ఈ కాంబినేషన్ ఫుడ్ తీసుకోవచ్చా..

ప్రొటీన్ ఎక్కువగా లభించే సోర్సెస్ లో ఎగ్స్ కూడా ఒకటి అనే విషయం అందరికి తెలిసిందే. అన్ని చోట్లా అన్ని వేళలా ఎగ్స్ అందుబాటులో ఉంటాయి. ప్రోటీన్ మాత్రమే కాదు ఎగ్స్ లో మెగ్నీషియం, కాల్షియం, ఐరన్, విటమిన్ ఏ, బీ,ఈ, కే కూడా ఉంటాయి. పచ్చ సొన లో క్యాలరీలు ఎక్కువని చాలా మంది పచ్చ సొన వదిలేసి తెల్ల సొన మాత్రమే తింటారు. నిజానికి పచ్చ సొన లోనే పోషకాలు ఎక్కువగా ఉంటాయి. రోజుకి ఒక ఎగ్ పూర్తిగా తినడం వల్ల ఎన్నో ఆరోగ్య ప్రయోజనాలున్నాయి. ఇమ్యూనిటీ బూస్టింగ్ నుండి, హార్ట్ డిసీజెస్ నుండి ప్రొటెక్ట్ చేయడం వరకూ ఎగ్స్ మనకి ఎన్నో విధాల హెల్ప్ చేస్తాయి. అయితే ఈ ఎగ్ ని కాంబినేషన్ ఫుడ్ గా కూడా తీస్కుంటారు. పాలకూర,ఆనియన్, టమాటో ఇలా దాదాపు కురగాయలన్నిటితో కలిపి తీసుకుంటారు. అయితే ఆహారం లో ప్రోటీన్ ఎక్కువ తీసుకోవాలి అనగానే మనకి మొదట గుర్త్తోచ్చే రెండు ఆహార పదార్ధాలు ఎగ్స్, పనీర్. హై క్వాలిటీ ప్రొటీన్ కి ఇవి రెండూ పెట్టింది పేరు, రెండింటిలోనూ కాల్షియం, ఐరన్, బీ12 వంటి పోషకాలు ఉన్నాయి. వెజిటేరియన్స్ కి ఇక్కడ ఉన్న ఆప్షన్ ఒకటే కానీ, నాన్ వెజిటేరియన్స్ రెండూ ఎంజాయ్ చేయవచ్చు. అయితే, కొంత మంది రెండూ కలిపి తీసుకుంటే ఎక్కువ ప్రోటీన్ వల్ల ఇంకా త్వరగా బరువు తగ్గుతామేమో అని రెండింటినీ కలిపి తీసుకుంటారు. ఇక్కడ ప్రశ్న ఏమిటంటే ఇలా తినడం నిజంగానే హెల్ప్ చేస్తుందా?

నలభై నాలుగు గ్రాముల బాయిల్డ్, లేదా పోచ్డ్ ఎగ్ లో ఈ పోషకాలు ఉంటాయి.
ప్రోటీన్ - 5.5 గ్రాములు
టోటల్ ఫ్యాట్ - 4.2 గ్రాములు
కాల్షియం - 24.6 మిల్లీ గ్రాములు
ఐరన్ - 0.8 మిల్లీ గ్రాములు
మెగ్నీషియం - 5.3 మిల్లీ గ్రాములు
ఫాస్ఫరస్ - 86.7 మిల్లీ గ్రాములు
పొటాషియం - 60.3 మిల్లీ గ్రాములు
జింక్ - 0.6 మిల్లీ గ్రాములు
కొలెస్ట్రాల్ - 162 మిల్లీ గ్రాములు
సెలీనియం - 13.4 మైక్రో గ్రాములు

