ఇన్వెస్ట్‌మెంట్లతో నెలకు రూ.2 లక్షలు?

Written by : smtv Desk | Thu, Apr 15, 2021, 04:03 PM

చాలా మంది నెలకు రూ.20 వేల నుంచి రూ.30 వరకు సంపాదిస్తుంటారు. దీనికి మించి సంపాదించాలంటే ఎక్కువగా కష్టపడాల్సిందే. రూ.వేలల్లో కాకుండా రూ.లక్షల్లో సంపాదించాలంటే? ఇది కష్టమే. చాలా మంది సంపాదించలేరు కూడా.

రూ.లక్షల్లో సంపాదించడం కష్టమే.. కానీ సాధ్యమౌతుంది. ఎలా అనుకుంటున్నారా? అయితే ఈ విషయం తెలుసుకుందాం. ఉదాహరణకు మీ వయసు 45 ఏళ్లు అని అనుకుందాం. రెండేళ్లలో రిటైర్ అవుతారు. సేవింగ్స్ అకౌంట్‌లో రూ.80 లక్షలు ఉన్నాయి. పీఎఫ్ PF అకౌంట్‌లో కూడా రూ.80 లక్షలు కలిగి ఉన్నారు.

ఇంకా PPF పీపీఎఫ్ అకౌంట్‌లో రూ.10 లక్షలు కలిగి ఉన్నారు. NPS ఎన్‌పీఎస్ ఖాతాలో రూ.3.5 లక్షలు ఉన్నాయి. స్టాక్స్, ఇతర ఫండ్స్‌లో రూ.30 లక్షలు పెట్టారు. ఇప్పుడు మీరు నెలకు రూ.2 లక్షలు పొందాలని భావిస్తున్నారు. ఇప్పుడు ఏం చేయాలో ఒకసారి తెలుసుకుందాం.

పైన పేర్కొన్న ఇన్వెస్ట్‌మెంట్లు, బ్యాంక్ బ్యాలెన్స్ అన్నీ కలుపుకుంటే.. రూ.2 కోట్లకు పైగా డబ్బులు ఉన్నాయి. మీరు ఈ డబ్బులతో సంవత్సరానికి రూ.24 లక్షలు సంపాదించాలని భావిస్తున్నారు. 12 శాతం రాబడి ప్రాతిపదికన చూస్తే సురక్షితమైన ఫిక్స్‌డ్ ఇన్‌కమ్ సాధనాలు లేవని చెప్పుకోవాలి. ప్రస్తుం 7 నుంచి 8 శాతం వడ్డీనే వస్తుంది. అంటే మీరు మీ డబ్బులతో నెలకు రూ.2 లక్షలు పొందటం కష్టమే అని చెప్పుకోవాలి. ఈ నేపథ్యంలో మీరు మీ రిటైర్మెంట్ కార్పస్‌ను పెంచుకోవడం లేదా ఇంకా కొన్నేళ్లు పని చేయాలి.