గత రెండు రోజులుగా బంగారం ధర తగ్గుతూనే వచ్చింది. బంగారం ధర బాటలోనే వెండి రేటు కూడా దిగివచ్చింది. హైదరాబాద్ మార్కెట్లో 10 గ్రాముల 24 క్యారెట్ల బంగారం ధర 2 రోజుల్లో రూ. 610 మేర దిగొచ్చింది. దీంతో బంగారం ధర రూ. 48,990కు తగ్గింది. 22 క్యారెట్ల బంగారం ధర కూడా ఇదే దారిలో 10 గ్రాములకు రూ. 560 పడిపోయింది. దీంతో ఈ పసిడి రేటు రూ. 44,900కు క్షీణించింది.
బంగారం రేటు మాదిరిగానే వెండి ధర కూడా తగ్గి వెండి రేటు 2 రోజుల్లో రూ. 900 మేర పడిపోయింది. దీంతో కేజీ వెండి ధర రూ. 65,700కు దిగొచ్చింది. బంగారం, వెండి ధరల తగ్గింపు నేపథ్యంలో బంగారం కొనుగోలు చేయాలి అనుకునే వారికి ఇది ఊరట కలిగించే విషయం అనే చెప్పుకోవాలి.