కారు కొనే వారికి బంపరాఫర్...రూ.2.5 లక్షలు ఆదా చేసుకోవచ్చు

Written by : smtv Desk | Wed, Jan 06, 2021, 08:19 PM

కొత్తగా కారు కొనుగోలు చేయాలని ఆలోచిస్తున్నారా? అయితే మీకోసం అదిరిపోయే ఆఫర్ అందుబాటులో ఉంది. కారు కొనుగోలపై భారీ తగ్గింపు లభిస్తోంది. ప్రముఖ కార్ల తయారీ కంపెనీ హోండా కార్స్ తన మోడళ్లపై కొత్త ఏడాది జనవరి నెలలో అదిరిపోయే ఆఫర్లు అందిస్తోంది.

దేశవ్యాప్తంగా హోండా డీలర్‌షిప్స్‌లలో ఇంకా కార్లపై భారీ తగ్గింపు లభిస్తోంది. ఏకంగా రూ.2.5 లక్షల వరకు డిస్కౌంట్‌ను సొంతం చేసుకోవచ్చు. సివిక్ డీజిల్ కారుపై ఈ బెనిఫిట్ పొందొచ్చు. సివిక్ పెట్రోల్ వేరియంట్ కొనుగోలు చేస్తే రూ.లక్ష తగ్గింపు లభిస్తోంది.

అలాగే హోండా అమేజ్ కారుపై క్యాష్ డిస్కౌంట్ రూ.15,000 లభిస్తోంది. అదనంగా ఎక్స్చేంజ్ రూపంలో రూ.10,000 తగ్గింపు సొంతం చేసుకోవచ్చు. ఇంకా పలు మోడళ్లపై ఉచితం వారంటీ పొడిగింపు బెనిఫిట్ ఉంది. దీని ధర రూ.12,000 ఉంటుంది.

హోండా సిటీ కారుపై కేవలం ఎక్స్చేంజ్ ఆఫర్ మాత్రమే అందుబాటులో ఉంది. రూ.30,000 వరకు ఎక్స్చేంజ్ తగ్గింపు సొంతం చేసుకోవచ్చు. హోండా డబ్ల్యూఆర్‌వీ మోడల్‌పై రూ.25 వేల క్యాష్, రూ.15 వేల ఎక్స్చేంజ్ డిస్కౌంట్ లభిస్తోంది. హోండా జాజ్ పెట్రోల్ వేరియంట్‌పై రూ.15,000 క్యాష్ తగ్గింపు ఉంది. ఎక్స్చేంజ్ బోనస్ కూడా పొందొచ్చు. మీరు కొనుగోలు చేసే ప్రాంతం, డీలర్‌షిప్ ప్రాతిపదికన కారు ఆఫర్లు మారతాయి.