందే వారికి అలర్ట్, ఈ పని చెయ్యకపోతే పెన్షన్ నిలిపివేత

Written by : smtv Desk | Tue, Oct 20, 2020, 05:49 PM

పెన్షన్ తీసుకునే వారు కచ్చితంగా ఒక విషయాన్ని గుర్తు పెట్టుకోవాలి. కచ్చితంగా ప్రతి సంవత్సరం లైఫ్ సర్టిఫికెట్ అందించాలి. కరోనా వైరస్ కారణంగా కేంద్ర ప్రభుత్వం లైఫ్ సర్టిఫికెట్ సబ్‌మిట్ గడువును పొడిగిస్తూ నిర్ణయం తీసుకుంది. 2020 ఏడాదికి ఇది వర్తిస్తుంది. పెన్షన్ తీసుకుంటున్న వారు నవంబర్ 1 నుంచి డిసెంబర్ 31లోపు కచ్చితంగా లైఫ్ సర్టిఫికెట్‌ను సమర్పించాలి. ఎవరైతే లైఫ్ సర్టిఫికెట్‌ను సమర్పించకపోతే వారికి పెన్షన్ ఆగిపోతుందని కేంద్ర ప్రభుత్వం తెలిపింది. పెన్షన్ తీసుకునే వారు జీవించి ఉన్నారని తెలియజేయడానికి లైఫ్ సర్టిఫికెట్ ఉపయోగపడుతుంది. అయితే 80 ఏళ్లు లేదా ఆపైన వయసు కలిగిన వారు మాత్రం లైఫ్ సర్టిఫికెట్‌ను అక్టోబర్ 1 నుంచే సమర్పించొచ్చు. డిసెంబర్ 31లోపు వారి జీవన్ ప్రమాణ్ పత్రాన్ని అందించాలి. పెన్షన్ తీసుకునే వారు ప్రతి సంవత్సరం లైఫ్ సర్టిఫికెట్‌ను బ్యాంకుకు అందించాలి. ఇవ్వకపోతే మాత్రం పెన్షన్ ఆగిపోతుంది. లైఫ్ సర్టిఫికెట్‌ను ఆన్‌లైన్‌లో లేదంటే బ్యాంక్ బ్రాంచుకు వెళ్లి సమర్పించొచ్చు. ఆన్‌లైన్‌లో సమర్పించాలని భావిస్తే జీవన్ ప్రమాణ్ వెబ్‌సైట్‌కు వెళ్లి పని పూర్తి చేసుకోవచ్చు. దీనికి ఆధార్ నెంబర్, మొబైల్ నెంబర్, పెన్షన్ పేమెంట్ ఆర్డర్ PPO నెంబర్, అకౌంట్ నెంబర్ ఉండాలి.