కొత్త సేవలు....ఇంట్లో నుంచే బ్యాంక్ ఖాతా ఓపెనింగ్

Written by : smtv Desk | Wed, Jan 06, 2021, 01:38 PM

బ్యాంక్ అకౌంట్ తెరవాలని యోచిస్తున్నారా? అయితే మీకు శుభవార్త. ఐడీబీఐ బ్యాంక్ సేవింగ్స్ అకౌంట్ ఓపెనింగ్ ప్రక్రియను సరళతరం చేసింది. వీడియో కేవైసీ అకౌంట్ ఓపెనింగ్ సర్వీసులు అందుబాటులోకి తీసుకువచ్చింది. దీంతో బ్యాంక్ అకౌంట్ ఓపెన్ చేయాలని భావించే వారికి ఊరట కలుగనుంది.

ఐడీబీఐ బ్యాంక్ కొత్త సర్వీసుల వల్ల ఇకపై అకౌంట్ తెరవాలని భావించే వారు ఇల్లు లేదా ఆఫీస్ నుంచే ఈ పని పూర్తి చేసుకోవచ్చు. ఇల్లు, ఆఫీస్ నుంచే ఖాతా తెరవొచ్చు. బ్యాంక్ బ్రాంచుకు కూడా వెళ్లక్కర్లేదు. ఫిజికల్‌గా ఎలాంటి డాక్యుమెంట్లు సమర్పించాల్సిన పని లేదు.
కస్టమర్లకు మరింత బెనిఫిట్ అందించేందుకు డిజిటల్ సర్వీసులను మరింత విస్తరిస్తున్నామని బ్యాంక్ తెలిపింది. ఇందులో భాగంగానే ఇప్పుడు వీడియో కేవైసీ అకౌంట్ ఓపెనింగ్ సేవలు తీసుకువచ్చామని పేర్కొంది. కస్టమర్లకు ప్రయోజనం కలిగించే నిర్ణయాలు తీసుకుంటే వారికి మరిన్ని డిజిటల్ సేవలు అందిస్తామని ఐడీబీఐ బ్యాంక్ డిప్యూటీ మేనేజింగ్ డైరెక్టర్ సురేశ్ కాటన్‌హర్ తెలిపారు.

ఇకపోతే బ్యాంక్‌లో అకౌంట్ ఓపెన్ చేయాలని భావించే వారు vkyc.idbibank.co.in లింక్ ద్వారా పని పూర్తి చేసుకోవచ్చు. ఈ వెబ్‌సైట్‌కు వెళ్లి సులభంగానే అకౌంట్ ఓపెన్ చేయొచ్చు. ఉదయం 10 గంటల నుంచి సాయంత్రం 6 గంటల వరకు ఈ సేవలు అందుబాటులో ఉంటాయి. బ్యాంక్ సెలవుల్లో ఈ సేవలు ఉండవు.