ఊర్వశి రౌతేలా నిర్వాకానికి ఆమెపై మండిపడుతున్న పంత్ అభిమానులు..

స్టార్ క్రికెటర్ రిషబ్ పంత్ సిని నటి ఊర్వశి రౌతేలా ఇద్దరి మధ్య కొంతకాలం క్రితం సోషల్ మీడియాలలో గొడవ జరిగిన విషయం తెలిసిందే. ఈ గొడవని మొదట ఊర్వశి రౌతేలానే మొదలు పెట్టింది. వారిద్దరి మధ్య జరిగిన గొడవ అప్పట్లో హట్ టాపిక్ అయ్యింది. అయితే, ఇప్పుడు పంత్ గురించి పరోక్షంగా ఊర్వశి పెట్టిన పోస్ట్ తో ఆమెపై విమర్శలు వచ్చి పడుతున్నాయి. పంత్ ఫ్యాన్స్ ఆమెను తెగ ట్రోల్ చేస్తున్నారు.
రిషబ్ పంత్ గత శుక్రవారం రోడ్డు ప్రమాదంలో తీవ్రంగా గాయపడడం తెలిసిందే. డెహ్రాడూన్ నుంచి అతడ్ని మెరుగైన చికిత్స కోసం ముంబైలోని కోకిలాబెన్ ధీరూభాయి అంబానీ ఆసుపత్రికి బీసీసీఐ తరలించింది. పంత్ చికిత్స పొందుతున్న కోకిలాబెన్ ఆసుపత్రి ఫొటోను ఊర్వశి రౌతేలా తన ఇన్ స్టా గ్రామ్ స్టోరీస్ లో పోస్ట్ చేసింది. అంతకుముందు పంత్ కోసం ప్రార్థిస్తున్నానంటూ ఆమె వ్యంగ్యంగా పోస్ట్ చేయడం గమనార్హం.
కోకిలాబెన్ ఆసుపత్రి ఫొటో పోస్ట్ చేయడంతో.. పంత్ ను ఊర్వశి పరామర్శించి ఉంటుందా? అని పరిశీలించిన అభిమానులకు ఆమె నిర్వాకం చూసి మంటకెత్తింది. తాను ఆ సమయంలో అక్కడ ఉన్నానంటూ క్యాప్షన్ పెట్టడం అభిమానులకు మరింత కోపాన్ని తెప్పించింది. దీంతో పంత్ ఫ్యాన్స్ ఊర్వశి పై కామెంట్లతో, ట్రోలింగ్ తో విరుచుకు పడుతున్నారు.

‘‘అరే భాయ్ ఊర్వశి మతిస్థిమితం కోల్పోయిందా ఏంటి? పంత్ చికిత్స పొందుతున్న ఆసుపత్రి ఫొటో పెట్టింది?’’ అని ఓ యూజర్ కామెంట్ చేశాడు. ‘‘ఆసుపత్రి బయటి నుంచి ఫొటోను పోస్ట్ చేయడం కాదు.. మనసుంటే వెళ్లి పంత్ ను పరామర్శించు’’ అని మరో యూజర్ సూచించాడు. క్రికెటర్ల మానసిక ప్రశాంతతతో ఆటలాడుకోవద్దంటూ మరో నెటిజన్ సూచన చేశాడు. ‘‘మేడమ్, మీరు పంత్ కోసం ప్రార్థించొచ్చు. కానీ, హాస్పిటల్ ఫొటోలు పోస్ట్ చేసి మీరు ఏం చేస్తున్నారు? పంత్ ప్రశాంతతను చెడగొడుతున్నారు’’ అని మరో యూజర్ అన్నాడు.
https://twitter.com/curlykrazy07/status/1611242149168971776?ref_src=twsrc%5Etfw%7Ctwcamp%5Etweetembed%7Ctwterm%5E1611242149168971776%7Ctwgr%5E23b11511beba1a63b94f5e09741f5400fadf3570%7Ctwcon%5Es1_c10ref_url=https%3A%2F%2Fwww.ap7am.com%2Fflash-news-761783%2Furvashi-rautela-shares-pic-of-mumbai-hospital-where-rishabh-is-admitted