కరోనా లక్షణాలుంటే ఈ మందులు వాడండి...టెస్టులు తరువాత

Written by : smtv Desk | Thu, May 06, 2021, 05:53 PM

కరోనా వైరస్ ఉగ్రరూపం దాల్చుతున్న వేళ తెలంగాణ ప్రభుత్వం కీలక నిర్ణయం తీసుకుంది. కరోనా లక్షణాలు ఉంటే.. ముందు చికిత్స తీసుకోవాలని సూచించింది. టెస్టుల గురించి వేచి చూడకుండా విలువైన సమయాన్ని వృథా చేసుకోవద్దని తెలిపింది. ఈ మేరకు కొన్ని మందులు ఎలా వేసుకోవాలో సూచించింది. ప్రభుత్వం సూచించినట్లుగా వాటిని వేసుకుంటే స్వల్ప, మధ్యస్థ స్థాయిలో ఉంటే కరోనాను ఎదుర్కోవచ్చని స్పష్టం చేసింది.
కరోనా లక్షణాలు ఉన్నప్పుడు వాడాల్సిన మందులు:
* డాక్సిసైక్లిన్ (Doxycycline) అనే యాంటీ బయోటిక్/యాంటీ వైరల్ మందును ఉదయం, రాత్రి 5 రోజుల పాటు వేసుకోవాలి.
* పారాసిటమాల్ (Paracetamol) అనే బిళ్లను జ్వరం ఉంటే ఉదయం, రాత్రి 10 రోజుల పాటు తీసుకోండి.
* లెవోసిట్రజిన్ (Levocetirizine) అనే మెడిసిన్‌ను జలుబు లక్షణాలు ఉంటే లెవో సిట్రజిన్ మందులను ఉదయం వేళలో 10 రోజుల పాటు వేసుకోవాలి.
* రాంటాక్ (Rantack) మందు కడుపు ఉబ్బరంగా ఉండి త్రేన్పులు ఎక్కువగా వస్తే రాంటాక్ టాబ్లెట్స్‌ ప్రతి రోజు ఉదయం 10 రోజుల పాటు తీసుకోవాలి.
* శరీరంలో రోగనిరోధ శక్తి పెంచుకునేందుకు 10 రోజుల పాటు ఉదయం, సాయంత్రం విటమిన్ సీ టాబ్లెట్లను చప్పరించాలి.
* మల్టీ విటమిన్ టాబ్లెట్స్‌ను కూడా ఉదయం, రాత్రి 10 రోజుల పాటు వేసుకుంటే మంచిది.
* మిథైల్ ప్రెడ్నిసోలోన్ (Methylprednisolone) అనే మందును ఒక వేళ ఐదు రోజులైనా జ్వరం తగ్గకపోతే ఉదయం రాత్రి 5 రోజుల పాటు వేసుకోవాలి.
* విటమిన్ డీ టాబ్లెట్స్‌ను ఉదయం పూట ఒకసారి 10 రోజుల పాటు తీసుకోవాలి.

ఒకవేళ శ్వాస ఆడడంతో ఇబ్బందులు వస్తే కాల్‌ సెంటర్‌కు 104కి కాల్ చేసి సాయం పొందాలి. లేదా దగ్గరలో ఉన్న ఆస్పత్రికి వెళ్లి డాక్టర్‌ను సంప్రదించాలి.