‘‘మంచి చేసేవాడు హీరో, చెడు చేసేవాడు విలన్ అయితే రెండూ చేసేవాడు హీరోనా? విలనా?’’.. ‘కె.జి.యఫ్’ శకం ముగిసే సరికి రాకీ భాయ్ హీరో అవుతాడా? విలన్ అవుతాడా? ఈ ప్రశ్నలకు త్వరలోనే సమాధానం దొరకబోతోంది. ‘కె.జి.యఫ్’ శకం ఎలా ముగియబోతోందో రుచి చూపించడానికి ముహూర్తం ఖరారైంది. జనవరి 8న ‘కె.జి.యఫ్ చాప్టర్ 2’ టీజర్ వచ్చేస్తుంది. ఈ మేరకు చిత్ర నిర్మాణ సంస్థ హోంబలే ఫిలింస్ సోమవారం ప్రకటించింది.
కన్నడ రాక్ స్టార్ యశ్ హీరోగా ప్రశాంత్ నీల్ దర్శకత్వంలో వచ్చిన ‘కె.జి.యఫ్ చాప్టర్ 1’ పాన్ ఇండియా స్థాయిలో బ్లాక్ బస్టర్ హిట్ కొట్టింది. దీనికి కొనసాగింపుగా వస్తోన్న ‘కె.జి.యఫ్ చాప్టర్ 2’పై ప్రేక్షకుల్లో భారీ అంచనాలున్నాయి. ఆ అంచనాలకు ఏ మాత్రం తగ్గకుండా భారీగా ఈ చిత్రాన్ని నిర్మిస్తున్నారు. ఇప్పటికే షూటింగ్ పూర్తిచేసుకున్న ఈ సినిమా ప్రస్తుతం నిర్మాణాంతర కార్యక్రమాలు జరుపుకుంటోంది. వేసవిలో ఈ చిత్రం ప్రేక్షకుల ముందుకు వచ్చే అవకాశం ఉంది.
అయితే, ఈ సినిమా టీజర్ను జనవరి 8న ఉదయం 10:18 గంటలకు విడుదల చేయనున్నారు. దీని కోసం కొత్త తరహా ప్రచారానికి శ్రీకారం చుట్టుంది ‘కె.జి.యఫ్’ యూనిట్. ఈరోజు (జనవరి 4) నుంచి 10వ తేదీ వరకు కె.జి.యఫ్ టైమ్స్ స్పెషల్ ఎడిషన్ న్యూస్ పేపర్ను చిత్ర నిర్మాణ సంస్థ విడుదల చేస్తోంది. ఈ న్యూస్ పేపర్ ద్వారా కె.జి.యఫ్ శకాన్ని పునరుద్ధరించనుంది. జరిగిపోయిన కథను ఈ న్యూస్ పేపర్ ద్వారా ప్రేక్షకులకు గుర్తు చేయనున్నారు. సోమవారం తొలి సంచికను విడుదల చేశారు. ఈ ఎడిషన్ చాలా ఆసక్తికరంగా ఉంది.
కాగా, ఈ చిత్రంలో బాలీవుడ్ ప్రముఖ నటుడు సంజయ్ దత్ విలన్గా నటించారు. రవీనా టాండన్ కీలక పాత్ర పోషించారు. శ్రీనిధి శెట్టి హీరోయిన్. రవి బర్సూర్ సంగీతం సమకూరుస్తున్నారు. భువన గౌడ సినిమాటోగ్రఫీ అందించారు. హోంబలే ఫిలింస్ బ్యానర్పై విజయ్ కిరగందూర్ ఈ చిత్రాన్ని నిర్మిస్తున్నారు. తెలుగులో వారాహి చలనచిత్రం బ్యానర్పై సాయి కొర్రపాటి విడుదల చేస్తున్నారు.
Reliving the Era of KGF#KGFTIMES#KGFChapter2TeaserOnJan8 at 10:18am on @hombalefilms YT Channel.@VKiragandur @TheNameIsYash @prashanth_neel@duttsanjay @TandonRaveena @SrinidhiShetty7 @BasrurRavi @bhuvangowda84 @excelmovies @AAFilmsIndia @VaaraahiCC @KRG_Connects @SillyMonks pic.twitter.com/WWS5QS0QUo
mdash; Hombale Films (@hombalefilms) January 4, 2021