అట్లీ, బన్నీ సినిమాలో ఒక కథానాయికగా ఆ స్టార్ హీరోయిన్

ప్రస్తతం అల్లు అర్జున్ పుష్ప 2 సినిమాతో బిజీ గా ఉన్నాడు అనే విషయము తెలుస్తుంది . ఈ సినిమా పూర్తి అయిన తర్వాత ఏ దర్శకుడితో తొందరగా సినిమా స్టార్ట్ చేస్తాడో అనే విషయంలో మాత్రం చాలా సస్పెన్స్ క్రియేట్ అవుతుంది. అయితే బన్నీఫ్యాన్స్ నెక్స్ట్ అనౌన్స్మెంట్ కోసం చాలా ఆసక్తిగా ఎదురు చూస్తున్నారు. లిస్టులో ఇదివరకే చాలామంది దర్శకుల పేర్లు వినిపించాయి. అయితే ఇప్పుడు హఠాత్తుగా అట్లీ పేరు టాప్ లిస్టులో చేరిపోయింది. తప్పకుండా మంచి ఫామ్ లో ఉన్న ఈ దర్శకుడు తోనే బన్నీ నెక్స్ట్ ప్రాజెక్ట్ ను స్టార్ట్ చేసే అవకాశం ఉన్నట్లుగా తెలుస్తోంది.కానీ నిర్మాత అల్లు అరవింద్ తో పాటు సన్ పిక్చర్స్ కూడా రంగంలోకి దిగాయి. ఇక అల్లు అర్జున్ పుట్టినరోజు సందర్భంగా అఫీషియల్ గా ఒక క్లారిటీ వచ్చే అవకాశం ఉంది. ఇక ముందుగానే హీరోయిన్ విషయంలో కూడా మేకర్స్ ఒక నిర్ణయానికి వచ్చే ఆలోచనలో ఉన్నట్లు వార్తలు వస్తున్నాయి .

చాలా రోజుల నుండి అయితే సమంత పేరు వైరల్ అవుతున్న విషయం తెలిసిందే. ఇదివరకే అల్లు అర్జున్ తో సమంత సన్నాఫ్ సత్యమూర్తి సినిమా లో కలిసి నటించారు. అలాగే పుష్ప సినిమాలో సమంత ఒక స్పెషల్ సాంగ్ లో కూడా కనిపించిన విషయం అందరికి తెలిసిందే. ఆ పాటకు మంచి రెస్పాన్స్ వచ్చింది. అయితే ఇప్పుడు అట్లీ దర్శకత్వంలో బన్నీ చేయబోయే మరో సినిమాలో కూడా ఈ బ్యూటీని ఒక హీరోయిన్ గా సెలెక్ట్ చేసుకోబోతున్నట్లు తెలుస్తోంది. అలాగే మరొక హీరోయిన్ కూడా ఇందులో నటించబోతున్నట్లు సమాచారం వైరల్ గా అవుతుంది . ఆ పాత్ర కోసం సీనియర్ నటి త్రిషను సంప్రదించినట్లు తెలుస్తోంది. సమంత కాంబినేషన్లో బన్నీ ఇదివరకే కనిపించాడు. కాబట్టి త్రిషతో నటిస్తే మాత్రం చాలా కొత్తగా ఉంటుంది. ప్రస్తుతం ఇద్దరు హీరోయిన్ల విషయంలో అయితే చర్చలు కొనసాగుతూ ఉన్నాయి. తుది నిర్ణయం అయితే ఇంకా తీసుకోలేదు.

అల్లు అర్జున్ పుట్టినరోజు ఏప్రిల్ 8న ఈ విషయంలో ఫైనల్ గా ఒక క్లారిటీ ఇవ్వనున్నారు. ఇక త్రిష కూడా ప్రస్తుతం సౌత్ ఇండస్ట్రీలో వరుస అవకాశాలు అందుకుంటున్న విషయం తెలిసిందే. విజయ్ తో చేసిన లియో సినిమా కూడా కమర్షియల్ గా సక్సెస్ అయ్యింది. అలాగే మరోవైపు రజినీకాంత్, కమలహాసన్ లాంటి పెద్ద స్టార్ హీరోలతో కూడా జోడి కట్టబోతోంది. కాబట్టి ఈ తరుణంలో బన్నీ సినిమాలో ఆమె నటిస్తే మాత్రం మరింత క్రేజ్ పెరిగే అవకాశం ఉంది. చివరికి ఏ హీరోయిన్ కి ఛాన్స్ వచ్చే అవకాషం ఉందొ తెలియాలి అంటే ఇంకా కొన్ని రోజులు వెయిట్ చేయాల్సిన అవసరం ఎంతయినా ఉంది .