ఇండియన్ డైరీ ప్రోడక్ట్స్ లో పనీర్ చాలా పాప్యులర్. దీనిని పాల నుండి తయారు చేస్తారు. ఎగ్స్ లాగానే పనీర్ లో కూడా హెల్దీ న్యూట్రియెంట్స్ ఎన్నో ఉంటాయి. ఆ న్యూట్రియెంట్స్ లో ప్రోటీన్ కూడా ఒకటి. ఇంకా పనీర్ లో విటమిన్ డీ, సెలీనియం, రైబో ఫ్లావిన్ కూడా ఉంటాయి. వీటిని సలాడ్స్ అయినా యాడ్ చేసుకోవచ్చు, లేదా ఆలివ్ ఆయిల్ లో కొన్ని పనీర్ క్యూబ్స్ ఫ్రై చేసి స్నాక్ టైమ్ లో తినచ్చు. నలభై గ్రాముల లో ఫ్యాట్ పనీర్ లో ఈ పోషకాలు ఉంటాయి.
​పనీర్‌లోని హెల్త్ బెనిఫిట్స్..
ప్రోటీన్ - 7.54 గ్రాములు
ఫ్యాట్ - 5.88 గ్రాములు
కార్బ్స్ - 4.96 గ్రాములు
ఫోలేట్స్ - 37.32 మైక్రో గ్రాములు
కాల్షియం - 190.4 మిల్లీ గ్రాములు
ఫాస్ఫరస్ - 132 మిల్లీ గ్రాములు
పొటాషియం - 50 మిల్లీ గ్రాములు
ప్రోటీన్ చాలా అవసరమే, కానీ శరీరానికి ఇంకా ఇతర పోషకాలు కూడా కావాలి. ప్రతి ఒక్క న్యూట్రియెంట్ కీ స్పెసిఫిక్ రోల్ ఉంటుంది, ఆ న్యూట్రియెంట్ లభించకపోతే ఆ పని జరగదు, బాడీలో ఇమ్‌బాలెన్స్ ఏర్పడుతుంది. ప్రోటీన్ ఇన్‌టేక్ పెరిగింది అంటే అర్ధం కొన్ని న్యూట్రియెంట్స్ తగ్గుతున్నాయని - కార్బ్స్, లేదా ఫ్యాట్ వంటివి. ఇలా చేయడం వల్ల ఇంటర్నల్ సిస్టమ్ దెబ్బ తింటుంది, బరువు తగ్గే పని కొద్దిగా మందగిస్తుంది. వెయిట్ లాస్ ఎఫెక్టివ్ గా జరగాలంటే అన్ని న్యూట్రియెంట్స్ నీ తగిన మోతాదులో తీసుకోవాలి.
ప్రొటీన్ ని లైఫ్ కి బిల్డింగ్ బ్లాక్ అని అంటారు. ఇది మెటబాలిజం ని బూస్ట్ చేసి వెయిట్ లాస్ ప్రాసెస్ కి కావాల్సిన సపోర్ట్ ని ఇస్తుంది. అందువల్ల బరువు తగ్గడానికి ట్రై చేస్తున్నప్పుడు ప్రోటీన్ ఎక్కువగా తీసుకోవాలనుకోవడం సహజం. అయితే, ఇక్కడ చాలా మంది మర్చిపోయేది ఏమిటంటే ప్రోటీన్ ఆరోగ్యానికి ఎంత మంచిదైనా దానిని తగిన మోతాదులోనే తీసుకోవాలని. ఎగ్స్, పనీర్ కలిపి తీసుకోవడం లో ఎలాంటి ప్రాబ్లం లేదు. నిజానికి ఇవి రెండూ కలిపి వండే వంటకాలు కూడా ఉన్నాయి. కానీ, ఎలా తీసుకున్నా రోజుకి ఎంత ప్రోటీన్ తీసుకోవాలో అంతే తీసుకోవాలి, అది ఎలా తీసుకున్నా సరే. అలాగే, ఆ క్వాంటిటీని రోజులో తీసుకునే మూడు మీల్స్ లో తీసుకోవాలి. కేవలం లంచ్ లోనో, డిన్నర్ లోనో కాకుండా బ్రేక్ ఫాస్ట్, లంచ్, డిన్నర్ లో రోజుకి తీసుకోవాల్సిన ప్రోటీన్ క్వాంటిటీని ఈక్వల్ గా సర్దాలి. ఎంత ప్రోటీన్ తీసుకోవాలి అనేది బాడీ వెయిట్ ని బట్టి ఉంటుంది. ఎందుకంటే, మన బాడీ ప్రోటీన్ ని స్టోర్ చేసుకోలేదు. అవసరమైన ప్రోటీన్ ని వాడుకున్న తరువాత మిగిలిన ప్రోటీన్ ఫ్యాట్ గా కన్వర్ట్ అయిపోతుంది. ఇందు వల్ల టెంపొరరీ వెయిట్ గెయిన్ జరుగుతుంది. అంతే కాక ప్రోటీన్ ఎక్కువైతే డీ హైడ్రేషన్, కాన్స్టిపేషన్, వంటి ప్రాబ్లమ్స్ వస్తాయి.