కూతురు ఉన్నవారికి శుభవార్త... నెలకు రూ.1000 డిపాజిట్ చేస్తే చేతికి రూ.5 లక్షలు

Written by : smtv Desk | Mon, Jan 11, 2021, 05:36 PM

మీకు ఇద్దరు కూతుళ్లు ఉన్నారా? వీరి కోసం డబ్బులు దాచిపెట్టాలని యోచిస్తున్నారా? అయితే మీకు ఒక ఆప్షన్ అందుబాటులో ఉంది. అదే సుకన్య సమృద్ధి యోజన. కేంద్ర ప్రభుత్వం ఆడ పిల్లల కోసం ఎంతో ప్రతిష్టాత్మకంగా ఈ స్కీమ్‌ను తీసుకువచ్చింది.
కేవలం ఆడ పిల్లలు మాత్రమే ఈ స్కీమ్‌లో చేరేందుకు అర్హులు. ఒక ఇంట్లో ఇద్దురు అమ్మయిల పేరుపై సుకన్య సమృద్ధి యోజన అకౌంట్‌ను ఓపెన్ చేయొచ్చు. మీరు మీకు దగ్గరిలోని బ్యాంక్ లేదా పోస్టాఫీస్‌కు వెళ్లి ఈ స్కీమ్‌లో చేరొచ్చు. సుకన్య సమృద్ధి అకౌంట్‌లో చేరాలంటే కచ్చితంగా 10 ఏళ్లకు లోపలే వయసు ఉండాలి.

మీరు నెలకు రూ.1000 నుంచి కూడా సుకన్య సమృద్ధి స్కీమ్‌లో డబ్బులు ఇన్వెస్ట్ చేస్తూ రావొచ్చు. 15 ఏళ్ల వరకు డబ్బులు ఇన్వెస్ట్ చేయాల్సి ఉంటుంది. గరిష్టంగా నెలకు రూ.12,500 వరకు డిపాజిట్ చేసుకునే వెసులుబాటు ఉంది. ఇంకా మీకు పన్ను ప్రయోజనాలు కూడా లభిస్తాయి.
సుకన్య సమృద్ధి స్కీమ్ మెచ్యూరిటీ కాలం 21 ఏళ్లు. మీరు ఖాతా తెరిచిన 21 ఏళ్ల తర్వాత డబ్బులను వెనక్కి తీసుకోవచ్చు. అమ్మాయికి 18 ఏళ్ల దాటిన తర్వాత కొంత మొత్తాన్ని విత్‌డ్రా చేసుకునే వెసులుబాటు ఉంది. ప్రస్తుతం సుకన్య సమృద్ధి యోజన స్కీ్‌మ్‌పై 7.6 శాతం వడ్డీ రేటు లభిస్తోంది. మీరు ఈ స్కీమ్‌లో నెలకు రూ.1000 ఇన్వెస్ట్ చేస్తూ వెలితే మెచ్యూరిటీ కాలంలో మీ చేతికి రూ.5.27 లక్షలు వస్తాయి.