పోస్టాఫీస్‌లో అదిరిపోయే స్కీమ్...సులభంగా రూ.4 లక్షలు

Written by : smtv Desk | Tue, Jan 05, 2021, 02:05 PM

పోస్టాఫీస్ ఎన్నో రకాల సేవలు అందిస్తోంది. వీటిల్లో స్మాల్ సేవింగ్ స్కీమ్స్ కూడా ఒక భాగమని చెప్పుకోవచ్చు. ప్రజలు వీటిల్లో డబ్బులు దాచుకోవడం వల్ల మంచి రాబడి పొందొచ్చు. ఎలాంటి రిస్క్ ఉండదు. మీ డబ్బులు సురక్షితంగా ఉంటాయి. రిస్క్‌తోరాబడి ఉంటుంది.

అందుకే చాలా మంది పోస్టాఫీసుల్లో డబ్బులు దాచుకుంటూ ఉంటారు. వీటిల్లో పోస్టాఫీస్ ఫిక్స్‌డ్ డిపాజిట్ FD స్కీమ్ కూడా ఒకటి. బ్యాంక్ ఫిక్స్‌డ్ డిపాజిట్ల కన్నా పోస్టాఫీస్ ఎఫ్‌డీలు సురక్షితమని చెప్పుకోవచ్చు. వీటికి కేంద్ర ప్రభుత్వపు గ్యారంటీ ఉంటుంది.

ఏడాది, రెండేళ్లు, మూడేళ్లు, ఐదేళ్లు ఇలా మీకు నచ్చిన కాల పరిమితిలో మీరు పోస్టాఫీస్ ఫిక్స్‌డ్ డిపాజిట్‌లో డబ్బులు దాచుకోవచ్చు. ఒక్క అకౌంట్‌లో ఒక్కసారి మాత్రమే డిపాజిట్ చేయగలం. అలాగే ఒక వ్యక్తి ఎన్ని ఎఫ్‌డీ అకౌంట్లనైనా ఓపెన్ చేయొచ్చు.

మీరు పోస్టాఫీస్‌లో ఎఫ్‌డీ చేస్తే 5.5 శాతం నుంచి 6.7 శాతం వరకు వడ్డీ పొందొచ్చు. రూ.1000 నుంచి డిపాజిట్ చేయొచ్చు. గరిష్ట పరిమితి అంటూ ఏమీ లేదు. మీరు ఎంత డబ్బు అయినా డిపాజిట్ చేసుకోవచ్చు. మీరు ఇన్వెస్ట్ చేసే డబ్బు ప్రాతిపదికన మీకు వచ్చే రాబడి కూడా మారుతుంది.

ఉదాహరణకు మీరు రూ.10 లక్షలు పోస్టాఫీస్ టర్మ్ డిపాజిట్‌లో ఇన్వెస్ట్ చేశారు. ఐదేళ్ల కాల పరిమితి కలిగిన ఎఫ్‌డీ స్కీమ్‌ను ఎంచుకున్నారు. ఇప్పుడు మీకు మెచ్యూరిటీ సమయంలో రూ.13.8 లక్షలు వస్తాయి. అంటే ఐదేళ్లలో వడ్డీ రూపంలో మీకు రూ.3.8 లక్షలు వచ్చినట్లు అవుతుంది.