‘ట‌క్ జ‌గ‌దీష్’ డ‌బ్బింగ్ షురూ

Written by : smtv Desk | Mon, Jan 04, 2021, 07:46 PM

నేచుర‌ల్ స్టార్ నాని హీరోగా శివ నిర్వాణ ద‌ర్శక‌త్వంలో తెర‌కెక్కుతోన్న మూవీ ‘ట‌క్ జ‌గ‌దీష్’. నాని కెరీర్‌లో 26వ చిత్రంగా రూపొందుతున్న ఈ మూవీని షైన్ స్క్రీన్స్ బ్యాన‌ర్‌పై సాహు గార‌పాటి, హ‌రీష్ పెద్ది నిర్మిస్తున్నారు. రీతు వ‌ర్మ, ఐశ్వర్యా రాజేష్ హీరోయిన్లుగా న‌టించారు. క్రిస్మస్ సంద‌ర్భంగా విడుదల చేసిన ‘ట‌క్ జ‌గ‌దీష్’ ఫ‌స్ట్‌ లుక్‌‌కి మంచి స్పందన వ‌చ్చింది. కాగా, ఈ మూవీ డ‌బ్బింగ్ కార్యక్రమాలు ఈ రోజు (జ‌న‌వ‌రి 4) నుండి ప్రారంభ‌మయ్యాయి. ఈ సినిమాను స‌మ్మర్ స్పెష‌ల్‌గా ఏప్రిల్‌లో విడుద‌ల చేయ‌నున్నారు.

‘నిన్నుకోరి’ వంటి హిట్ మూవీ త‌ర్వాత నాని, శివ నిర్వాణ కాంబినేష‌న్‌లో వ‌స్తోన్న సినిమా కావ‌డంతో ‘ట‌క్ జ‌గ‌దీష్‌’పై అంచ‌నాలు భారీగా ఉన్నాయి. ప్రస్తుతం మంచి ఫామ్‌లో ఉన్న ఎస్. తమన్ ఈ చిత్రానికి సంగీతం సమకూరుస్తున్నారు. ప్రసాద్ మూరెళ్ల సినిమాటోగ్రఫీ అందించారు. ప్రవీణ్ పూడి ఎడిటర్. అలాగే ఈ చిత్రంలో జ‌గ‌ప‌తిబాబు, న‌రేష్‌, రావు ర‌మేష్‌, రోహిణి, నాజ‌ర్‌, డానియ‌ల్ బాలాజీ, తిరువీర్, దేవ‌ద‌ర్శిని, ప్రవీణ్ ఇతర ముఖ్య పాత్రల్లో నటించారు.
ఈ సినిమాను షూటింగ్‌ను ఇటీవల పూర్తిచేసిన నాని.. ప్రస్తుతం ‘శ్యామ్ సింగ రాయ్’ చిత్రీకరణలో పాల్గొంటున్నారు. యంగ్ డైరెక్టర్ రాహుల్ సంకృత్యాన్ రూపొందిస్తోన్న ఈ చిత్రంలో సాయిప‌ల్లవి, కృతిశెట్టి, మ‌డోన్నా సెబాస్టియ‌న్ హీరోయిన్లుగా న‌టిస్తున్నారు. నిహారిక ఎంట‌ర్‌టైన్‌మెంట్ బ్యాన‌ర్‌పై వెంక‌ట్ ఎస్‌. బోయ‌న‌ప‌ల్లి ఈ చిత్రాన్ని నిర్మిస్తున్నారు. మిక్కీ జే మేయర్ సంగీతం సమకూరుస్తున్నారు. ఇప్పటివ‌ర‌కూ చేయ‌ని అత్యంత ఆస‌క్తిక‌ర పాత్రను నాని ఈ చిత్రంలో పోషిస్తున్నారని చిత్ర యూనిట్ చెబుతోంది.